News February 26, 2025
புரோ ஹாக்கி தொடர்: இந்தியா அபார வெற்றி
பெண்கள் புரோ ஹாக்கி தொடரில் நெதர்லாந்தை வீழ்த்தி இந்தியா அபார வெற்றி பெற்றது. பரபரப்பான இந்த ஆட்டத்தில் வழக்கமான நேரம் முடிவில் ஆட்டம் 2-2 என்ற கோல் கணக்கில் சமன் ஆனது. இதையடுத்து வெற்றி தோல்வியை நிர்ணயிக்க ஷூட்-அவுட் விதி கடைப்பிடிக்கப்பட்டது. இதில் இந்தியா அபாரமாக செயல்பட்டு 2-1 என்ற கோல் கணக்கில் நெதர்லாந்தை தோற்கடித்தது. இதுவரை 8 ஆட்டங்களில் ஆடியுள்ள இந்திய அணிக்கு இது 3வது வெற்றியாகும்.
Similar News
News February 26, 2025
அமெரிக்காவில் குடியேற ரூ.43 கோடியில் கோல்டு கார்டு: டிரம்ப்
அமெரிக்காவில் தங்க அட்டை (Gold Card) திட்டம் ஒன்றை டிரம்ப் அறிமுகம் செய்துள்ளார். USAவில் சட்டவிரோதமாக குடியேறியவர்களை நாடுகடத்தும் நடவடிக்கைகளுக்கு மத்தியில் டிரம்பின் இந்த அறிவிப்பு பலருக்கு மகிழ்ச்சியைக் கொடுத்துள்ளது. தங்க அட்டையில் குடியேறுபவர்கள் 5 மில்லியன் டாலர்(₹43 கோடி) செலுத்த வேண்டும் எனவும் இது கிரீன் கார்டை விட அதிக சலுகைகளைக் கொண்டது என்றும் டிரம்ப் தனது அறிவிப்பில் கூறியுள்ளார்.
News February 26, 2025
வேலைக்கு போகும் பெண்கள் மன அழுத்தம் குறைய…
ஆபீஸ் செல்லும் பெண்கள் மன அழுத்தத்தை குறைக்க சில டிப்ஸ்: தினசரி சிறிது நேரம் குழந்தையுடன் செலவிடுங்கள். இது பெருமளவு மன அழுத்தத்தை குறைக்கும் *உங்களுக்காகவும் சிறிது நேரத்தை ஒதுக்குங்கள். சருமப் பராமரிப்பு, பார்லர் போவது என எதுவானாலும் சரி, உங்களுக்கென சிறிது நேரத்தை செலவிடுங்கள் *மன அழுத்தத்தை குறைக்க சிறந்த வழி பிறரிடம் பேசி விடுவது. அது யாராக வேண்டுமானாலும் இருக்கலாம், ஆனால் பேசுங்கள்!
News February 26, 2025
தவெக 2ஆம் ஆண்டு விழாவில் #GETOUT பதாகை
தவெகவின் 2 ஆம் ஆண்டு தொடக்க விழாவுக்கான ஏற்பாடுகள் பிரம்மாண்டமாக செய்யப்பட்டுள்ளன. விழாவில் விஜய் என்ன பேசப் போகிறார் என்ற எதிர்பார்ப்பு தமிழக அரசியலில் எழுந்துள்ளது. அதே நேரம் விமர்சனங்களுக்கு அஞ்சி கொடூங்கோலுடன் மக்களின் குரல்வளையை நெரிக்கும் அரசியல் கோழைத்தனம் என்பது உள்ளிட்ட 6 விமர்சனங்களை உள்ளடக்கிய பதாகையும் வைக்கப்பட்டுள்ளது. முக்கியமாக #GETOUT என்ற ஹேஷ்டேக் அதில் இடம் பெற்றுள்ளது.