News July 10, 2025
ஸ்மார்ட்போன்கள் விலை கணிசமாக குறையும்..!
செல்போன்களின் விலை குறைய வாய்ப்புள்ளதாக கவுண்டர் பாயிண்ட் ஆராய்ச்சி நிறுவனம் தெரிவித்துள்ளது. இந்தாண்டின் முதல் 6 மாதங்களில் பல பிராண்டுகளின் செல்போன்கள் தேக்கம் அடைந்துள்ளதாகவும், கையிருப்பைக் குறைக்க பெரும் தள்ளுபடியை வழங்குவது குறித்து பரிசீலித்து வருவதாகவும் குறிப்பிடப்பட்டுள்ளது. பண்டிகை நாள்களில் OnePlus, Xiaomi, iQOO, Realme, Oppo, Nothing பிராண்டுகள் தள்ளுபடியை வழங்க வாய்ப்புள்ளதாம்.
Similar News
News July 10, 2025
சூப்பர் பக் மூன் பார்க்கலாமா? இன்று இரவு ரெடியா இருங்க!
சூப்பர் பக் மூன் பார்க்க எல்லாரும் ரெடியா? இன்று இந்தியாவில் தெரிகிறதாம். இந்த முழு நிலவின் அழகை நாட்டின் எந்த மூலையிலிருந்தும் இன்று (ஜூலை 10) இரவு 7.42 மணிக்கு கண்டு ரசிக்கலாம். இந்த நிகழ்வு ஏன் இந்தப் பெயரில் அழைக்கப்படுகிறது தெரியுமா? ஆண் மான்களின் கொம்புகள் இந்த ஜூலை மாத முழு நிலவு நாளிலே வளரத் தொடங்கும் என்பதால் இவ்வாறு கூறப்படுகிறதாம். நீங்கள் தயாரா?
News July 10, 2025
அதிமுக மூத்த நிர்வாகி நீக்கம்.. தொடரும் இபிஎஸ் நடவடிக்கை
சட்டப்பேரவைத் தேர்தலுக்கு அதிமுகவை தயார்படுத்தும் வகையில், நிர்வாகிகளை பதவிகளில் இருந்து அடுத்தடுத்து இபிஎஸ் நீக்கி வருகிறார். அந்த வரிசையில் தற்போது அனைத்துலக எம்ஜிஆர் மன்ற துணைச் செயலாளராக இருந்த எஸ்.எம்.மாரிமுத்துவை அவரது பொறுப்பில் இருந்து இபிஎஸ் விடுவித்து அறிவிப்பு வெளியிட்டுள்ளார். இதேபோல் மேலும் சில நிர்வாகிகளை இபிஎஸ் விரைவில் நீக்க இருப்பதாகவும் கூறப்படுகிறது.
News July 10, 2025
மீண்டும் அணியில் பும்ரா
இங்கிலாந்துக்கு எதிரான 3-வது டெஸ்ட் போட்டியில் பும்ரா களம் காண்கிறார். 2-வது டெஸ்ட் அவருக்கு ஓய்வளிக்கப்பட்ட நிலையில் இன்றைய போட்டியில் பிரசித்துக்கு பதில் களம் இறங்குகிறார். இங்கிலாந்து தரப்பில் டங்கிற்கு பதில் சோஃப்ரா ஆர்ச்சர் அணியில் இணைந்துள்ளார். இதனால் இரு அணிகளின் பந்து வீச்சு பலமும் அதிகரித்துள்ளது. 5 போட்டிகள் கொண்ட டெஸ்ட் தொடர் 1-1 என சமனில் உள்ளது குறிப்பிடத்தக்கது. யார் கை ஓங்கும்?