News September 24, 2025
Sports Roundup: சிட்னி தண்டர் அணியில் அஷ்வின்
*பிக்பாஷ் தொடரில் சிட்னி தண்டர் அணிக்காக அஷ்வின் விளையாடுவார் எனத் தகவல். * ஐசிசி டி20 தரவரிசையில் இந்தியாவின் அபிஷேக் சர்மா 907 புள்ளிகள் பெற்று முதலிடத்தில் தொடர்கிறார். * ஆஸி., A அணிக்கு எதிரான 2-வது அன் அபிசியல் டெஸ்டில் படிக்கல், ஜூரெல், நிதிஷ் ரெட்டி தலா 1 ரன்னுக்கு அவுட். *மகளிர் ஸ்பீட் கிளைம்பிங் போட்டியில், ஜோகா பூர்டி புதிய தேசிய சாதனை படைத்துள்ளார்.
Similar News
News September 24, 2025
எலான் மஸ்க் தந்தை மீது பாலியல் குற்றச்சாட்டு
எலான் மஸ்க்கின் தந்தை எரோல் மஸ்க், தனது 5 குழந்தைகள் மற்றும் வளர்ப்பு குழந்தைகளை 1993 முதல் பாலியல் ரீதியாக துன்புறுத்தியதாக புகார் எழுந்துள்ளது. தனது உள்ளாடைகளை தவறான எண்ணத்தில் கையாண்டதாக வளர்ப்பு மகள் ஒருவர் குற்றஞ்சாட்டியுள்ளார். ஆனால், இது பொய்யான குற்றச்சாட்டு என்று எரோல் மஸ்க் மறுத்துள்ளார். இதை வைத்து தன்னை மிரட்டி சில குடும்ப உறுப்பினர்கள் பணம் பறிக்க முயல்வதாகவும் தெரிவித்துள்ளார்.
News September 24, 2025
ஆசிய கோப்பை: இந்தியா பேட்டிங்
ஆசிய கோப்பை சூப்பர் 4 சுற்றில் இந்தியாவுக்கு எதிரான மோதலில், டாஸ் வென்ற வங்கதேச அணி பவுலிங் தேர்வு செய்துள்ளது. சூப்பர் 4 சுற்றில் இரு அணிகளும் தலா ஒரு வெற்றி பெற்றுள்ள நிலையில், இந்த போட்டியில் வெற்றி பெறும் அணி ஏறக்குறைய இறுதிப்போட்டிக்கு முன்னேறிவிடும். பலம் வாய்ந்த இந்தியாவை வங்கதேசம் வீழ்த்துவது கடினமான காரியமே. Head to Head = 17 போட்டிகள், வெற்றி = 16 இந்தியா, 1 வங்கதேசம்.
News September 24, 2025
TTV-யை சந்திக்கவில்லை என செங்கோட்டையன் மறுப்பு
TTV தினகரனை, கே.ஏ.செங்கோட்டையன் சந்தித்து பேசியதாக வெளியான தகவலுக்கு அவர் மறுப்பு தெரிவித்துள்ளார். தனியார் TV-க்கு தொலைபேசி வாயிலாக பேசிய அவர், சொந்த வேலையாக சென்னை வந்ததாகவும், தான் யாரையும் சந்திக்கவில்லை எனவும் விளக்கம் அளித்துள்ளார். அதேநேரம், அதிமுக ஒன்றிணைய வேண்டும் எனவும், இணைந்து 2026 தேர்தலை சந்தித்தால் அதிக வாக்கு வித்தியாசத்தில் வெல்லலாம் என்பது தனது விருப்பம் எனவும் கூறியுள்ளார்.