News February 19, 2025
CM பதவியை ராஜினாமா செய்யத் தயார்: மம்தா
வங்கதேச நாட்டைச் சேர்ந்த பயங்கரவாத அமைப்புடன் தனக்கு தொடர்பு இருப்பதாக நிரூபித்தால், மேற்குவங்க மாநில முதலமைச்சர் பதவியை ராஜினாமா செய்யத் தயார் என மம்தா பானர்ஜி சவால் விடுத்துள்ளார். தன்னை எதிர்கொள்ள பாஜகவினருக்கு தைரியம் இல்லை என விமர்சித்த அவர், அதனால் தான் முஸ்லிம் லீக் அமைப்பில் நான் உறுப்பினராக இருப்பதாக ஆதாரமற்ற குற்றச்சாட்டை முன்வைப்பதாக சாடினார்.
Similar News
News February 21, 2025
மோசடி வழக்கு: மகாராஷ்டிரா அமைச்சருக்கு 2 ஆண்டு ஜெயில்
மோசடி வழக்கில் மகாராஷ்ட்ரா என்சிபி அமைச்சர் மாணிக்ராவ் கோகடேவுக்கு 2 ஆண்டு சிறை தண்டனை விதித்து நாசிக் நீதிமன்றம் தீர்ப்பளித்தது. அரசு இடஒதுக்கீட்டில் வீடுகள் பெற போலி சான்றிதழ்களை அளித்ததாக அவர் மீது 1995இல் வழக்குத் தொடரப்பட்டது. அந்த வழக்கில் மாணிக்ராவ் கோகடே, சகோதரர் சுனில் காேகடேக்கு 2 ஆண்டு சிறை, ரூ.50,000 அபராதம் விதிக்கப்பட்டது. எனினும், இருவருக்கும் ஜாமீன் அளிக்கப்பட்டது.
News February 21, 2025
6 வருடமாக சம்பளம் மறுப்பு… ஆசிரியை தற்கொலை
கேரளாவில் தனியார் பள்ளியில் பணியாற்றிய அலீனா பென்னி என்ற ஆசிரியைக்கு ஆறு ஆண்டுகளாக ஊதியம் தரப்படாததால் அவர் தற்கொலை செய்து கொண்டுள்ளார். கோழிக்கோடு மாவட்டத்தில் உள்ள கோடன்சேரியில் உள்ள செயின்ட் ஜோசப் பள்ளியில் பணியாற்றிய அவருக்கு பல ஆண்டுகளாக ஊதியம் வழங்காதது தெரியவந்துள்ளது. சம்பவம் தொடர்பாக கேரள கல்வி அமைச்சர் வி.சிவன்குட்டி விசாரணைக்கு உத்தரவிட்டுள்ளார்.
News February 21, 2025
பரபரப்புக்காக பேசுகிறார் அண்ணாமலை: திருமா சாடல்
அண்ணாமலை பரபரப்புக்காக ஒவ்வொரு நாளும் ஒவ்வொன்றை பேசி வருவதாக திருமாவளவன் விமர்சித்துள்ளார். அவருக்கு ஊடக கவன ஈர்ப்பு முக்கியமானதாக இருப்பதாகக் கூறிய அவர், நாகரிக அணுகுமுறை என்பதை முற்றாக தவிர்த்துவிட்டு யாரையும் எப்படியும் விமர்சிக்கலாம் என்கிற நிலைப்பாட்டை எடுத்து அவர் அரசியல் செய்வதாக சாடினார். மேலும், அவரது அணுகுமுறை தனக்கு வியப்பாக இருப்பதாகவும் அவர் கூறினார்.