News August 15, 2025
ஆரவாரத்துடன் வெளியான வார் 2வுக்கு பெரும் அடி
ரஜினியின் கூலியுடன் களமிறங்கிய ‘வார் – 2’ படம் முதல் நாளில் ₹52.5 கோடியை மட்டுமே வசூலித்துள்ளது. பெரிதும் எதிர்பார்க்கப்பட்ட ‘வார் 2’ அதன் முதல் பாக வசூலைக்(₹53 கோடி) கூட தொடவில்லை. படத்திற்கு கலவையான விமர்சனங்களே வருவதால் வரும் நாட்களில் படத்தின் வசூல் மேலும் குறையும் என கூறப்படுகிறது. அதேவேளையில், ரஜினியின் <<17409522>>‘கூலி’, ₹140 கோடி<<>> வரை வசூல் செய்திருப்பதாக தகவல் வெளியாகியுள்ளது.
Similar News
News August 15, 2025
தமிழர்கள் மீது அப்படி என்ன வெறுப்பு? கனிமொழி சாடல்
TN-ல் பெண்களுக்கு எதிரான குற்றங்கள் அதிகரித்துள்ளதாக கூறிய கவர்னரை கனிமொழி MP சாடியுள்ளார். NCRB அறிக்கையின் படி, பெண்களுக்கு எதிரான குற்றங்கள் நடக்கும் மாநிலங்களில் BJP ஆளும் உ.பி., மகாராஷ்டிரா, ராஜஸ்தான் முதல் 3 இடங்களை பிடித்துள்ளதாகவும், இதில் 10 இடங்களுக்குள் கூட வராத TN மீது பழி போடுவதா என்றும் அவர் கேள்வி எழுப்பியுள்ளார். மேலும், தமிழர்கள் மீது அப்படி என்ன வெறுப்பு என்றும் சாடியுள்ளார்.
News August 15, 2025
BREAKING: கவர்னர் இல.கணேசன் காலமானார்
நாகாலாந்து கவர்னர் இல.கணேசன்(80) காலமானார். வீட்டில் மயங்கி விழுந்ததால் சென்னை அப்போலோவில் சேர்க்கப்பட்ட அவர், சிகிச்சை பலனின்றி இன்று உயிரிழந்துள்ளார். அவரது மறைவுக்கு தலைவர்கள் இரங்கல் தெரிவித்து வருகின்றனர். பாஜக மூத்த தலைவராக இருந்த இல. கணேசன், மணிப்பூர், மேற்கு வங்கம் உள்ளிட்ட மாநிலங்களில் கவர்னர் பொறுப்பு வகித்தது குறிப்பிடத்தக்கது.
News August 15, 2025
GST-யில் வரும் மெகா மாற்றம் இதுதானா?
வரும் செப்டம்பரில் GST கவுன்சில் கூட்டம் நடைபெற உள்ளது. அதில் பல்வேறு வரி சீர்திருத்தங்கள் மேற்கொள்ளப்பட உள்ளதாக தகவல் வெளியாகியுள்ளது. குறிப்பாக 12% GST வரம்பு நீக்கப்பட உள்ளதாக கூறப்படுகிறது. அந்த வரம்பில் உள்ள பொருள்கள் 5% மற்றும் 18%-க்கு மாற்றப்பட உள்ளன. அத்தியாவசிய பொருள்களுக்கு குறைவான வரிவிதிக்கப்படும் என எதிர்பார்க்கப்படுகிறது. இருப்பினும், சில பொருள்களின் விலை உயரவும் வாய்ப்புள்ளது.