News October 27, 2025
அதிமுகவிடம் 100 தொகுதிகள் கேட்கும் விஜய்?
அதிமுக கூட்டணியில் இணைவதற்கு, விஜய் 100 தொகுதிகளை கேட்டுள்ளதாக தகவல் வெளியாகியுள்ளது. இது தொடர்பாக EPS மகன் மிதுன், விஜய்யை இரண்டு முறை தனியாக சந்தித்து பேசியதாகவும், அப்போது பாஜக அல்லாத அதிமுக கூட்டணியில் இணைய அவர் விருப்பம் தெரிவித்ததாகவும் கூறப்படுகிறது. 40 தொகுதிகள் வரை ஒதுக்க அதிமுக தரப்பில் உறுதி அளிக்கப்பட்டதாகவும், ஆனால் அதை விஜய் ஏற்கவில்லை என்று தவெக வட்டாரத்தில் பேசப்படுகிறது.
Similar News
News October 27, 2025
இந்தோனேசியாவில் சக்திவாய்ந்த நிலநடுக்கம்
இந்தோனேசியா அருகே திமோர் தீவில் சக்திவாய்ந்த நிலநடுக்கம் ஏற்பட்டுள்ளது. இது ரிக்டர் அளவுகோலில் 6.1ஆக பதிவாகியுள்ளது. இந்த நிலநடுக்கத்தால், கட்டடங்கள் குலுங்கியதால் மக்கள், அலறியடித்துக்கொண்டு சாலையில் தஞ்சம் அடைந்துள்ளனர். இதனால், ஏற்பட்ட பாதிப்பு, உயிர்சேதம் குறித்து உடனடியாக எந்த தகவலும் வெளியாகவில்லை. மேலும், சுனாமி எச்சரிக்கையும் விடுக்கப்படவில்லை.
News October 27, 2025
DMK Vs BJP.. மாறிமாறி விமர்சனம்
அதிமுகவின் உரிமைகளை பாஜகவிடம் EPS அடகு வைத்துவிட்டதால், மக்களின் உரிமைகளை காக்க வேண்டியவர்கள் திமுகவினரும் தோழமைக் கட்சியினரும்தான் என்று மு.க.ஸ்டாலின் கூறியிருந்தார். இதற்கு பாஜகவின் நாராயணன் திருப்பதி, மாநிலத்தின் உரிமைகளை, வளங்களை லஞ்சம் மற்றும் ஊழலிடம் திமுக விற்று விட்டதால், ஒட்டு மொத்த மாநிலத்தின் நலன்களை பேணி காக்க வேண்டியவர்கள் பாஜக, தோழமை கட்சியினர் தான் என பதிலடி கொடுத்துள்ளார்.
News October 27, 2025
கர்நாடகாவில் இனி 30 மார்க் எடுத்தால் பாஸ்
கர்நாடகாவில் SSLC, PUC-க்கான தேர்ச்சி சதவீதத்தை 35%-லிருந்து 33% ஆக குறைத்து அம்மாநில அரசு உத்தரவிட்டுள்ளது. இதன்படி, SSLC-ல் 206/625 மதிப்பெண்களும், PUC-ல் 198/600 மதிப்பெண்களும் (ஒரு பாடத்தில் 30 மார்க் எடுக்க வேண்டும்) எடுத்தால் பாஸ் என தெரிவிக்கப்பட்டுள்ளது. இதுபோன்று தமிழகத்தில் தேர்ச்சி மதிப்பெண்ணை குறைக்கலாமா? அவ்வாறு குறைத்தால் எவ்வளவு குறைக்கலாம் என்று கமெண்ட் பண்ணுங்க.