News September 23, 2025
இந்திய அணியிலிருந்து விலகிய ஷ்ரேயஸ்!
இந்திய A அணியின் கேப்டன் பதவியில் இருந்து ஷ்ரேயஸ் ஐயர் விலகியுள்ளார். இன்று தொடங்கும், ஆஸ்திரேலிய A அணிக்கு எதிரான 4 நாள் டெஸ்ட் போட்டிக்கு சில மணி நேரங்களுக்கு முன்பாக, அவர் அணியிலிருந்தும் விலகியுள்ளார். தனிப்பட்ட காரணத்தினால் விலகியிருக்கலாம் என கூறப்படும் நிலையில், இதுகுறித்து அதிகாரப்பூர்வ அறிவிப்பு கிடைக்கவில்லை. அவருக்கு பதிலாக துருவ் ஜுரெல் கேப்டனாக செயல்படுவார் என அறிவிக்கப்பட்டுள்ளது.
Similar News
News September 23, 2025
ரஜினியை குருவாக பார்க்கிறேன்: அண்ணாமலை
மாதத்திற்கு ஒரு முறை ரஜினியை சந்திப்பதாகவும், அதை வெளிப்படையாக சொல்ல வேண்டிய அவசியம் இல்லை எனவும் அண்ணாமலை கூறியுள்ளார். ரஜினியை தனது குருவாக பார்ப்பதாக கூறிய அவர், இச்சந்திப்புகளில் அரசியல் எதுவும் இல்லை என தெரிவித்துள்ளார். மேலும், ஆன்மிகத்தை பற்றி தனக்கு பல விஷயங்களை கூறுவார் என்பதால், அவரை ஆரம்பத்திலிருந்தே நட்பு ரீதியாக சந்திப்பது வழக்கம் என அண்ணாமலை தெரிவித்துள்ளார்.
News September 23, 2025
சார்ஜர்கள் வெள்ளை நிறத்தில் இருப்பது ஏன் தெரியுமா?
பெரும்பாலான ஃபோன் கம்பெனிகள் வெள்ளை நிறத்தில் சார்ஜர்களை உருவாக்குகின்றன. இதற்கு பல காரணங்கள் இருக்கிறதாம். கருப்பு நிற சார்ஜர்களை விட வெள்ளை சார்ஜர்கள் பிரீமியமான தோற்றத்தை அளிக்கின்றன. மற்ற நிறங்களை ஒப்பிடும்போது வெள்ளை நிற சார்ஜர்களை குறைந்த செலவில் உருவாக்க முடியுமாம். மேலும், சார்ஜர் வெப்பமாவதை வெள்ளை நிறம் கட்டுப்படுத்தும் என்பதால் பாதுகாப்புக்காக இப்படி தயாரிக்கப்படுகிறது. SHARE.
News September 23, 2025
சற்றுமுன்: ஒரே நாளில் விலை ₹1000 உயர்வு
ஆபரணத் தங்கத்தை தொடர்ந்து, வெள்ளி விலையும் வரலாறு காணாத புதிய உச்சத்தை எட்டியுள்ளது. 1 கிராம் வெள்ளி ₹1 அதிகரித்து ₹149-க்கும், கிலோ வெள்ளி ₹1000 அதிகரித்து ₹1,49,000-க்கும் விற்பனை செய்யப்படுகிறது. இந்த அளவுக்கு விலை உயர்ந்தது இதுவே முதல்முறை. கடந்த 5 நாள்களில் மட்டும் சுமார் ₹8000 அதிகரித்துள்ளது. வரும் நாள்களிலும் விலை அதிகமாகவே இருக்கும் என கூறப்படுகிறது.