News October 4, 2025
போரை நிறுத்தலன்னா… ஹமாஸை எச்சரித்த டிரம்ப்
இஸ்ரேலுடன் போரை நிறுத்த ஹமாஸுக்கு அதிபர் டிரம்ப் கெடு விதித்துள்ளார். வரும் ஞாயிறுக்குள் ஒப்பந்தம் செய்யாவிட்டால், ஹமாஸ் நரகத்துக்கு தான் போக வேண்டியிருக்கும் என்று அவர் எச்சரித்துள்ளார். மத்திய கிழக்குக்கு பல்லாண்டுகளாக அச்சுறுத்தலாக உள்ள ஹமாஸ், கடந்த அக்.07, 2023-ல் இஸ்ரேலில் மிகப்பெரிய இனவழிப்பை செய்தது என்ற அவர், இதற்கு பதிலடியாக இதுவரை 25,000+ ஹமாஸ் வீரர்கள் கொல்லப்பட்டதாக தெரிவித்துள்ளார்.
Similar News
News October 4, 2025
டாப் 50-யில் சென்னை உணவகங்கள்
2025-ம் ஆண்டிற்கான இந்தியாவின் சிறந்த 50 உணவகங்களின் பட்டியல் வெளியிடப்பட்டுள்ளது. மும்பையில் – 13, பெங்களூருவில் – 9, டெல்லியில் – 9, கோவாவில் – 8, சென்னையில் – 5, கொல்கத்தாவில் – 3 உணவகங்கள் இடம்பெற்றுள்ளன. குறிப்பாக சென்னையில் மிகவும் பிரபலமான ஐடிசி கிராண்ட் சோழா ஹோட்டலில் உள்ள அவர்தனா உணவகம் 8-வது இடத்தை பிடித்துள்ளது. உங்களுக்கு பிடித்த உணவகம் எது? கமெண்ட்ல சொல்லுங்க.
News October 4, 2025
சதத்தை ராணுவத்துக்கு சமர்பித்த துருவ் ஜுரெல்
வெஸ்ட் இன்டீஸுக்கு எதிரான முதல் டெஸ்டில் துருவ் ஜுரெல் சதம் (125 ரன்கள்) விளாசி அசத்தினார். தனது அரைசத வெற்றியை தனது தந்தைக்கும், சதம் அடித்த கொண்டாட்டத்தை இந்திய ராணுவத்துக்கும் சமர்பிப்பதாக நெகிழ்வுடன் கூறியுள்ளார். இந்த வார்த்தையை இந்திய ரசிகர்கள் கொண்டாடி வருகின்றனர். முன்னதாக, பாக்.,க்கு எதிராக பெற்ற ஆசிய கோப்பை வெற்றியை ராணுவத்துக்கு சமர்பிப்பதாக சூர்யகுமார் யாதவ் கூறியிருந்தார்.
News October 4, 2025
இன்றைய நல்ல நேரம்
▶அக்டோபர் 4, புரட்டாசி 18 ▶கிழமை: சனி ▶நல்ல நேரம்: 7:45 AM – 8:45 AM & 4:45 PM – 5:45 PM ▶கெளரி நல்ல நேரம்: 10:45 AM – 11:45 AM & 9:30 PM – 10:30 PM ▶ராகு காலம்: 9:00 AM – 10:30 AM ▶எமகண்டம்: 1:30 PM – 3:00 PM ▶குளிகை: 6:00 AM – 7:30 AM ▶திதி: திதித்துவம் ▶சூலம்: கிழக்கு ▶பரிகாரம்: தயிர் ▶பிறை: வளர்பிறை