News August 24, 2024
நேர்த்திக் கடனின் போது உயிரிழந்த புது மாப்பிள்ளை!
திருத்தணியைச் சேர்ந்தவர் நரேஷுக்கும், சுவாதிக்கும் 15 தினங்களுக்கு முன்புதான் திருமணமானது. நரேஷுக்கு நல்லபடியாக திருமணம் நடந்தால், திருப்பதி கோயிலுக்கு படியேறி வருவதாக அவரது பெற்றோர்கள் வேண்டியிருந்தனர். அதன்படி, நேற்று தனது குடும்பத்தினருடன் திருப்பதி கோயில் படி ஏறினார் நரேஷ். மொத்தமுள்ள 3,550 படிகளில் 2,350வது படியை ஏறிய போது, நரேஷ் மாரடைப்பு ஏற்பட்டு கீழே விழுந்து உயிரிழந்தார்.
Similar News
News November 29, 2025
NDA கூட்டணியில் TVK இணைந்தாலும்.. வீரபாண்டியன்
ஒரு கட்சியில் இருப்பவர் (செங்கோட்டையன்) மற்றொரு கட்சிக்கு மாறுவதால், அரசியலில் எந்த மாற்றமும் நிகழாது என்று CPI மாநில செயலாளர் மு.வீரபாண்டியன் தெரிவித்துள்ளார். திமுக கூட்டணியில் இடம்பெற்றுள்ள CPI , இந்த முறை கூடுதல் இடங்களை கேட்டுப்பெறுவோம் எனக் கூறிய அவர், பாஜக – அதிமுக கூட்டணியில் தவெக இணைந்தாலும், 2026 சட்டப்பேரவைத் தேர்தலில் திமுக கூட்டணியே வெற்றிபெற்று ஆட்சியமைக்கும் எனக் கூறினார்.
News November 29, 2025
CM உடன் ஷ்ருதி ஹாசனின் குட்டி Chat!
தினமும் நடைபயிற்சிக்கு செல்வதை வழக்கமாக கொண்டுள்ளார் CM ஸ்டாலின். அவர் இன்று வழக்கம் போல நடைபயிற்சிக்கு வந்த போது, அவரை நடிகை ஷ்ருதி ஹாசன் எதேச்சையாக சந்தித்துள்ளார். இதனையடுத்து இருவரும், பூங்காவில் இருந்த பெஞ்சில் அமர்ந்து பரஸ்பரம் சிறிது நேரம் உரையாடியுள்ளனர். அப்போது எடுக்கப்பட்ட போட்டோ சோஷியல் மீடியாவில் வைரலாகி உள்ளது. இருவரும் என்ன பேசி இருப்பாங்கன்னு நீங்க நினைக்கிறீங்க?
News November 29, 2025
அடுத்த 2 மணி நேரத்திற்கு 17 மாவட்டங்களில் மழை
டிட்வா புயல் எதிரொலியால் தமிழ்நாட்டில் நண்பகல் 1 மணிக்குள் 17 மாவட்டங்களில் மழை பெய்யக்கூடும் என வானிலை மையம் தெரிவித்துள்ளது. சென்னை, செங்கல்பட்டு, காஞ்சி, திருவள்ளூர், விழுப்புரம், கடலூர், திண்டுக்கல், மயிலாடுதுறை, மதுரை, நாகை, புதுக்கோட்டை, ராமநாதபுரம், தஞ்சை, திருவாரூர், தூத்துக்குடி, நெல்லை, குமரி உள்ளிட்ட மாவட்டங்களில் மழை பெய்யக்கூடும் என்று அலர்ட் கொடுத்துள்ளது.