News April 25, 2024
TNPSC தேர்வு அட்டவணை
குரூப் 1 முதல் குரூப் 4 தேர்வுக்கான கால அட்டவணையை டிஎன்பிஎஸ்சி வெளியிட்டுள்ளது. இதன்படி 6,244 பணியிடங்களுக்கான குரூப் 4 தேர்வு ஜூன் 9ஆம் தேதி, 2,030 பணியிடங்களுக்கான குரூப் 2, 2ஏ தேர்வு செப்.28ஆம் தேதி, 90 பணியிடங்களுக்கான குரூப் 1 தேர்வு ஜூலை 13ஆம் தேதி, 29 பணியிடங்களுக்கான குரூப் 1 பி, குரூப் 1 சி தேர்வுகள் ஜூலை 12ஆம் தேதி நடைபெறும் என்று டிஎன்பிஎஸ்சி அறிவித்துள்ளது.
Similar News
News February 8, 2026
திமுகவை பழிதீர்க்க போவது உறுதி; அன்புமணி
பயனற்ற ஓய்வூதிய திட்டம் பயன்பாட்டுக்கு வராத நிலையில், பாராட்டு விழா நாடகங்கள் மூலம் அரசு ஊழியர்களை திமுக ஏமாற்ற முடியாது என்று அன்புமணி விமர்சித்துள்ளார். ஜாக்டோ- ஜியோ அமைப்பின் போர்வையில் CM-க்கு நன்றி அறிவிப்பு மாநாடு எனும் பெயரில் திமுகவே ஓர் நாடகத்தை இன்று அரங்கேற உள்ளது. இதுபோல் எத்தனை பாராட்டு விழாக்களை நடத்தினாலும் வரும் தேர்தலில் திமுகவை அரசு ஊழியர்கள் பழிதீர்க்க போவது உறுதி என்றார்.
News February 8, 2026
வங்கதேச இந்து தலைவர் சந்திர சென் காலமானார்
வங்கதேச இந்துத் தலைவரும், முன்னாள் அமைச்சருமான ரமேஷ் சந்திர சென்(86), சிறையில் உயிரிழந்துள்ளார். பிப்.12-ம் தேதி வங்கதேசத்தில் பொதுத் தேர்தல் நடைபெறவிருக்கும் நிலையில், உதவும் குணம் மற்றும் தூய்மையான அரசியல் வாழ்க்கைக்கு பெயர் பெற்ற சென்னின் மரணம், காவலில் உள்ள மூத்த அவாமி லீக் தலைவர்கள் மற்றும் முன்னாள் அமைச்சர்கள் நடத்தப்படும் விதம் குறித்து பல்வேறு கேள்விகளை எழுப்பியுள்ளது.
News February 8, 2026
விவசாயிகளுக்கு எந்த பாதிப்பும் இல்லை; பியூஷ் கோயல்
இந்தியாவின் பல்வேறு விவசாய பொருள்களுக்கு அமெரிக்கவில் வரி விதிப்பு பூஜ்ஜியமாக இருக்கும் என பியூஷ் கோயல் விளக்கமளித்துள்ளார். அமெரிக்காவின் மரபணு மாற்றப்பட்ட பொருள்களை இந்தியா அனுமதிக்கவில்லை என்றும், அமெரிக்க அரிசி, கோதுமை, சர்க்கரை, தினை, பால் பொருள்களுக்கு வரிவிலக்கு இல்லை எனவும் கூறிய அவர், அமெரிக்கா உடனான ஒப்பந்தத்தில் விவசாயிகளுக்கு தீங்கு விளைவிக்கும் எந்த நடவடிக்கையும் இல்லை என்றார்.