News April 7, 2025
சீமானுக்கு கெடு விதித்த கோர்ட்!
நாதக தலைவர் சீமான் மாலை 5 மணிக்குள் நேரில் ஆஜராக திருச்சி குற்றவியல் கோர்ட் கெடு விதித்துள்ளது. தன்னையும், தனது குடும்பத்தினரையும் அவதூறாக பேசியதாக திருச்சி டிஐஜி வருண்குமார் தொடர்ந்த வழக்கில் சீமான் நேரில் ஆஜராக சம்மன் அனுப்பப்பட்டிருந்தது. இன்று காலை வழக்கு விசாரணையின்போது சீமான் ஆஜராகவில்லை. இதனால் மாலை 5 மணிக்குள் ஆஜராகாவிட்டால் பிடிவாரண்ட் பிறப்பிக்கப்படும் என நீதிபதி எச்சரித்துள்ளார்.
Similar News
News December 22, 2025
ஸ்மிருதி மந்தனா வரலாற்று சாதனை
டி20-ல் 4,000 ரன்கள் அடித்த முதல் இந்திய வீராங்கனை என்ற சாதனையை ஸ்மிருதி மந்தனா படைத்துள்ளார். இலங்கைக்கு எதிரான டி20-ல் 19 ரன்கள் அடித்த போது அவர் இச்சாதனையை படைத்தார். குறைந்த பந்துகளில் 4,000 ரன்களை அடித்த வீராங்கனை என்ற பெருமைக்கும் சொந்தக்காரர் ஆகியுள்ளார். அதிக ரன்கள் பட்டியலில் NZ-ன் சூஸி பேட்ஸ் முதலிடத்திலும், ஸ்மிருதி மந்தனா 2-வது இடத்திலும், ஹர்மன்பிரீத் கவுர் 3-வது இடத்திலும் உள்ளனர்.
News December 22, 2025
இன்றைய நல்ல நேரம்
▶டிசம்பர் 22, மார்கழி 7 ▶கிழமை: திங்கள் ▶நல்ல நேரம்: 6:15 AM – 7:15 AM & 4:45 PM – 5:45 PM ▶கெளரி நல்ல நேரம்: 9:15 AM – 10:15 AM & 7:30 PM – 8:30 PM ▶ராகு காலம்: 7:30 AM – 9:00 AM ▶எமகண்டம்: 10:30 AM – 12:00 PM ▶குளிகை: 1:30 PM – 3:00 PM ▶திதி: த்ரிதியை ▶பிறை: வளர்பிறை ▶சூலம்: கிழக்கு ▶பரிகாரம்: தயிர்.
News December 22, 2025
பாஜக கண்டுபிடித்த புதிய மொழி: ப.சிதம்பரம்
ஹிந்தி சொற்களை ஆங்கிலத்தில் எழுதி, பாஜக அரசு புதிய மொழி ஒன்றை கண்டுபிடித்திருப்பதாக ப.சிதம்பரம் விமர்சித்துள்ளார். இது ஹிந்தியும் அல்ல, ஆங்கிலமும் அல்ல; இந்தி மட்டும் தெரிந்தவர்கள் இதைப் படிக்க முடியாது, ஆங்கிலம் தெரிந்தவர்கள் படிக்க முடியும் ஆனால் பொருள் புரியாது ; இரு மொழிகளையும் சிதைப்பது தான் பா ஜ க அரசின் மொழிக் கொள்கையா என்றும் அவர் கேள்வி எழுப்பியுள்ளார்.