News January 5, 2026
TVK கூட்டணியில் அமமுகவா? டிடிவி சூசகம்
தவெக கூட்டணியில் இணையவிருப்பதை, இன்று நடைபெற்ற அமமுக பொதுக்குழுவில் TTV சூசகமாக வெளிப்படுத்தினார். தொண்டர்களின் மன ஓட்டத்தை அறிந்து ஆட்சி, அதிகாரத்தில் பங்கு வழங்கும் கூட்டணிக்குத்தான் செல்ல இருக்கிறோம்; தமிழ்நாட்டில் அமையப்போகும் கூட்டணி ஆட்சியில் அமமுக அங்கம் வகிக்கும் என தெரிவித்தார். ஆட்சி, அதிகாரத்தில் பங்கு என விஜய் கூறி வரும் நிலையில், அதற்கு ஏற்றார் போல் TTV இவ்வாறு தெரிவித்துள்ளார்.
Similar News
News February 1, 2026
மாநிலங்களுக்கு ₹1.4 லட்சம் கோடி அறிவிப்பு
16-வது நிதி ஆணையத்தின் பரிந்துரையின்படி மாநில அரசுகளுக்கான நிதி பகிர்வு 41% ஆகவே தொடரும் என FM நிர்மலா தெரிவித்துள்ளார். மேலும், 2026-27 நிதியாண்டில் மாநிலங்களுக்கு ₹1.4 லட்சம் கோடி வழங்கப்படும் எனவும் இதில் கிராமப்புற, நகர்ப்புற வளர்ச்சி, பேரிடர் மேலாண்மைக்கான மானியங்களும் அடங்கும் என கூறப்பட்டுள்ளது. மாநிலங்களுக்கான நிதி பகிர்வு உயர்த்தப்படாததால் ஸ்டாலின் உள்ளிட்டோர் கண்டனம் தெரிவித்துள்ளனர்.
News February 1, 2026
FLASH: ஜாம்பவானை வீழ்த்தி சாம்பியனான அல்காரஸ்
ஆஸ்திரேலிய ஓபன் டென்னிஸ் தொடரில் ஸ்பெயினின் கார்லோஸ் அல்காரஸ் (22) சாம்பியன் பட்டம் வென்று சாதனை படைத்துள்ளார். இறுதிப் போட்டியில் 2-6, 6-2, 6-3, 7-5 என்ற செட் கணக்கில் டென்னிஸ் ஜாம்பவானான ஜோகோவிச்சை வீழ்த்தினார். இதன் மூலம் 7-வது கிராண்ட்ஸ்லாம் பட்டத்தை அல்காரஸ் முத்தமிட்டார். அவருக்கு உலகம் முழுவதும் இருந்து வாழ்த்துகள் குவிகின்றன. நீங்களும் வாழ்த்தலாமே!
News February 1, 2026
அரசு மாதிரிப் பள்ளிகளில் நாளை முதல் அட்மிஷன்
தமிழக அரசு மாதிரிப் பள்ளிகளில் 9, 10-ம் வகுப்பு மாணவர் சேர்க்கை நாளை முதல் தொடங்கவுள்ளது. தேர்வு செய்யப்படும் மாணவர்களின் பட்டியல் இம்மாதம் 2-வது வாரம் வெளியாகும். அதேபோல், 11-ம் வகுப்பு மாணவர் சேர்க்கை மே மாதத்தில் தொடங்கவுள்ளது. நவீன உள்கட்டமைப்புகளுடன் செயல்படும் அரசு மாதிரிப் பள்ளிகளில் நீட், JEE உள்ளிட்ட போட்டித் தேர்வுகளுக்கு பயிற்சிகள் அளிக்கப்பட்டு வருகின்றன.