News October 22, 2025
தென் தமிழகத்தில் இது முக்கியம்: துருவ் விக்ரம்
சாதி ஒரு பேய் என்று மாரி செல்வராஜ் கூறியிருந்தார். இந்நிலையில், இதுதொடர்பாக ‘பைசன்’ பட கதாநாயகன் துருவ் விக்ரமிடம் கேட்கப்பட்டது. அதற்கு, மாரி செல்வராஜ் தான் கடந்து வந்த பாதைகளில் இருந்தே படத்தை இயக்குகிறார் என துருவ் தெரிவித்தார். இந்தியா போன்ற ஒரு சமூக கட்டமைப்பு உள்ள நாட்டில், குறிப்பாக தென் தமிழகத்தில் சினிமா உள்ளிட்ட கலை மூலம் சாதி பிரச்னையை வெளிப்படையாக பேசுவது முக்கியம் என்றும் கூறினார்.
Similar News
News March 16, 2026
புதுச்சேரி வேட்பாளர்களை இறுதி செய்யும் விஜய்
தவெக சார்பில் புதுச்சேரி சட்டப்பேரவைத் தேர்தலில் போட்டியிடும் வேட்பாளர்கள் பட்டியலை, விஜய் இன்று இறுதி செய்யவிருப்பதாக தகவல் வெளியாகியுள்ளது. புதுச்சேரியில் ஏப்ரல் 9-ம் தேதி தேர்தல் நடைபெறவிருக்கும் நிலையில், இன்று முதல் 23-ம் தேதி வரை வேட்புமனு தாக்கல் செய்யப்படுகிறது. அங்கு போட்டியிட ஆர்வமாக இருக்கும் வேட்பாளர்களிடம், விஜய் இன்னும் சற்றுநேரத்தில் நேர்காணல் நடத்துகிறார்.
News March 16, 2026
FLASH: வெள்ளி விலை ₹24,000 குறைந்தது
<<19395246>>தங்கத்தை <<>>தொடர்ந்து, வெள்ளி விலையும் குறைந்துள்ளது. இன்று ஒரு கிராம் வெள்ளி ₹4 குறைந்து ₹276-க்கும், கிலோ வெள்ளி ₹4,000 குறைந்து ₹2,76,000-க்கும் விற்பனை செய்யப்படுகிறது. மார்ச் 11-ல் கிலோ வெள்ளி ₹3,00,000-க்கு விற்பனையான நிலையில், கடந்த 5 நாள்களில் மட்டும் மொத்தம் ₹24,000 குறைந்துள்ளது. வரும் நாள்களில் வெள்ளி விலை மேலும் குறையும் என கூறப்படுவதால், நகை பிரியர்கள் மகிழ்ச்சி அடைந்துள்ளனர்.
News March 16, 2026
மீண்டும் சீண்டுகிறாரா மாணிக்கம் தாகூர்?
ஆணவ கொலைகளுக்கு எதிராக ’இவா நம்மவா’ மசோதாவை கர்நாடக அரசு நிறைவேற்றியுள்ளது. ஆணவ கொலை போன்ற மனிதாபிமானமற்ற குற்றங்களுக்கு எதிராக இது ஒரு வலுவான பதில் என மாணிக்கம் தாகூர் தெரிவித்துள்ளார். இதுவே உண்மையான சமூக நீதி என்றும், குறைவான பேச்சு, அதிகமான செயல் எனவும் கர்நாடக அரசை பாராட்டியுள்ளார். அதேவேளையில் TN-ல் ஆணவ கொலைகளைத் தடுக்க இப்படி ஒரு சட்டம் எப்போது வரும் எனவும் கேள்வி எழுப்பியுள்ளார்.