News August 5, 2025
விஜய்யின் அறிவிப்புக்காக காத்திருக்கும் தொண்டர்கள்
தமிழக வெற்றிக் கழகத்தின் 2-வது மாநில மாநாடு மதுரையில் வருகிற 25-ம் தேதி நடத்த திட்டமிடப்பட்டிருந்தது. ஆனால் 27-ம் தேதி விநாயகர் சதுர்த்தி வருவதால், பாதுகாப்பு வழங்குவதில் சிக்கல் உள்ளதாக கூறி தேதியை மாற்ற போலீசார் அறிவுறுத்தினர். இதனையடுத்து மாநாட்டை வரும் 18 முதல் 22-ம் தேதிக்குள் நடத்த தவெக திட்டமிட்டுள்ளது. அதன்படி, மாநாட்டுக்கான தேதியை இன்னும் சற்று நேரத்தில் விஜய் அறிவிக்க உள்ளார்.
Similar News
News August 5, 2025
இது இப்போ ‘பான் வேர்ல்ட்’ பிரச்னை!
ரயில்வே ஸ்டேஷன், பார்க் என எங்கு பார்த்தாலும் ‘பான் கறை’ நம்மூரில் மட்டும்தான் என நினைத்துவிட வேண்டாம். லண்டன் நகரமும் இந்த பான் கறையில் சிக்கி சின்னாபின்னமாகி வருகிறது. இந்த கறையால் வெறுத்துப்போன ஆங்கிலேயர்கள் முதலில் தங்கள் ஏரியாவில் புதியதாக திறக்கப்பட்ட பான் கடையை மூடும் படி கோரிக்கை வைத்துள்ளனர். இந்த கறை குறித்த வீடியோ, போட்டோக்கள் வெளிவர இவற்றுக்கு யார் காரணம் எனக் கேள்வி எழுந்துள்ளது.
News August 5, 2025
கூட்டணி கட்சியினர் PM மோடிக்கு பாராட்டு
தேசிய ஜனநாயக கூட்டணியின் நாடாளுமன்றக்குழு கூட்டம், பிரதமர் தலைமையில் நடைபெற்று வருகிறது. கூட்டத்தில் ‘ஆபரேஷன் சிந்தூர்’ நடவடிக்கைக்காக PM மோடிக்கு கூட்டணி கட்சி MP-க்கள் பாராட்டு தெரிவித்தனர். அதேபோல் பாகிஸ்தானுக்கு எதிராக துணிவுடன் போராடிய முப்படைக்கும் கூட்டத்தில் வீரவணக்கம் செலுத்தப்பட்டது. கூட்டத்தில் அடுத்த துணை ஜனாதிபதி யார் என்பது குறித்து முடிவெடுக்கப்படும் எனவும் கூறப்படுகிறது.
News August 5, 2025
போதிய மருத்துவர்கள் இல்லை: திமுக அரசை சாடிய OPS
அரசு மருத்துவக் கல்லூரி ஹாஸ்பிடல்களில் மருத்துவரே இல்லாத அவல நிலையை திமுக உருவாக்கியுள்ளதாக OPS குற்றம்சாட்டியுள்ளார்.
கடலூர், புதுக்கோட்டை அரசு ஹாஸ்பிடல்களில் போதிய பல் மருத்துவர்கள் இல்லாததை மறைக்க, மற்ற ஹாஸ்பிடல்களில் இருந்து திடீரென 27 டாக்டர்களை அங்கு மாற்றி இருப்பதாகவும் தெரிவித்துள்ளார். இதனால் அந்தந்த மருத்துவமனைகளில் டாக்டர்கள் தட்டுப்பாடு ஏற்பட்டு மக்கள் அவதியடைவதாகவும் சாடியுள்ளார்.