News April 17, 2025
இறை பக்திக்கு புது விளக்கம் கொடுத்த சேகர் பாபு
இறை பக்தி என்பது வாழைப் பழம் போன்றது. வாழைப் பழத்தில் இருக்கும் தோல் சனாதனம். அதற்குள் இருக்கும் பழம்தான் இறைவன் என்று அமைச்சர் சேகர் பாபு கூறினார். இதற்கு அதிமுகவின் கே.பி.முனுசாமி, அமைச்சர் சொல்லும் உவமை முழுமையாக தவறு. சனாதனத்திற்கும், இறைவனுக்கும் மிகப்பெரிய வேறுபாடுகள் உள்ளன. இறைவனும், சனாதனமும் ஒன்று என்றால், இவ்வளவு பெரிய விவாதமும் நீதிமன்ற வழக்குகளும் தேவையில்லை என்று பதிலடி கொடுத்தார்.
Similar News
News April 19, 2025
அதிருப்தியை சமாளிக்க விருந்து வைக்கும் இபிஎஸ்
பாஜக உடன் கூட்டணி அமைத்ததால் அதிமுகவில் எம்எல்ஏக்கள் உள்பட பலர் அதிருப்தியில் இருப்பதாக கூறப்படுகிறது. தேர்தல் பணி சூடுபிடிக்க ஆரம்பித்துள்ளதால், இதற்கு முற்றுப்புள்ளி வைக்க இபிஎஸ் முடிவெடுத்துள்ளார். இதனால், ஏப்.23-ம் தேதி இபிஎஸ் தனது வீட்டில் விருந்து வைத்து, அதிருப்தியில் இருப்பவர்களை சமாதனம் செய்ய செய்யவிருக்கிறார். இந்த விருந்தில் செங்கோட்டையன் உள்ளிட்டோரும் கலந்து கொள்வதாக கூறப்படுகிறது.
News April 19, 2025
சஞ்சு சாம்சனுக்கு ஓய்வா?
ஜெய்ப்பூரில் இன்று RR vs LSG இடையே போட்டி நடைபெறவுள்ளது. இதுவரை 7 போட்டிகளில் விளையாடியுள்ள RR 2 போட்டிகளில் மட்டுமே வெற்றிபெற்றுள்ளது. இதனால், அந்த அணிக்கு இப்போட்டி வாழ்வா? சாவா? போட்டியாகும். கடந்த 16ஆம் தேதி நடந்த DC-க்கு எதிரான போட்டியில் RR கேப்டன் சஞ்சு சாம்சன், காயம் காரணமாக பாதியிலேயே மைதானத்தில் இருந்து வெளியேறினார். இதனால், இன்றைய போட்டியில் அவர் பங்கேற்பது சந்தேகம் என சொல்லப்படுகிறது.
News April 19, 2025
உலக கல்லீரல் தினம்: இன்றே மது, புகையை விடுங்க
வாகனங்களுக்கு எஞ்சின் போல மனிதனுக்கு கல்லீரல். அது நன்றாக இயங்கினால் தான் மனிதன் நோய் நொடி இல்லாமல், மகிழ்ச்சியாக வாழ முடியும். கல்லீரலை பாதுகாக்க போதுமான தூக்கம், உடற்பயிற்சி, மது அருந்தாமல் இருப்பது மற்றும் நச்சுப் பொருட்கள் இல்லாத ஒரு சூழலில் வாழ்வது அவசியம். கல்லீரலை சுத்தப்படுத்த உதவும் பூண்டு, வெங்காயம், இஞ்சி, பீட்ரூட், மஞ்சள், திராட்சை போன்றவற்றை அடிக்கடி சாப்பிடுங்கள்.