News July 6, 2025
விஜய்க்கு அதிர்ச்சி கொடுத்த பிரசாந்த் கிஷோர்!
தேர்தலுக்காக TVK தீவிரமாக தயாராகி வரும் நிலையில், அரசியல் வியூக வகுப்பாளர் பிரசாந்த் கிஷோர்(PK) தற்காலிகமாக விலகியுள்ளார். பிஹாரில் விரைவில் சட்டமன்றத் தேர்தல் நடைபெறவுள்ள உள்ளதால் தனது சொந்த கட்சியை(ஜன் சுராஜ்) கவனிக்கவும், சிறிது காலம் ஓய்வுக்காகவும் இந்த முடிவை அவர் எடுத்துள்ளாராம். விஜய் விரைவில் சுற்றுப்பயணம் தொடங்கவுள்ள நிலையில், PK-வின் இந்த முடிவு TVK-வினருக்கு ஷாக் கொடுத்துள்ளது.
Similar News
News July 6, 2025
திருச்செந்தூர் கோவிலுக்கு ₹206 கோடி வழங்கிய சிவ் நாடார்!
முருகப்பெருமானின் அறுபடை வீடுகளில் ஒன்றான திருச்செந்தூர் சுப்பிரமணிய சுவாமி திருக்கோவிலின் சீரமைப்புப் பணிகளுக்காக, தொழிலதிபர் சிவ் நாடார் ₹206 கோடி நன்கொடை வழங்கி இருக்கிறார். சிவ் நாடாரின் ‘வாமா சுந்தரி அறக்கட்டளை’ மூலமாக இந்த நன்கொடை வழங்கப்பட்டுள்ளது. நாளை (ஜூலை 7, திங்கட்கிழமை) திருச்செந்தூர் முருகன் கோவிலில் மகா கும்பாபிஷேக விழா நடைபெற உள்ளது குறிப்பிடத்தக்கது.
News July 6, 2025
தமிழகத்தை உலுக்கிய தம்பதியின் தற்கொலை!
வட்டார போக்குவரத்து அலுவலர்(RTO), தனது மனைவியுடன் ரயில் முன் பாய்ந்து தற்கொலை செய்து கொண்டது பெரும் அதிர்ச்சியை ஏற்படுத்தியுள்ளது. நாமக்கல்லை சேர்ந்த சுப்பிரமணியன்(54) திருச்சி RTO அலுவலக பறக்கும் படையில் பணியாற்றி வந்தார். இவரது மனைவி பிரமிளா(50), அரசுப் பள்ளி ஆசிரியர் ஆவார். இவர்களது மகளின் காதல் திருமணம் தொடர்பாக குடும்பத்தில் ஏற்பட்ட பிரச்னையில் இந்த விபரீத முடிவை எடுத்துள்ளதாக கூறப்படுகிறது.
News July 6, 2025
BREAKING: விமான கட்டணம் கிடுகிடு உயர்வு
வரும் வெள்ளிக்கிழமை மற்றும் வார இறுதி நாள்களான சனி, ஞாயிற்றுக்கிழமை விமானக் கட்டணம் கிடுகிடுவென உயர்ந்துள்ளது. வரும் ஞாயிற்றுக்கிழமை ஆனி மாதத்தின் கடைசி முகூர்த்த நாள். இதனால் வெள்ளியன்று சென்னையில் இருந்து மதுரை செல்லும் விமான கட்டணம் ₹4000-ல் இருந்து ₹13,000 வரை உயர்ந்துள்ளது. பண்டிகை காலங்களில், முகூர்த்த நாள்களில் விமான கட்டணம் பல மடங்கு உயர்த்தப்படுவதாக பயணிகள் புகார் தெரிவிக்கின்றனர்.