News October 18, 2025
பெண்களை குறிவைத்து வியூகம்: திமுகவுக்கு செக்?
தேர்தலில் பெண்களின் வாக்குகளை கவர, விடுபட்ட மகளிருக்கு உரிமை தொகை வழங்க திமுக முடிவு செய்துள்ளது. அதை முறியடிக்க பாஜக வியூகம் அமைத்து வருகிறது. டாஸ்மாக், சாராய உயிரிழப்புகள், போதைப்பொருள், சட்டம் ஒழுங்கு, EX அமைச்சர் பொன்முடியின் ஆபாச பேச்சுக்களை தொகுத்து வீடுவீடாக சென்று துண்டறிக்கை கொடுத்து பிரசாரத்தில் ஈடுபட உள்ளதாக அக்கட்சி வட்டாரங்கள் கூறுகின்றன. தீபாவளிக்கு பிறகு இப்பிரசாரம் தொடங்க உள்ளது.
Similar News
News October 18, 2025
தென்மாவட்ட வீரர்களுக்கு வாய்ப்பு: மணத்தி கணேசன்
விளையாட்டில் எவ்வளவு கஷ்டப்பட்டோமோ, அதேபோல் சினிமாவிலும் நிறைய கஷ்டப்பட்டு ‘பைசன்’ படத்தை எடுத்திருக்கிறார்கள் என்று மணத்தி கணேசன் கூறியுள்ளார். தமிழ்நாடு கபடி டீமில் தூத்துக்குடி, நெல்லை போன்று தெற்கில் இருந்து வருபவர்களுக்கும் வாய்ப்பளிக்க வேண்டும் என்று கோரிக்கை வைத்துள்ளார். மணத்தி கணேசனின் கபடி பயணத்தை தழுவியே பைசன் படம் உருவாகியுள்ளது. இதற்காக மாரி செல்வராஜுக்கு நன்றியும் கூறியுள்ளார்.
News October 18, 2025
இந்த தீபாவளிக்கு இதில் சிக்காதீங்க!
‘தீபாவளி பரிசு காத்திருக்கிறது’, ‘உங்கள் பெயரில் கூப்பன் விழுந்திருக்கிறது’ போன்ற SMS வருதா? உஷார்! தீபாவளியை முன்னிட்டு இம்மாதிரியான மோசடிகள் அதிகம் நடப்பதாக காவல்துறை எச்சரித்துள்ளது. மேலும், சமூக வலைதள பக்கங்களில் வரும் விளம்பரங்களை பார்த்து மக்கள் சுய விவரங்களை பகிர வேண்டாம் என அறிவுறுத்தியுள்ளனர். இதுபோன்ற விளம்பரங்களை ஆன்லைனில் நீங்கள் பார்த்தீங்களா?
News October 18, 2025
விஜய் தலைமையில் கூட்டணி.. டிடிவி தினகரன் அறிவிப்பு
2026 சட்டப்பேரவைத் தேர்தலில் விஜய் தலைமையில் கூட்டணி அமையும் என டிடிவி தினகரன் தெரிவித்துள்ளார். CM வேட்பாளராக விஜய் இருப்பார் என்பதால், அவர் வேறு கூட்டணிக்குச் செல்லமாட்டார் என டிடிவி குறிப்பிட்டுள்ளார். தேர்தல் நெருங்கும்போது எதிர்பாராத கூட்டணி உருவாகும் எனவும் அவர் சூசகமாக கூறியுள்ளார். NDA கூட்டணியில் இருந்து வெளியேறிய டிடிவி, விஜய்க்கு சாதகமாக பேசி வருவது குறிப்பிடத்தக்கது.