News November 17, 2024
அதிமுகவுடன் கூட்டணி சேர 80 சீட் கேட்கும் விஜய்?
அதிமுகவுக்கு 154, தவெகவுக்கு 80 என தொகுதி பங்கீடு செய்து, 2026 தேர்தலை கூட்டாக சந்திக்க இரு கட்சிகளும் பேசி வருவதாகத் தகவல்கள் வெளியாகியுள்ளன. எனினும், இறுதி முடிவு எதுவும் எட்டப்படவில்லை என நிர்வாகிகள் கூறுகின்றனர். இதன் மூலம், விஜய் முன்மொழிந்த இலக்கை இபிஎஸ் வழி மொழிவாரா என்ற கேள்வி எழுந்துள்ளது. அப்படி நடந்து வெற்றியும் வசமானால், இபிஎஸ் முதல்வர், விஜய் துணை முதல்வராகலாம் எனக் கூறப்படுகிறது.
Similar News
News August 28, 2025
ADMK – TVK கூட்டணி அமைந்தால் BJP வெளியேறுமா?
திமுகவை அரசியல் எதிரி என்றும், BJP-ஐ கொள்கை எதிரி என்றும் TVK கூறிவருகிறது. இதனிடையே, ADMK-வுடன் கூட்டணி வைப்பதிலும் TVK முனைப்பு காட்டி வருவதாக தகவல்கள் கசிகின்றன. ஒருவேளை ADMK-வுடன் TVK கூட்டணி வைத்தால், BJP வெளியேறுமா என்றால், நிச்சயம் இல்லை என்கிறார் அர்ஜுன் சம்பத். திமுகவை வீழ்த்த எல்லோரும் இணைந்து எதிர்க்கட்டும் எனக் கூறும் அவர், இந்து மக்கள் கட்சி விஜய்யை ஆதரிக்காது என்றார்.
News August 28, 2025
BREAKING: மாறியது தங்கம் விலை..
ஆபரணத் தங்கத்தின் விலை தொடர்ந்து மூன்றாவது நாளாக அதிகரித்துள்ளதால் நகை பிரியர்கள் அதிர்ச்சி அடைந்துள்ளனர். 22 கேரட் ஆபரணத் தங்கத்தின் விலை சவரனுக்கு ₹120 உயர்ந்து ₹75,240-க்கும், கிராமுக்கு ₹15 உயர்ந்து ₹9,405-க்கும் விற்பனை செய்யப்படுகிறது. கடந்த 20-ம் தேதி ₹73,440-க்கு விற்பனையான ஆபரணத் தங்கத்தின் விலை ஒரே வாரத்தில் ₹1,800 அதிகரித்துள்ளது.
News August 28, 2025
₹10,000 கோடியை இழக்கும் விளம்பரத் துறை
ஆன்லைன் கேமிங் ஒழுங்குமுறை மசோதாவால் முக்கிய ஸ்பான்சர்ஷிப் நிறுவனங்கள் உடனான ஒப்பந்தங்கள் அடுத்தடுத்து ரத்தாகி வருகின்றன. அத்துடன், இதுபோன்ற கேமிங் நிறுவன விளம்பரங்களில் நடித்துவந்த கங்குலி, தோனி, கில் உள்ளிட்டோரும், கோடிக்கணக்கில் தங்களது வருமானத்தை இழந்துள்ளனர். இந்நிலையில், கேமிங் தொடர்பான விளம்பரத் துறை ஒட்டுமொத்தமாக ஆண்டுக்கு ₹8,000 – ₹10,000 கோடியை இழக்கவுள்ளதாக கூறப்படுகிறது.