News March 30, 2024
அப்ரூவரின் தந்தைக்கு சீட் வழங்கிய தெலுங்கு தேசம்!
டெல்லி மதுபானக் கொள்கை முறைகேடு வழக்கில் அப்ரூவராக மாறிய ராகவா மகுந்தாவின் தந்தைக்கு தெலுங்கு தேசம் கட்சி வாய்ப்பளித்துள்ளது. கடந்த 2019ஆம் ஆண்டு தேர்தலில் ஓங்கோல் தொகுதியில் ஒய்.எஸ்.ஆர் காங்கிரஸ் சார்பில் போட்டியிட்டு வென்ற ஸ்ரீனிவாசலு ரெட்டி, சமீபத்தில் தெலுங்கு தேசத்தில் இணைந்தார். தற்போது, இதே தொகுதியில் தெலுங்கு தேசம் கட்சியின் வேட்பாளராக ஸ்ரீனிவாசலு ரெட்டி அறிவிக்கப்பட்டுள்ளார்.
Similar News
News August 13, 2025
அக்டோபரில் இலவச லேப்டாப் வழங்க அரசு ஆயத்தம்!
கல்லூரி மாணவர்களுக்கு இலவச லேப்டாப்களை கொள்முதல் செய்வதற்காக <<17382505>>2 நிறுவனங்களை TN அரசு தேர்வு<<>> செய்து அறிவித்துள்ளது. கலை மற்றும் அறிவியல், பொறியியல், வேளாண்மை, மருத்துவக் கல்வி பயிலும் 20 லட்சம் மாணவர்களுக்கு வரும் அக்டோபரில் முதற்கட்டமாக லேப்டாப் வழங்க உள்ளதாக கூறப்படுகிறது. கடந்த அதிமுக ஆட்சியில் 2011 முதல் 2019 வரை மேல்நிலைப்பள்ளி மாணவர்களுக்கு இலவச லேப்டாப் வழங்கப்பட்டது கவனிக்கத்தக்கது.
News August 13, 2025
TVK என்றால் என்ன? வேல்முருகன் விளக்கம்
TVK-வின் விரிவாக்கம் ‘தமிழக வாழ்வுரிமை கட்சி’ தான் என அக்கட்சியின் தலைவர் வேல்முருகன் தெரிவித்துள்ளார். இதைவிடுத்து புதிதாக கட்சி ஆரம்பித்த ஒரு நடிகரின் கட்சியை TVK என பொதுமக்கள் அழைப்பது வேடிக்கையாக இருப்பதாக கூறினார். அரசுப்பணிகளில் தமிழர்களுக்கே முன்னுரிமை வழங்க வேண்டுமென கூறிய அவர், தமிழகத்தில் அதிகளவில் வடமாநிலத்தவர்கள் குடியேறுவதை ஒழுங்கப்படுத்த வேண்டுமென கேட்டுக்கொண்டார்.
News August 13, 2025
இந்தோனேசியாவில் நிலநடுக்கம்
இந்தோனேசியாவின் மேற்கு பபுவா பகுதியில் 6.3 ரிக்டர் அளவில் நிலநடுக்கம் ஏற்பட்டுள்ளது. இந்திய நேரப்படி நேற்று மாலை 1:54 மணிக்கு, நிலத்தின் அடியில் 39 கி.மீ ஆழத்தில் இந்த நிலநடுக்கமானது ஏற்பட்டுள்ளது. முன்னதாக, ஆகஸ்ட் 7-ம் தேதி இந்தோனேசியாவில் 4.9 ரிக்டர் அளவுகோலில் நிலநடுக்கம் ஒன்று ஏற்பட்டது. அதைத் தொடர்ந்து நேற்று 6.3 ரிக்டர் அளவில் நிலநடுக்கம் ஏற்பட்டுள்ளது.