News February 26, 2025
அறியாமையில் பேசும் விஜய்: திமுக பதிலடி
இந்தி மொழித் திணிப்பில் திமுகவும், பாஜகவும் ஒன்று சேர்ந்து நாடகமாடுவதாக விஜய் குற்றம் சாட்டியிருந்த நிலையில், திமுகவின் டி.கே.எஸ்.இளங்கோவன் பதிலடி கொடுத்துள்ளார். மொழி பற்றி திமுக நாடகமாடுவதாக அறியாமையில் விஜய் பேசுகிறார் என விமர்சித்த அவர், இந்தி மொழிக்கு எதிராக 1938 முதல் போராட்டம் நடந்து வருகிறது. மொழிக்காக பலர் தீக்குளித்து உயிரைக் கொடுத்துள்ளனர் என்றும் சுட்டிக்காட்டினார்.
Similar News
News February 26, 2025
கோவையில் சர்வதேச கிரிக்கெட் மைதானம்: NOC கிடைத்தது
கோவையில் சர்வதேச கிரிக்கெட் மைதானம் அமைக்க இந்திய விமான நிலைய ஆணையம் தடையில்லா சான்று வழங்கியுள்ளது. இதையடுத்து, மைதானத்திற்கான வடிவமைப்பை ஒரு வாரத்தில் இறுதி செய்ய தமிழக விளையாட்டுத்துறை முடிவு செய்துள்ளது. ஒண்டிப்புதூர் பகுதியில் 20.72 ஏக்கரில் மைதானம் அமைய உள்ளது. கோவையில் சர்வதேச கிரிக்கெட் மைதானம் அமைக்கப்படும் என கடந்த மக்களவைத் தேர்தல் வாக்குறுதியில் CM ஸ்டாலின் அறிவித்திருந்தார்.
News February 26, 2025
ENGக்கு 326 ரன்கள் இலக்கு
ICC சாம்பியன்ஸ் டிராபியில் இன்று ENG-க்கு எதிராக முதலில் பேட்டிங் செய்த AFG 50 ஓவரில் 325 ரன்கள் குவித்துள்ளது. அந்த அணியில் அதிரடியாக விளையாடிய இப்ராஹிம் சத்ரான் 177 (6 SIX, 12 FOUR) ரன்கள் விளாசினார். ENG அணியில் சிறப்பாக பந்து வீசிய ஆர்ச்சர் 3 விக்கெட்டை கைப்பற்றினார். இப்போட்டியில் யார் தோல்வி அடைந்தாலும் வெளியேற வேண்டும் என்பதால், இங்கி., அதிரடி காட்டும் என எதிர்பார்க்கப்படுகிறது.
News February 26, 2025
கூகுளில் விரைவில் QR CODE முறை
கூகுள் மெயில் உள்ளிட்டவற்றை புதிய டிவைசில் பயன்படுத்த SMS மூலம் உறுதிப்படுத்தும் முறை தற்போது உள்ளது. இதை ஹேக்கர்கள் ஹேக் செய்ய வாய்ப்புள்ளதாக கூறப்படுகிறது. இதை தடுக்க QR CODE மூலம் உறுதி செய்யும் முறையை கூகுள் விரைவில் அறிமுகம் செய்ய இருப்பதாக அதன் செய்தித் தொடர்பாளர் தெரிவித்துள்ளார். இந்த முறை வந்தால், செல்போன் கேமரா ஸ்கேனர் மூலம் ஸ்கேனிங் செய்தால் போதும். SMS தேவையில்லை.