News October 8, 2025
பொய் சொல்வதில் ஸ்டாலின் முதலிடம்: EPS
கரூர் துயரத்தை மேற்கோள்காட்டி, நெடுஞ்சாலைகளில் பரப்புரை மேற்கொள்ள அதிமுக, பாமகவிற்கு அனுமதி மறுக்கப்பட்டது. இதனை திருச்செங்கோடு பரப்புரையில் சுட்டிக்காட்டிய EPS, 2 முறை மறுக்கப்பட்ட பிறகு தற்போது பேச வந்துள்ளேன் என்றார். பொய் கூறுவதில்தான் ஸ்டாலின் முதலிடம் என விமர்சித்த EPS, அரசு ஊழியர்கள் தொடர்ந்து போராட்டம் நடத்திவரும் நிலையில், தன்னை சூப்பர் CM என ஸ்டாலின் கூறிக்கொள்வதாக சாடினார்.
Similar News
News October 8, 2025
அமித்ஷா ஆக்டிங் PM ஆக செயல்படுகிறார்: மம்தா
அமித்ஷா ஒரு ஆக்டிங் PM போன்று செயல்படுவதாக மம்தா பானர்ஜி கூறியுள்ளார். இது மோடிக்கும் தெரியும் என்ற அவர், அமித்ஷாவை நம்பாதீர்கள் என அறிவுறுத்தியுள்ளார். மேலும், ஒருநாள் அமித்ஷா ‘மீர் ஜாபராக’ மாறுவார் என்றும் அவர் குறிப்பிட்டுள்ளார். மீர் ஜாபர் என்பவர், வங்கத்தின் ராணுவத் தளபதியாக இருந்தவர். 18-ம் நூற்றாண்டில் பிளாசி போரில் ஆங்கிலேயர்களிடம் நவாப் சிராஜ் உத் தெளலாவை காட்டிக் கொடுத்து மன்னரானார்.
News October 8, 2025
அரசன் படத்தில் வில்லன் இவரா?
வெற்றிமாறன் இயக்கத்தில் ‘அரசன்’ படத்தில் சிம்பு நடித்து வருகிறார். கதாநாயகியாக சமந்தா (அ) சாய் பல்லவியை நடிக்க வைக்க பேச்சுவார்த்தை நடப்பதாக ஏற்கெனவே தகவல் வெளியானது. இந்நிலையில், வில்லன் ரோலில் உபேந்திரா, கிச்சா சுதீப் ஆகியோர் நடிக்கவுள்ளதாகவும் தகவல் வெளியாகியுள்ளது. இதுதவிர, அனிருத்தும் புதிதாக வெற்றிமாறனின் பட்டறையில் இணைவதாக கூறப்படுவதால் படத்தின் மீதான எதிர்பார்ப்பு எகிறியுள்ளது.
News October 8, 2025
தீபாவளிக்கு 4 நாள்கள் விடுமுறையா?
தீபாவளிக்கு கூடுதலாக ஒருநாள் விடுமுறை அளிக்க TN அரசு முடிவெடுத்துள்ளதாக தகவல் வெளியாகியுள்ளது. அக்.20 திங்களன்று தீபாவளி கொண்டாடப்பட இருப்பதால், சனி, ஞாயிற்றுக்கிழமையுடன் சேர்த்து 3 நாள்கள் ஏற்கெனவே விடுமுறையாகும். தற்போது, அக்.21 அன்று விடுமுறை அளிக்க அரசு திட்டமிட்டுள்ளதாக தலைமைச் செயலக வட்டாரங்கள் தெரிவிக்கின்றன. இதனை கருத்தில் கொண்டே அக்.23 வரை சிறப்பு பஸ்கள் இயக்கப்படவுள்ளதாம். SHARE IT.