News April 14, 2024
உதயநிதி ஹெலிகாப்டரில் பறக்கும் படை சோதனை
ஊட்டிக்கு தேர்தல் பரப்புரைக்காக அமைச்சர் உதயநிதி இன்று ஹெலிகாப்டரில் வந்திறங்கினார். அப்போது, அவரது ஹெலிகாப்டரில் தேர்தல் பறக்கும் படை அதிகாரிகள் சோதனை நடத்தினர். நீலகிரி தொகுதியில் போட்டியிடும் ஆ.ராசாவை ஆதரித்து உதயநிதி பரப்புரை மேற்கொள்ள உள்ளார். முன்னதாக, நேற்று ராமநாதபுரத்தில் பிரசாரத்திற்காக அண்ணாமலை சென்ற ஹெலிகாப்டரிலும் பறக்கும் படையினர் சோதனை நடத்தியிருந்தது குறிப்பிடத்தக்கது.
Similar News
News December 13, 2025
BREAKING: மீண்டும் அதிமுகவில் இணைந்தனர்
அதிமுக செயற்குழு & பொதுக்குழுவிற்கு பிறகு, மாற்றுக்கட்சியினர் மற்றும் அதிமுகவில் இருந்து பிரிந்து சென்றவர்களை இணைக்கும் பணியை EPS தீவிரப்படுத்தி இருக்கிறார். அந்த வகையில், அமமுகவின் ஐடி விங் மாநில துணைச் செயலாளர் இளையராஜா, திருச்சி வடக்கு மாவட்ட இளைஞர் பாசறை செயலாளர் டோல்கேட் ரெமோ, திருச்சி மாவட்ட கழக அவைத்தலைவர் ராமு, மாவட்ட மீனவரணி செயலாளர் கண்ணதாசன் உள்ளிட்ட பலர் அதிமுகவில் இணைந்துள்ளனர்.
News December 13, 2025
பட்டாவில் வருகிறது மாற்றம்.. கூடுதல் விவரங்கள் சேர்ப்பு
தற்போது வழங்கப்படும் பட்டாவில் தாலுகா, கிராமம், உரிமையாளர் பெயர், சர்வே எண் உள்ளிட்ட பிரிட்டிஷ் கால விவரங்கள் மட்டுமே இடம்பெற்று வருகின்றன. தற்போதைய நடைமுறைகள் இல்லாததால் குழப்பங்கள் ஏற்படுவதாக புகார்கள் எழுந்தன. இதை களையும் நோக்கில் விற்பனை பத்திர எண், சொத்தின் எல்லைகள், ஆதார் எண் உள்ளிட்ட விவரங்களை பட்டாவில் சேர்ப்பதற்கான பணிகள் தொடங்கியுள்ளதாக வருவாய் துறை அதிகாரிகள் தெரிவித்துள்ளனர்.
News December 13, 2025
BREAKING: தங்கம் விலை சவரன் ₹1 லட்சம்
தங்கம் விலை ஜெட் வேகத்தில் அதிகரித்து வரும் நிலையில், ஒரு சவரன் ₹1 லட்சத்தை கடந்துவிட்டது. அதாவது, 22 கேரட் தங்கம் சவரன் ₹98,960, Hallmarking Charges ₹1,904, GST 3% ₹2,968 சேர்த்து ₹1,03,832-க்கு விற்பனையாகிறது. சில கடைகளில் சேதாரம் எனக் கூடுதலாகவும் பணம் வசூலிக்கப்படுகின்றது. சர்வதேச சந்தையில்(1 அவுன்ஸ் $4,300) ஏற்பட்டுள்ள மாற்றம் காரணமாக விலை மேலும் அதிகரிக்கும் என வியாபாரிகள் கூறுகின்றனர்.