News April 5, 2024
ஆபரணத் தங்கத்தின் விலை குறைவு
ஆபரணத் தங்கத்தின் விலை கடந்த ஒருவாரமாக உயர்ந்த நிலையில், இன்று குறைந்ததால் மக்கள் சற்று மகிழ்ச்சி அடைந்துள்ளனர். 22 கேரட் ஆபரணத் தங்கத்தின் விலை சவரனுக்கு ரூ.280 குறைந்து ரூ.52,080க்கும், கிராமுக்கு ரூ.35 குறைந்து ரூ.6,510க்கும் விற்பனையாகிறது. அதே போல், வெள்ளியின் விலை கிராமுக்கு ரூ.1 உயர்ந்து ரூ.85க்கும், கிலோ வெள்ளி ரூ.1000 உயர்ந்து ரூ.85,000க்கும் விற்பனை செய்யப்படுகிறது.
Similar News
News January 21, 2026
‘ஜன நாயகன்’ படம் ரிலீஸ்.. வந்தது எச்சரிக்கை
‘ஜன நாயகன்’ படத்தின் சென்சார் பிரச்னை தொடர்பான வழக்கின் தீர்ப்பு தேதி குறிப்பிடாமல் ஒத்திவைக்கப்பட்டுள்ளது. இந்நிலையில், படத்தின் OTT உரிமத்தை வாங்கியுள்ள அமேசான் நிறுவனம் போர்க்கொடி தூக்கியுள்ளது. பட ரிலீஸ் தாமதமானதால் ஏற்பட்டுள்ள நஷ்டத்திற்கு உரிய இழப்பீடு வழங்குமாறு அமேசான் நிறுவனம் கோரியுள்ளதாம். இழப்பீடு வழங்காவிடில் வழக்கு தொடரப்படும் எனவும் தயாரிப்பு நிறுவனத்தை எச்சரித்துள்ளது.
News January 21, 2026
திமுகவுக்கு எதிராக புதிய வியூகம்: சசிகலா
மக்கள் விரோத திமுக ஆட்சியை வீட்டுக்கு அனுப்ப புதிய வியூகங்களை வகுத்துக் கொண்டிருப்பதாக சசிகலா தெரிவித்துள்ளார். இறுதிமூச்சு உள்ளவரை தீயசக்தி திமுகவை எதிர்ப்பதே தனது ஒரே நிலைப்பாடு எனக்கூறிய, MGR, ஜெ., வழியில் பயணிக்கின்ற சிங்கங்கள் அனைவரும் வாருங்கள், ஒன்றிணைந்து களம் காண்போம் என அழைப்புவிடுத்தார். மேலும், வைத்திலிங்கம் தாய் கழகம் என நினைத்துகொண்டு தீய கழகத்தில் இணைந்துள்ளதாகவும் விமர்சித்தார்.
News January 21, 2026
மனிதர்களால் முடியாததை பட்டாம்பூச்சி செய்கிறது
மனிதர்களின் கண்ணுக்கு தெரியாத UV ஒளியை பட்டாம்பூச்சிகளால் காணமுடியும். இவை உணவருந்துவதற்கும், இனப்பெருக்கம் செய்வதற்கும் புற ஊதா (UV) ஒளியை பயன்படுத்துகின்றன. எந்த பூவில் அதிக தேன் இருக்கிறது என்பதை கண்டறிய UV ஒளியை பயன்படுத்துகின்றன. அத்துடன், இவற்றின் இறக்கைகளில் மற்ற உயிரினங்களுக்கு தெரியாத தனித்துவமான UV ஒளி இருக்கிறது. இதை வைத்து தனது துணை யார் என்பதை சரியாக கண்டறியவும் செய்கின்றன. SHARE.