News August 15, 2025
தலையில் படுகாயம்.. 7 நாள்கள் போராடி உயிர் பிரிந்த சோகம்
நாகாலாந்து கவர்னர் இல. கணேசன் இன்று காலமானார். கடந்த 8-ம் தேதி அவரது வீட்டில் வழுக்கி விழுந்ததால் அவரது தலையில் பலத்த காயம் ஏற்பட்டது. இதனையடுத்து, சென்னை அப்போலோ ஹாஸ்பிடலில் ICU பிரிவில் அவர் அனுமதிக்கப்பட்டார். டாக்டர்கள் குழுவினரின் கண்காணிப்பில் அவருக்கு சிகிச்சை அளிக்கப்பட்டு வந்தது. எனினும், அவரது உடல்நிலையில் முன்னேற்றம் ஏற்படவில்லை. இந்நிலையில், இன்று மாலையில் அவர் உயிர் பிரிந்தது. RIP
Similar News
News August 15, 2025
பொதுத்தேர்வு ரத்துக்கு இதுவே காரணம்.. அமைச்சர் விளக்கம்
11-ம் வகுப்புக்கான பொதுத்தேர்வை ரத்து செய்தது ஏன் என அமைச்சர் அன்பில் மகேஸ் விளக்கம் அளித்துள்ளார். 12-ம் வகுப்பு பொதுத்தேர்வு எழுதும் மாணவர்களுக்கு 11-ம் வகுப்பு அடித்தளமாக இருக்க வேண்டுமே தவிர, மன அழுத்தத்தை கொடுக்கக் கூடாது எனத் தெரிவித்துள்ளார். 7 ஆண்டுகளுக்கு பிறகு தமிழக கல்வி திட்டம் மறுசீரமைப்பு செய்யப்படவுள்ளதாக தெரிவித்த அவர், பள்ளிகளில் ஹிந்தி திணிப்பை ஏற்க முடியாது என கூறியுள்ளார்.
News August 15, 2025
திமுகவில் இணைகிறாரா அதிமுகவின் தம்பிதுரை?
அன்வர் ராஜா, கார்த்திக் தொண்டைமான், மைத்ரேயன் என அடுத்தடுத்த அதிமுக தலைவர்கள் திமுகவில் இணைந்து வருகின்றனர். இந்த வரிசையில் தம்பிதுரையும் திமுகவில் சேரப் போவதாக, புகழேந்தி குண்டை தூக்கி போட்டுள்ளார். மேலும், பாஜகவுடன் இபிஎஸ் கூட்டணி வைத்திருப்பதால் அதிமுக நிர்வாகிகள் அதிருப்தியில் இருப்பதாகவும் அவர் குறிப்பிட்டுள்ளார். ஏற்கெனவே தங்கமணி திமுகவில் இணைவதாக செய்தி பரவிய நிலையில், அதனை அவர் மறுத்தார்.
News August 15, 2025
தலைமுறைகள் கடந்து தாக்கம் ஏற்படுத்திய ரஜினி: PM வாழ்த்து
திரையுலகில் ரஜினி 50 ஆண்டுகளை நிறைவு செய்ததை PM மோடி வாழ்த்தியுள்ளார். திரைப்படங்களில் மாறுபட்ட வேடங்களில் நடித்து தலைமுறைகள் கடந்தும் ரஜினி மக்கள் மனதில் தாக்கத்தை ஏற்படுத்தியதாகவும், அவரது திரைப்பயணம் சிறப்பு மிக்கதாக இருப்பதாகவும் PM மோடி தெரிவித்துள்ளார். மேலும், இனிவரும் காலங்களிலும் தொடர் வெற்றிகளை பெற்று, நல்ல ஆரோக்கியத்துடன் வாழவும் வாழ்த்தியுள்ளார்.