News February 12, 2025
எதிர்பார்ப்பை எகிற வைக்கும் ரோகித், கோலி
IND – ENG இடையிலான 3rd ODI, இன்று அகமதாபாத்தில் நடைபெறவுள்ளது. இப்போட்டியில், ரோகித் 13 ரன்கள் எடுத்தால் ODIயில் 11,000 ரன்களையும், கோலி 89 ரன்கள் எடுத்தால் 14,000 ரன்களையும் கடப்பார்கள். கடந்த சில போட்டிகளில் ரோகித், கோலி பேட்டிங் மோசமாக இருப்பதாக விமர்சனம் எழுந்தது. அதற்கு கடைசி போட்டியில் ரோகித் பதிலடி கொடுத்த நிலையில், இன்றைய போட்டியில் கோலி பதிலடி கொடுப்பாரா என எதிர்பார்க்கப்படுகிறது.
Similar News
News March 5, 2026
பாஜகவால் அதிமுக டெபாசிட் இழக்கும்: தா.மோ.அன்பரசன்
திமுக- காங்., கூட்டணியை அதிமுகவினரும், அதிமுக – பாஜக கூட்டணியை திமுகவினரும் மாறிமாறி விமர்சனம் செய்கின்றனர். இந்நிலையில், அதிமுக தனியாக நின்றால், ஓட்டுகள் கூடுதலாக கிடைக்கும் என்றும், பாஜகவுடன் சேர்ந்ததால், பல தொகுதிகளில் டெபாசிட் இழக்கும் நிலை வரும் எனவும் அமைச்சர் தா.மோ.அன்பரசன் விமர்சித்துள்ளார். மேலும், விஜய் நடிகர் என்பதால் கூட்டம் கூடுகிறது; ஆனால், மக்கள் ஓட்டுப்போட மாட்டார்கள் என்றார்.
News March 5, 2026
கூடுதல் வரியை திரும்ப கொடுங்க.. US அதிபருக்கு ஷாக்!
US அதிபர் டிரம்புக்கு அந்நாட்டு வர்த்தக நீதிமன்றம் அதிர்ச்சி அளித்துள்ளது. அவசரகால அதிகார சட்டத்தின் கீழ் நிறுவனங்களிடமிருந்து வசூலிக்கப்பட்ட கூடுதல் வரியை திரும்ப வழங்குமாறு நீதிமன்றம் உத்தரவிட்டுள்ளது. தனியார் நிறுவனங்கள் தொடர்ந்த வழக்கில், சுமார் ₹16 லட்சம் கோடியை திரும்ப அளிக்கும் படி உத்தரவிட்டுள்ள நீதிமன்றம், இந்த தீர்ப்பு அனைத்து நிறுவனங்களுக்கும் பொருந்தும் எனவும் சுட்டிக்காட்டியுள்ளது.
News March 5, 2026
70 தொகுதிகளா? பாஜகவின் பிளானுக்கு EPS பதில்
மொத்தமாக 70 தொகுதிகளை கொடுங்கள், நாங்கள் கூட்டணி கட்சிகளுக்கு பிரித்து கொடுத்துவிடுகிறோம் என்று பியூஷ் கோயல், EPS-யிடம் கூறியதாக தகவல் வெளியாகியுள்ளது. ஆனால், பாஜகவுக்கு 25 தொகுதிகள், மற்ற கட்சிகளுக்கு தாங்களே சீட் ஒதுக்கீடு செய்வதாக EPS கூறிவிட்டாராம். இதனால் ஏற்பட்ட முரண்பாட்டாலேயே அவர் டெல்லி சென்றதாக கூறப்படுகிறது. மேலும், குறைந்தது பாஜகவுக்கு 30 தொகுதிகளை ஒதுக்க அதிமுக முன்வந்துள்ளதாம்.