News January 27, 2025
விடாமுயற்சி டிரெய்லரை பாராட்டிய பிரித்விராஜ்
அஜித் நடித்துள்ள ‘விடாமுயற்சி’ படத்தை காண ஆவலுடன் காத்திருப்பதாக நடிகர் பிரித்விராஜ் தெரிவித்துள்ளார். மலையாள ஸ்டார் மோகன்லால் நடித்துள்ள ‘எம்புரான்’ படத்தின் டீசர் வெளியீட்டு விழாவில் பேசிய அவர், சமீபத்தில் தமிழ் சினிமாவில் நான் பார்த்த சிறந்த டிரெய்லர்களில் ஒன்று, ‘விடாமுயற்சி’ படத்தின் டிரெய்லர் தான் என புகழ்ந்து தள்ளினார். யாரெல்லாம் விடாமுயற்சி படம் பார்க்க வெயிட்டிங்? கமெண்ட்ல சொல்லுங்க.
Similar News
News August 29, 2025
தீயணைப்பு ஆணையத் தலைவர் சங்கர் ஜிவால்
இன்றுடன் ஓய்வு பெறவுள்ள தமிழக டிஜிபி சங்கர் ஜிவாலுக்கு தமிழக அரசு புதிய பொறுப்பு வழங்கியுள்ளது. தீயணைப்பு ஆணையத் தலைவராக அவர் நியமிக்கப்பட்டுள்ளார். கடந்த 2023ஆம் ஆண்டு ஜூன் 30 முதல் சட்ட ஒழுங்கு டிஜிபி ஆக பதவி வகித்து வந்தார். இன்று எழும்பூர் ராஜரத்தினம் மைதானத்தில் வழியனுப்பு விழா நடைபெறவுள்ளது. தமிழகத்தின் புதிய டிஜிபி குறித்த அறிவிப்பு இன்னும் வெளியாகவில்லை என்பது குறிப்பிடத்தக்கது.
News August 29, 2025
₹1,000 மகளிர் உரிமைத் தொகை.. அமைச்சர் சொன்ன குட் நியூஸ்
‘உங்களுடன் ஸ்டாலின்’ முகாம்களின் பெறப்பட்ட மகளிர் உரிமைத் தொகைக்கான விண்ணப்பங்கள் பரிசீலிக்கப்பட்டு வருவதாக அமைச்சர் ஐ. பெரியசாமி தெரிவித்துள்ளார். விடுபட்டு போன தகுதியான மகளிர் அனைவருக்கும் வீடு தேடி மகளிர் உரிமைத் தொகை வழங்கப்படும் எனவும் அவர் உறுதியளித்துள்ளார். திட்டத்தில் ₹1,000 பெற தகுதியுள்ள மகளிரின் முதற்கட்ட பட்டியல் விரைவில் வெளியிட இருப்பதாகவும் அரசு வட்டாரங்கள் தெரிவிக்கின்றன.
News August 29, 2025
மக்களின் வலியை புரிந்து கொள்ளுமா திமுக? EPS
‘உங்களுடன் ஸ்டாலின்’ முகாமில் மக்களிடம் பெறப்பட்ட மனுக்கள் வைகை ஆற்றில் வீசப்பட்டதற்கு EPS கண்டனம் தெரிவித்துள்ளார். உங்களுடன் ஸ்டாலின் என்ற பெயரில் திமுக அரசு விளம்பரத்திற்காக ஆரம்பித்த திட்டத்தின் மனுக்கள், அஸ்தியை கரைப்பது போல, வைகையாற்றில் குப்பைபோல் போடப்பட்டுள்ளது. மக்களின் வலி, உணர்வு, வேதனைகளை புரிந்துக் கொள்ளாமல் நாடகமாடும் திமுகவிற்கு 2026-ல் மக்கள் பாடம் புகட்டுவார்கள் என தெரிவித்தார்.