News March 30, 2024
RCB கோப்பையை வெல்ல வாய்ப்பே இல்லை
நடப்பு ஐ.பி.எல்லில் இதுபோன்ற மோசமான பவுலிங்கை வைத்து கொண்டு, ராயல் சேலஞ்சர்ஸ் பெங்களூரு அணி, கோப்பையை வெல்ல வாய்ப்பே இல்லையென இங்கிலாந்து அணியின் முன்னாள் கேப்டன் மைக்கேல் வாகன் ஆருடம் கூறியுள்ளார். நேற்று சின்னசாமி மைதானத்தில் நடந்த KKR அணிக்கு எதிரான ஆட்டத்தில் முதலில் ஆடிய RCB அணி 182 ரன்களை குவித்தது, இருப்பினும் பந்துவீச்சாளர்கள் சொதப்பவே, 7 விக்கெட் வித்தியாசத்தில் தோல்வியை தழுவியது.
Similar News
News January 21, 2026
வைத்திலிங்கம் விலகினார்.. OPS-க்கு பேரதிர்ச்சி
வைத்திலிங்கம் தனது MLA பதவியை ராஜினாமா செய்தார். அடுத்ததாக திமுக அலுவலகம் சென்று CM முன்னிலையில் தன்னை திமுகவில் இணைத்துக்கொள்ள உள்ளார் என்கின்றனர். தஞ்சை ஒரத்தநாடு MLA-வாக இருக்கும் இவர், 2001-2006-ல் வனத்துறை & சுற்றுச்சூழல் அமைச்சர், 2011-2016-ல் நகர்புற வளர்ச்சி அமைச்சர், பிறகு MP-யாக இருந்தார். இந்நிலையில் அணிக்கு பலம் சேர்த்த ஒருவர் எடுத்துள்ள இம்முடிவு OPS-க்கு அதிர்ச்சியளித்துள்ளது.
News January 21, 2026
ஹிஜாப் அணிந்த பெண் பிரதமராக கூடாதா? ஓவைசி
ஹிஜாப் அணிந்த ஒரு பெண் இந்தியாவின் பிரதமராக வருவதைக் கனவு காண்பது ஒரு குற்றமா என AIMIM தலைவர் அசாதுதீன் ஓவைசி கேள்வி எழுப்பியுள்ளார். சிலநாட்களுக்கு முன்பு நாட்டைக் குழிதோண்டிப் புதைக்கும் இதுபோன்ற சிந்தனைகள் அனுமதிக்கப்படாது என்று மத்திய அமைச்சர் கிரிராஜ் சிங் பேசியிருந்தார். அவருக்கு பதிலளிக்கும் விதமாக, இப்படி ஒரு கனவை காண அரசியலமைப்புச் சட்டம் எங்களை தடுக்கிறதா என ஓவைசி காட்டமாக பேசியுள்ளார்.
News January 21, 2026
உரிமைத் தொகை உயர்வு.. அறிவிக்கிறார் CM ஸ்டாலின்
CM ஸ்டாலின் தலைமையிலான நடப்பு திமுக ஆட்சியின் கடைசி சட்டப்பேரவை கூட்டத்தொடர் நேற்று தொடங்கியது. நாளை முதல் வழக்கமான அலுவல்கள், கேள்வி-பதில்களை தொடர்ந்து CM ஸ்டாலின் முக்கிய <<18911897>>அறிவிப்புகளை<<>> வெளியிடவுள்ளார். அதில், CM ஏற்கெனவே கூறியது போல் மகளிர் உரிமைத் தொகை உயர்வு பற்றிய அறிவிப்பு இடம்பெறும் என தகவலறிந்த வட்டாரங்கள் தெரிவிக்கின்றன. எனவே, மிக விரைவில் மகளிருக்கான இனிப்பான செய்தியை எதிர்பார்க்கலாம்.