News March 20, 2025
வீரப்பன் மகளுக்கு நாதகவில் முக்கிய பதவி!
நாம் தமிழர் கட்சியின் இளைஞர் பாசறை மாநில ஒருங்கிணைப்பாளராக வீரப்பன் மகள் வித்யாராணி நியமிக்கப்பட்டுள்ளார். கடந்த மக்களவைத் தேர்தலின்போது பாஜகவில் இருந்து விலகி NTKவில் இணைந்த அவருக்கு உடனடியாக கிருஷ்ணகிரி தொகுதியில் சீட்டு கொடுக்கப்பட்டது. அதன் பின்னர் கட்சி நிகழ்ச்சிகளில் முக்கிய நபராக வலம் வந்த நிலையில், இன்று மாநில அளவில் பொறுப்பு வழங்கப்பட்டுள்ளது கவனத்தை ஈர்த்துள்ளது.
Similar News
News March 21, 2025
F1 ரேஸர் ஷூமேக்கரை அறிமுகம் செய்தவர் மரணம்
அயர்லாந்தைச் சேர்ந்த கார் பந்தய வீரரும், புகழ்பெற்ற F1 அணியின் உரிமையாளருமான எடி ஜோர்டன்(76) காலமானார். உலகின் தலைசிறந்த கார் பந்தய வீரர் என அறியப்படும் ஜெர்மனி வீரர் மைக்கேல் ஷூமேக்கரை அறிமுகப்படுத்தியது இவரது ஜோர்டன் கிராண்ட் பிரிக்ஸ் அணிதான். 1970- 1980 காலக்கட்டத்தில் கார் பந்தய வீரராக ஜொலித்த எடி ஜோர்டன், அதன் பிறகு கார் பந்தய அணியை உருவாக்கி F1 பந்தய உலகிற்குள் நுழைந்தவர் ஆவார்.
News March 21, 2025
200 ரூபாய்க்கு பேரனை விற்ற மூதாட்டி!
முதுமையில் வறுமை வாட்டிய ஒருவரால் என்ன செய்ய முடியும்? ஒடிஷாவில் வீடற்ற மூதாட்டி மாண்ட் சோரன், தனது 7 வயது பேரனை பராமரிக்க முடியாமல் அவனை ஒரு தம்பதியிடம் விற்றுள்ளார். இதற்காக அவர் வாங்கியத் தொகை ரூ.200 மட்டுமே. பேரன் ஒரு நல்ல இடத்தில் சிறப்பாக வாழ வேண்டும் என்பதே அந்த பாட்டியின் எண்ணம். இதனை அறிந்த போலீசார், தம்பதியிடம் இருந்து சிறுவனை மீட்டு குழந்தைகள் பராமரிப்பு இல்லத்திற்கு அனுப்பியுள்ளனர்.
News March 21, 2025
அபாய சங்கிலியில் தொங்கிய பை.. என்னடா இது?
ரயில் பயணத்தில் வட மாநிலத்தவர் பண்ணும் அட்டகாசத்துக்கு எல்லையே இல்லை. அப்படி ஒரு சம்பவம் சென்னையில நடந்திருக்கு. ரயிலின் அபாயச் சங்கிலியில் வட மாநில இளைஞர் ஒருவர் பையை தொங்கவிட்டுள்ளார். இதனால் ஆந்திராவிற்கு சென்ற ரயில் கொருக்குப்பேட்டை ரயில் நிலையத்தில் 45 நிமிடங்கள் நின்றது. இதனால் ரயில்வே கேட்டில் காத்திருந்த நூற்றுக்கணக்கானோர் அவதி அடைந்தனர்.