News March 27, 2025
ரசிகர்கள் இருக்காங்க… ஆனா படம் ஓடல: சல்மான் கான்
பாலிவுட்டின் முன்னணி நட்சத்திரமான சல்மான் கான், தென்னிந்திய ரசிகர்கள் குறித்து ஆதங்கத்தை கொட்டியுள்ளார். தென்னிந்தியாவில் தனக்கு ரசிகர்கள் பட்டாளம் இருப்பதாகவும், ஆனால் தென்னிந்திய சினிமா ரசிகர்கள் பாலிவுட் படங்களை தியேட்டரில் பார்ப்பதில்லை என்றும் வேதனையுடன் குறிப்பிட்டுள்ளார். ரஜினி, சிரஞ்சீவி உள்ளிட்ட நட்சத்திரங்களின் படங்கள் ஹிந்தியில் நல்ல வரவேற்பை பெறுவதாகவும் அவர் தெரிவித்துள்ளார்.
Similar News
News December 22, 2025
திண்டுக்கல் அருகே வசமாக சிக்கிய நபர்கள்!
வத்தலக்குண்டு, பிலீஸ்புரத்தை சேர்ந்தவர் குருநாதன் 23. பெரியகுளம் ரோட்டில் உள்ள சூப்பர் மார்க்கெட் அருகே தனது ஐபோனில் பேசிக் கொண்டிருந்தார். அப்போது அங்கு வந்த இருவர் அவசரமாக பேச வேண்டுமென அவரது அலைபேசியை வாங்கினர். பேசுவது போல் நடித்து தப்பி ஓடினர். தொழில்நுட்ப உதவியுடன் வத்தலக்குண்டு போலீசார் காந்திநகரை சேர்ந்த ராஜேஷ் 39, விக்கிரமங்கலத்தைச் சேர்ந்த கணேசன் 38 ஆகியோரை கைது செய்தனர்.
News December 22, 2025
பொங்கலுக்கு அரசு ₹3000 கொடுத்தாலும்..
திருப்பரங்குன்றத்தில் தீபம் ஏற்றினால் என்ன தவறு என்று புதிய தமிழகம் கட்சித் தலைவர் கிருஷ்ணசாமி கேள்வி எழுப்பியுள்ளார். இது மதம் தொடர்பான பிரச்னை இல்லை; தீபம் ஏற்றுவது மண்ணின் மைந்தர்களின் உரிமை எனக் கூறிய அவர், இந்த விவகாரத்தில் திமுக அரசியல் செய்திருக்கக் கூடாது எனத் தெரிவித்தார். மேலும், திமுக அரசு பொங்கலுக்கு ₹3000 கொடுத்தாலும் மக்கள் ஏமாற மாட்டார்கள் என்றும் சாடியுள்ளார்.
News December 22, 2025
தேங்காய் எண்ணெய் உறைகிறதா? இதோ தீர்வு
குளிர்காலத்தில், தலைக்கு தேங்காய் எண்ணெய் தேய்க்கலாம் என பாட்டிலை எடுத்தால் அது உறைந்து போய் இருக்கும். இதற்கு நீங்கள் எண்ணெய் பாட்டிலை கிச்சன் அடுப்பின் அருகில் வைக்கலாம். அங்கு சூடு தங்குவதால் எண்ணெய் உறையும் வாய்ப்பு குறைவு. அதேபோல, தேங்காய் எண்ணெயை Thermos பாட்டிலில் சேமியுங்கள். மேலும், தேங்காய் எண்ணெயுடன் ஆலிவ் எண்ணெயை கலந்து வைத்தால் அது உறைந்து போவதை தடுக்க முடியும்.