News February 11, 2025
சல்மான் கான், அட்லீ இணையும் படம் ரத்து?
அட்லீ இயக்கத்தில் சல்மான் கான் நடிக்கவிருந்த படம் கிடப்பில் போடப்பட்டதாக பாலிவுட் வட்டாரங்கள் தெரிவிக்கின்றன. பீரியட் ஆக்ஷன் படமாக உருவாகவிருந்த இப்படத்தில் ரஜினி (அ) கமல் நடிக்க இருப்பதாக கூறப்பட்டது. ஆனால், தற்போது இக்கூட்டணியில் படம் உருவாகாது என்ற தகவல் வெளியாகியுள்ளது. அட்லீ அல்லு அர்ஜுனுக்காக ஸ்கிரிப்ட் தயார் செய்து வருவதாக கூறப்படுகிறது. எனினும், இதுகுறித்து எதுவும் உறுதி செய்யப்படவில்லை.
Similar News
News February 11, 2025
ரீ-ரிலீசாகும் விஜய்யின் சச்சின்!!
விஜய் நடித்த ‘சச்சின்’ படம் வெளியாகி 20 ஆண்டுகளான நிலையில், கோடை கொண்டாட்டமாக திரையரங்குகளில் ரீ ரிலீசாகும் என தயாரிப்பாளர் தாணு அறிவித்துள்ளார். ஜான் மகேந்திரன் இயக்கத்தில் ஜெனிலியா, வடிவேலு நடித்திருந்த படம் இன்னும் ஃபேன் ஃபேவரிட்டாக இருக்கிறது. இன்னும் ஒரு படத்துடன் விஜய் சினிமாவில் இருந்து விலகும் நிலையில், இது ரசிகர்களுக்கு ஹேப்பி நியூஸாக அமைந்துள்ளது.
News February 11, 2025
டிராவிட்டுடன் கோலி பேச வேண்டும்: அர்ஜுனா
மோசமான ஃபார்மில் இருக்கும் கோலி, தனது பிரச்னையை சரிசெய்ய கவாஸ்கர், திலீப் வெங்சர்க்கார், டிராவிட் போன்ற லெஜண்ட்களிடம் பேச வேண்டும் என இலங்கை அணியின் ஜாம்பவான் அர்ஜுனா ரணதுங்கா அட்வைஸ் கொடுத்துள்ளார். கோலி போன்ற ஒரு வீரர், இத்தனை ரன்களைச் சேர்த்த பிறகு, அவரது ஓய்வு குறித்து பலரும் பேசுவது தேவையில்லாதது எனவும், அந்த முடிவை அவரிடமே விட்டுவிட வேண்டும் என்றும் கூறியுள்ளார்.
News February 11, 2025
முதல்முறையாக ஒரு கிராம் தங்கம் ₹8 ஆயிரம்
ஆபரணத் தங்கத்தின் விலை வரலாறு காணாத வகையில் அதிகரித்துக் கொண்டே செல்கிறது. அதுவும் கடந்த ஒரு மாதத்தில் மட்டும் சவரனுக்கு ₹5,960 உயர்ந்துள்ளது. அதேபோல் முதல்முறையாக 1 கிராம் ₹8 ஆயிரத்தை கடந்துள்ளது. கடந்த மாதம் இதே தேதியில், ஆபரணத் தங்கத்தின் விலை 1 கிராம் ₹7,315ஆக இருந்த நிலையில் இன்று ₹8,060ஆகவும், சவரன் ₹58,520ஆக இருந்த நிலையில் இன்று ₹64,480ஆகவும் உயர்ந்துள்ளது.