News September 10, 2025
அதிமுகவில் அடுத்த பரபரப்பு.. EPS-க்கு பதில் இவரா?
EPS-க்கு எதிராக செங்கோட்டையன் கலகக் குரல் எழுப்பியதற்கு பின்னால், எஸ்.பி.வேலுமணி இருப்பதாக கட்சி வட்டாரங்களில் பேச்சு அடிபடுகிறது. இதற்கு முக்கிய காரணம் கொங்குவில் EPS-க்கு இணையாக செல்வாக்கு படைத்தவர் வேலுமணி. இதனால், இனி ‘நானே முதல்வர்’ என்று அவர் காய்களை நகர்த்த ஆரம்பித்து இருக்கிறாராம். குறிப்பாக, பாஜகவுடன் அதிமுக கூட்டணி அமைப்பதற்கும் இவரின் பங்கு முதன்மையானது என்பது குறிப்பிடத்தக்கது.
Similar News
News September 10, 2025
நடிகை நயன்தாராவுக்கு அதிர்ச்சி
நயன்தாராவின் ஆவணப்பட சர்ச்சைகள் ஓய்ந்தபாடில்லை. NRD பட காட்சியை பயன்படுத்தியதாக, தனுஷ் ஏற்கெனவே வழக்கு தொடர்ந்திருந்தார். தற்போது, சந்திரமுகி பட காட்சியை பயன்படுத்தியதாக, ₹5 கோடி கேட்டு AP இண்டர்நேஷனல் நிறுவனம் ஐகோர்ட்டில் முறையிட்டுள்ளது. இதற்கு, அக்.6-க்குள் பதிலளிக்குமாறு ஆவணப்படம் தயாரித்த டார்க் ஸ்டூடியோவுக்கு கோர்ட் உத்தரவிட்டிருப்பது நயன்தாரா தரப்புக்கு அதிர்ச்சியை ஏற்படுத்தியுள்ளது.
News September 10, 2025
பலிகடாவாகும் அரசுப் பள்ளிகள்: அண்ணாமலை
திருச்சியில், ஊராட்சி ஒன்றிய நடுநிலைப் பள்ளிக்கு விடுமுறை அளித்து, அங்கு ‘உங்களுடன் ஸ்டாலின்’ முகாம் நடத்தப்பட்டதாக அண்ணாமலை குற்றஞ்சாட்டியுள்ளார். திமுகவின் விளம்பர நாடகங்களுக்கு, அரசுப் பள்ளிகள் கூட பலிகடா ஆக்கப்படுவதாக கூறி வன்மையாக கண்டித்துள்ளார். மேலும், பள்ளிக்கு விடுமுறை அளித்து, திமுகவின் விளம்பர நிகழ்ச்சிகள் நடத்தும் அளவுக்கு அதிகார துஷ்பிரயோகம் நடைபெறுவதாகவும் சாடியுள்ளார்.
News September 10, 2025
நடிகை லாவண்யா திரிபாதி அம்மா ஆனார் ❤️ ❤️
தமிழ், தெலுங்கு உள்ளிட்ட மொழிப் படங்களில் நடித்து பிரபலமான நடிகை லாவண்யா திரிபாதிக்கு ஆண் குழந்தை பிறந்துள்ளது. 2023-ல் தெலுங்கு நடிகர் வருண் தேஜை இவர் கரம்பிடித்தார். சில மாதங்களுக்கு முன்பு கர்ப்பமாக இருப்பதை லாவண்யா அறிவித்து இருந்தார். இந்நிலையில், அவருக்கு இன்று குழந்தை பிறந்துள்ளது. வருணின் பெரியப்பாவான நடிகர் சிரஞ்சீவி, ஹாஸ்பிடலுக்கு சென்று தம்பதியை வாழ்த்தியுள்ளார்.