News August 7, 2025
உயிர் போகுமென தெரிந்தே அஜித்தை தாக்கிய கொடூரம்
கோயில் காவலாளி அஜித் குமார் மரண வழக்கில் கைதான 5 காவலர்களிடம் சிபிஐ நடத்திய விசாரணையில் திடுக்கிடும் தகவல் வெளியாகியுள்ளது. உயிர் போகும் எனத் தெரிந்தே அஜித் குமாரை காவலர்கள் மூர்க்கத்தனமாக தாக்கியுள்ளனர். இந்த விவரங்களை சேர்த்து FIR திருத்தி அமைக்கப்பட்டுள்ளது. ஆகஸ்ட் 20-க்குள் விசாரணை அறிக்கையை சிபிஐ தாக்கல் செய்யவுள்ளது. இதில், மேலும் பல தகவல்கள் வெளியாகும் என எதிர்பார்க்கப்படுகிறது.
Similar News
News August 10, 2025
ஷங்கர் மகனுக்கு ஜோடியாகும் மமிதா
இயக்குநர் ஷங்கரின் மகன் அர்ஜித் ஹீரோவாக அறிமுகமாகும் படத்தில், அவருக்கு ஜோடியாக நடிக்க மமிதா பைஜு ஒப்பந்த செய்யப்பட்டுள்ளதாக தகவல் வெளியாகியுள்ளது. இப்படத்தை அட்லியின் உதவி இயக்குநர் சிவா என்பவர் இயக்குகிறார். பேஷன் ஸ்டுடியோஸ் நிறுவனம் இப்படத்தை தயாரிப்பதாக கூறப்படுகிறது. முன்னதாக, அர்ஜித் இயக்குநர் ஏ.ஆர்.முருகதாஸிடம் உதவி இயக்குநராக பணியாற்றினார்.
News August 10, 2025
திமுக கூட்டணியில் தொடர்கிறோம்: வைகோ உறுதி
மதிமுக, திமுக கூட்டணியில் உள்ளது; அங்கேயே தொடரும் என்பதில் எவ்வித சந்தேகமும் இல்லை என வைகோ திட்டவட்டமாக கூறியுள்ளார். திமுக கூட்டணியில் இருந்து விலகி, NDA கூட்டணியில் மதிமுக இணைய உள்ளதாகவும், துரை வைகோவுக்கு மத்திய அமைச்சராகும் ஆசை இருப்பதாகவும் மல்லை சத்யா உள்ளிட்டோர் கருத்து தெரிவித்தனர். இதனை முற்றிலும் மறுத்துள்ள வைகோ, தான் எப்போதும் கூட்டணி தர்மத்தை மதிப்பவன் எனவும் விளக்கம் அளித்துள்ளார்.
News August 10, 2025
திமுகவிடம் பொதுத்தொகுதிக்கு பாடுபடும் திருமா: சீமான் தாக்கு
தமிழ்நாட்டில் தமிழர்களால் வாக்கு செலுத்தி தேர்ந்தெடுக்கப்பட்ட அரசுதான் உள்ளது; இதில் எங்கிருந்து திராவிட மாடல் ஆட்சி வருகிறது என்று சீமான் கேள்வி எழுப்பியுள்ளார். திமுகவிடமிருந்து ஒரு பொதுத்தொகுதியை கேட்டுப்பெற திருமா என்ன பாடுபடுகிறார். பொதுக்குளத்தில் நீங்கள் எல்லாம் குளிக்கக்கூடாது என்பதுபோல் பொதுத்தொகுதிக்கு நீங்கள் எல்லாம் ஆசைப்படக்கூடாது என்று திமுக சொன்னது பதிவாகியுள்ளது எனவும் சாடினார்.