News August 23, 2025
விஜய் பேச்சில் சவடால் மட்டும் தான்: திருமாவளவன்
திமுக வெறுப்பு என்பதே தவெக மாநாட்டில் அவர்கள் உமிழ்ந்த அரசியல் என திருமாவளவன் கடுமையாக விமர்சித்துள்ளார். செய்தியாளர்களிடம் பேசிய அவர், 2 மாநாடுகள் முடிந்தபின்பும் கட்சியின் கொள்கை கோட்பாடுகள் என்னவென்பது அவர்களுக்கே புரியவில்லை என்றார். மேலும் லட்சம் பேரை திரட்டி வெறும் சவடால்களை மட்டுமே விஜய் முன்வைத்திருப்பதாகவும், அவரது பேச்சில் கருத்தும் இல்லை, கருத்தியலும் இல்லை என்றும் சாடினார்.
Similar News
News August 23, 2025
விரைவில் சந்திரயான் 4 மிஷன்.. இஸ்ரோ உறுதி
சந்திரயான் 4 மற்றும் வீனஸ் ஆர்பிட்டர் மிஷன் ஆகியவற்றை விரைவில் செயல்படுத்தவுள்ளதாக ISRO தலைவர் நாராயணன் தெரிவித்துள்ளார். தேசிய விண்வெளி தினம் இன்று கொண்டாடப்படுகிறது. இதனையொட்டி பேசிய அவர், 2028-ல் தொடங்கும் சர்வதேச விண்வெளி நிலையத்திற்கான பணிகள் 2035-க்குள் முழுமை பெறும் என உறுதியளித்தார். அதேநேரம், இந்த சிறப்புமிக்க நாளில் சுபான்ஷு சுக்லாவின் சாதனையை PM மோடி தனது உரையில் குறிப்பிட்டார்.
News August 23, 2025
மாநில அரசுக்கு தொல்லை கொடுக்கும் மத்திய அரசு: CM
தமிழ்நாட்டின் அரசியலே சமூகநீதி அரசியல்தான்; வேறு எந்த அரசியலும் எடுபடாது என CM ஸ்டாலின் தெரிவித்துள்ளார். பாஜக அல்லாத கட்சிகள் ஆளும் மாநிலங்களுக்கு மத்திய அரசு தொடர்ந்து தொல்லை கொடுக்கிறது என்றும், குறுகிய எண்ணத்தோடு செயல்படும் மத்திய அரசு, மாநிலங்களுக்கு உரிய நிதிப்பங்கை அளிப்பதில்லை என குற்றஞ்சாட்டினார். மேலும், கட்சி சாராத நடுநிலையானவர்களை கவர்னராக நியமிக்க வேண்டும் எனவும் வலியுறுத்தினார்.
News August 23, 2025
இந்த தங்கத்தின் விலை வெறும் ₹3,550
24 காரட் தங்கம் என்பது வேறு எந்த உலோகங்களும் சேர்க்காத 99.9 தூய்மையான தங்கமாகும். அதுவே, 9 காரட் தங்கத்தில் 37.5% மட்டுமே தூய்மையான தங்கமும், மீதமுள்ள 62.5% செம்பு, வெள்ளி, Zinc போன்ற உலோகங்கள் கலக்கப்பட்டிருக்கும். உதாரணத்திற்கு 1,000 கிராம் 9 கேரட் தங்கத்தில் 375 கிராம் மட்டுமே சுத்தமான தங்கம் சேர்க்கப்பட்டிருக்கும். இந்தியாவில் இதன் ஒரு கிராமின் விலை ₹3,550 ஆகும்.