News September 19, 2025
அரைமணி நேரத்தில் விஜய் பேச்சை முடிக்க நிபந்தனை
திருச்சியை போல நாகையிலும் 23 நிபந்தனைகளுடன் விஜய்யின் பிரசாரக் கூட்டத்திற்கு போலீஸ் அனுமதி அளித்துள்ளது. அரைமணி நேரம் மட்டுமே விஜய் பேச வேண்டும், விஜய்யின் வாகனத்தை பின் தொடரக்கூடாது உள்ளிட்ட நிபந்தனைகளை போலீஸ் விதித்துள்ளது. தவெகவின் கோரிக்கையை ஏற்று புத்தூர் அண்ணா சிலை அருகே பிரசாரத்துக்கு போலீஸ் அனுமதி கொடுத்துள்ளது. பிரசாரம் குறித்து நேற்று <<17749723>>கோர்ட் <<>> தவெகவுக்கு எச்சரிக்கையும் கொடுத்திருந்தது.
Similar News
News September 19, 2025
விஜய்யின் பக்கம் காய் நகர்த்தும் டிடிவி தினகரன்
NDA-வில் இருந்து வெளியேறிய தினகரன், EPS-ஐ CM வேட்பாளராக ஏற்க முடியாது என கூறி வருகிறார். அதோடு, அமமுக வெற்றிக் கூட்டணியில் இணையும் எனவும் தெரிவித்திருந்தார். இந்நிலையில் விஜய்யுடன் டிடிவி தரப்பில் இருந்து பேச்சுவார்த்தை நடத்தப்பட்டதாக தகவல் வெளியாகியுள்ளது. கூட்டணி குறித்து டிசம்பரில் அறிவிப்பேன் என கூறிய டிடிவி, பாஜகவுக்கு அழுத்த கொடுக்கவே விஜய் தரப்பிடம் பேச்சுவார்த்தை நடத்தியதாக கூறப்படுகிறது.
News September 19, 2025
செங்கோட்டையன் விவகாரம்: அதிமுக அவசர ஆலோசனை
ஈரோடு புறநகர் மேற்கு மாவட்ட செயலாளர் AK செல்வராஜ் தலைமையில் கோபி அலுவலகத்தில் அவசர ஆலோசனை நடத்தப்பட்டு வருகிறது. செங்கோட்டையனுக்கு மாற்றாக நியமிக்கப்பட்ட இவரை கடந்த வாரம் செங்கோட்டையனின் ஆதரவாளராக இருந்த MLA பண்ணாரி உள்ளிட்ட ஏராளமான கட்சி நிர்வாகிகள் சந்தித்து ஆதரவு அளித்திருந்தனர். கட்சியிலிருந்து செங்கோட்டையன் நீக்கப்படலாம் என பேசப்பட்டு வரும் நிலையில், இந்த ஆலோசனை கூட்டம் கவனத்தை பெற்றுள்ளது.
News September 19, 2025
பிஹாரில் வேலையில்லா பட்டதாரிகளுக்கு மாதம் ₹1000
20-25 வயதுக்குட்பட்ட வேலையில்லா பட்டதாரிகளுக்கு 2 ஆண்டுகளுக்கு மாதம் ₹1,000 வழங்கப்படும் என பிஹார் CM நிதிஷ் குமார் அறிவித்துள்ளார். முன்னதாக, 10, 12-வது தேர்ச்சி பெற்று, உயர்கல்வி படிக்கமுடியாத வேலையில்லாத இளைஞர்களுக்கு உதவித்தொகை வழங்கப்பட்டு வந்த நிலையில், தற்போது பட்டதாரிகளுக்கும் நீட்டிக்கப்பட்டுள்ளது. தமிழகத்தில் 5 ஆண்டுகளுக்கு மேல் வேலையில்லாதவர்களுக்கு ₹600 வழங்கப்படுகிறது.