News February 8, 2025
ரெப்போ குறைப்பு: EMI எவ்வளவு குறையும்?
ரிசர்வ் வங்கி, ரெப்போ வட்டியை 6.25% ஆகக் குறைத்துள்ளது. இதனால் வங்கி லோன்களுக்கான EMI-யும் குறையும். உதாரணத்துக்கு, வீட்டுக்கடனாக ரூ.20 லட்சம் 20 ஆண்டுகள் லோனில் வாங்கி இருந்தால் ஆண்டுக்கு ரூ.3,816, ரூ.30 லட்சத்துக்கு ரூ.5,712 மற்றும் ரூ.50 லட்சத்துக்கு ரூ.9,540 குறையும். 5 ஆண்டு கார் லோனும் ரூ.5 லட்சத்துக்கு ஆண்டுக்கு ரூ.732, ரூ.7 லட்சத்துக்கு ரூ.1020, ரூ.10 லட்சத்துக்கு ரூ.1464 குறையும்.
Similar News
News February 8, 2025
பள்ளிகளில் மாணவர்கள் கவனம்
கடந்த சில நாள்களாக பள்ளிகள் குறித்தும் கல்லூரிகள் குறித்தும் வரும் செய்திகள் நல்லதாக இல்லை. ஆசிரியர்களே சிறுமிகளை, மாணவிகளை பாலியல் தொல்லைக்கு ஆளாக்குவது வேதனை தரும் விஷயமாக உள்ளது. இதனை தடுக்க, அனைத்து பள்ளிகளிலும் சிசிடிவி கேமரா பொருத்த அதிமுக வலியுறுத்தியுள்ளது. ஆனாலும், மாற்றம் ஆசிரியர்களிடம் இருந்துதானே வர வேண்டும்? உங்கள் கருத்தை சொல்லுங்க.
News February 8, 2025
ஆண்களே, இந்த 7 அறிகுறிகளை கவனிங்க!
இதயநோய் மரணங்களில் 85% மாரடைப்பு, ஸ்ட்ரோக் பாதிப்பால் நேர்கிறது. அதன் அறிகுறிகளை முன்கூட்டியே அறிந்தால் ஆபத்தை தடுக்கலாம். அவை: *நெஞ்சு வலி / அசவுகரியம்: ஆண், பெண் இருபாலருக்கும் பொதுவானது. வலியோ, இறுக்கமோ சில நிமிடங்கள் தாக்கலாம். தோள்பட்டை, முதுகு, கழுத்து, தாடை வரை பரவலாம் *மூச்சுத்திணறல் *உடலின் மேல்பாதியில் வலி *திடீரென அதிகப்படியான வியர்வை *குமட்டல்/ வாந்தி *தலைச்சுற்றல் *அசாதாரண சோர்வு.
News February 8, 2025
டெல்லி முடிவு INDIA அணிக்கான எச்சரிக்கை: பொன்முடி
டெல்லி தேர்தல் முடிவு INDIA கூட்டணிக்கு விடப்பட்டுள்ள எச்சரிக்கை என அமைச்சர் பொன்முடி கூறியுள்ளார். எதிர்காலத்தில் ஒற்றுமையாக செயல்பட வேண்டும் என்ற பாடத்தை தேர்தல் முடிவு கூறுவதாகவும், INDIA கூட்டணி தலைவர்களை அதற்கான முயற்சியில் ஈடுபட வேண்டும் எனவும் அறிவுறுத்தியுள்ளார். ஈரோடு இடைத்தேர்தல் வெற்றி 4 ஆண்டு கால திமுக ஆட்சிக்கு மக்கள் அளித்துள்ள மதிப்பெண் என்றும் அவர் தெரிவித்துள்ளார்.