News August 28, 2025
Uncle என விஜய் அழைத்தது சரிதான்.. K.S.ரவிக்குமார்
தவெக மாநாட்டில் முதல்வரை ‘ஸ்டாலின் Uncle’ என விஜய் கூறியதற்கு தொடர்ந்து கண்டனங்கள் வலுத்து வருகிறது. இந்நிலையில், Uncle என விஜய் அழைத்ததில் தவறில்லை என இயக்குநர் K.S.ரவிக்குமார் கூறியுள்ளார். செய்தியாளர்களிடம் பேசிய அவர், தான் கூட அவரை பார்க்கும்போது ‘வணக்கம் Uncle’ என்றே பேசுவதாக குறிப்பிட்டுள்ளார். இருப்பினும், இது அரசியல் நாகரிகமற்றது என பல்வேறு கட்சியினரும் கூறி வருகின்றனர்.
Similar News
News March 4, 2026
விஜய்யின் இயக்குநர்கள் ஆதவ், அருண்ராஜ்: ஜெயக்குமார்
விஜய் நடிப்பில் கைத்தேர்ந்தவர் என்பதால் எழுதிக்கொடுத்த ஸ்கிரிப்டை ஆக்ஷனுடன் மேடையில் பேசுகிறார் என ஜெயக்குமார் விமர்சித்துள்ளார். அவரை ஆதவ் அர்ஜுனா மற்றும் அருண்ராஜ் இயக்குநர்களாக இருந்து இயக்குவதாகவும் சாடியுள்ளார். விஜய் செய்தியாளர்களை சந்தித்து பேசமுடியுமா என கேள்வி எழுப்பிய அவர், ஏதோ தனக்குத்தான் தில்லு, திராணி இருப்பதுபோல் வேடிக்கை காட்டுவதாகவும் தெரிவித்துள்ளார்.
News March 4, 2026
ஒரே போட்டியால் 25 இடங்கள் முன்னேறிய சஞ்சு சாம்சன்!
தொடர் விமர்சனங்களுக்கு பதிலளிக்கும் விதமாக, டி20 WC-ல் WI அணிக்கு எதிரான வாழ்வா சாவா போட்டியில் 97 ரன்கள் குவித்து இந்தியாவை அரையிறுதிக்கு அழைத்து சென்றார் சஞ்சு சாம்சன். இந்நிலையில் ICC டி20 தரவரிசையில் 25 இடங்கள் தாவி 40-வது இடத்திற்கு முன்னேறியுள்ளார் சாம்சன். அதேநேரம், சூர்யகுமார் (7), திலக் வர்மா (6), இஷான் கிஷன் (4) மற்றும் அபிஷேக் சர்மா (1) ஆகிய இந்திய வீரர்கள் டாப் 10-ல் இடம்பெற்றுள்ளனர்.
News March 4, 2026
படுத்த படுக்கையில் நடிகை ராஜ்ஸ்ரீ தேஷ்பாண்டே
தனக்கு கிரேடு 1 மார்பகப் புற்றுநோய் உள்ளதாக நடிகை ராஜ்ஸ்ரீ தேஷ்பாண்டே தெரிவித்துள்ளார். ஹாஸ்பிடலில் படுக்கையில் இருந்தவாறான போட்டோவை பகிர்ந்துள்ள அவர், ஆபரேஷனுக்குப் பிறகு அனைவரின் ஆதரவோடும் உலகை எதிர்கொள்ள தயாராக இருப்பதாக உணர்கிறேன் என்றும் குறிப்பிட்டுள்ளார். விரைவில் குணமடைய ரசிகர்கள் வாழ்த்து தெரிவித்து கமெண்ட் செய்கின்றனர். இவர் ‘தக் லைஃப்’ படத்தில் கனிகா என்ற கேமியோ ரோலில் நடித்துள்ளார்.