News April 2, 2025
கச்சத்தீவை பெற இன்று தனித் தீர்மானம்

கச்சத்தீவை திரும்பப் பெற அனைத்து நடவடிக்கைகளையும் மத்திய அரசு மேற்கொள்ள வலியுறுத்தி, சட்டப்பேரவையில் முதல்வர் ஸ்டாலின் இன்று தனித் தீர்மானம் கொண்டு வருகிறார். இலங்கை கடற்படையால் மீனவர்களுக்கு ஏற்படும் இன்னல்களைப் போக்கிட கச்சத்தீவை மீட்பதே நிரந்தர தீர்வாக அமையும் என்றும், இலங்கை செல்லும் பிரதமர் மோடி, மீனவர் பிரச்னை குறித்து அந்நாட்டு அரசுடன் பேச வேண்டும் எனவும் ஸ்டாலின் தெரிவித்துள்ளார்.
Similar News
News November 29, 2025
இன்னும் சற்றுநேரத்தில் திமுக எம்பிக்களின் கூட்டம்

வாக்காளர் சிறப்பு தீவிர திருத்தப் பணிகளுக்கு மத்தியில் டிச.1 – 19-ம் வரை நாடாளுமன்ற குளிர்கால கூட்டத்தொடர் நடைபெறவிருக்கிறது. இக்கூட்டத்தொடரில் பல்வேறு பிரச்னைகளை எதிர்க்கட்சிகள் கிளப்பும் என்று எதிர்பார்க்கப்படுகிறது. இந்நிலையில், நாடாளுமன்ற கூட்டத்தில் பல்வேறு விவகாரங்கள் குறித்து கேள்வி எழுப்புவது தொடர்பாக ஸ்டாலின் தலைமையில், இன்னும் சற்றுநேரத்தில் திமுக எம்பிக்களின் கூட்டம் தொடங்கவுள்ளது.
News November 29, 2025
வேகமாக நகரும் புயல்

டிட்வா புயல் கரையை நோக்கி நகரும் வேகம் சற்று அதிகரித்துள்ளதாக IMD தெரிவித்துள்ளது.
தற்போதைய நிலவரப்படி மணிக்கு 8 கிமீ வேகத்தில் டிட்வா புயல் நகர்ந்து வருகிறது. சென்னைக்கு தென்கிழக்கில் 400 கிமீ தொலைவிலும், புதுச்சேரிக்கு தெற்கு – தென்கிழக்கில் 300 கிமீ தொலைவிலும் புயல் உள்ளது. தொடர்ந்து வடக்கு – வடமேற்கில் நகர்ந்து வரும் புயல், நாளை காலை வட தமிழ்நாட்டை நெருங்கும் என்று அலர்ட் கொடுத்துள்ளது.
News November 29, 2025
ஹிட்மேனின் ரெக்கார்டை ஊதித்தள்ளிய CSK இளஞ்சிங்கம்!

இந்தியாவின் உள்ளூர் கிரிக்கெட்டான First Class, List-A, T20 என்ற மூன்று பார்மெட்களிலும் இளம் வயதில் சதம் அடித்த வீரர் என்ற ஆயுஷ் மாத்ரே (18 வயது, 135 நாள்கள்) படைத்துள்ளார். SMAT போட்டியில் விதர்பா அணிக்கு அவர், 110(55) ரன்களை விளாசி, ரோஹித் சர்மாவின் (19 வயது, 339 நாள்கள்) இந்த சாதனையை முறியடித்தார். ஆயுஷ் மாத்ரே IPL-ல் சென்னை அணிக்காக விளையாடி வருகிறார் என்பது குறிப்பிடத்தக்கது.


