News April 22, 2025
போஸ்ட் ஆபீஸ் வேலைக்கான ரிசல்ட் வெளியானது
போஸ்ட் ஆபீஸில் கிளை போஸ்ட் மாஸ்டர் & உதவி கிளை போஸ்ட் மாஸ்டர் வேலைக்கு தேர்வானவர்களின் பட்டியல் வெளியாகியுள்ளது. 21,413 பணியிடங்களுக்கு ஆன்லைனில் விண்ணப்பங்கள் பெறப்பட்டன. 10-ம் வகுப்பு மார்க் அடிப்படையில் தேர்வானவர்களின் பட்டியல் வெளியிடப்படும். முதற்கட்ட பட்டியல் மார்ச் 22-ல் வெளியானது. தற்போது 2-ம் கட்ட பட்டியல் வெளியாகியுள்ளது. https://indiapostgdsonline.gov.in/ இணையதளத்தில் அறியலாம்.
Similar News
News April 22, 2025
சித்ரா பெளர்ணமி: கிரிவலப் பாதையில் சிறப்பு ஏற்பாடு
திருவண்ணாமலையில் சித்ரா பெளர்ணமியை முன்னிட்டு கிரிவலம் வரும் பக்தர்களுக்காக சிறப்பு ஏற்பாடுகள் செய்யப்பட்டு வருகின்றன. கோயிலை சுற்றி 20 இடங்களில் தற்காலிக பேருந்து நிலையங்கள் அமைக்கப்படுகிறது. கிரிவலப் பாதையில் போதிய கழிவறைகள், குடிநீர் வசதிகளை செய்து தரவும் ஏற்பாடு செய்யப்பட்டுள்ளது. சித்ரா பெளர்ணமியான மே 11 இரவு 8.47க்கு தொடங்கி மே 12, இரவு 10.43 மணி வரை கிரிவலம் செல்ல உகந்த நேரம்.
News April 22, 2025
போப் மறைவுக்கு சட்டப்பேரவையில் இரங்கல்!
போப் பிரான்சிஸ் மறைவுக்கு தமிழக சட்டப்பேரவையில் இரங்கல் தெரிவிக்கப்பட்டது. முற்போக்கு கொள்கையுடன் பெரும் மாற்றங்களை முன்னெடுத்த ஆளுமை அவர் என போப் பிரான்ஸூக்கு புகழாரம் சூட்டப்பட்டது. மனித நேயத்துடன் திருச்சபையை வழிநடத்தியவர் போப் என சபாநாயகர் அப்பாவு இரங்கல் தீர்மானம் வாசித்தார். இதைத் தொடர்ந்து எம்எல்ஏக்கள் எழுந்து நின்று 2 நிமிடம் மெளன அஞ்சலி செலுத்தினர்.
News April 22, 2025
நடிப்பில் இருந்து விலக இதுவே காரணம்.. போட்டுடைத்த ரம்பா
2000-களில் ‘சார்.. ரம்பா சார்’ என சொல்லாத இளைஞர்களே இருக்க முடியாது. ஆனால், 15 ஆண்டுகளாக அவர் படங்களில் நடிக்கவில்லை. இது குறித்து பேசிய ரம்பா, ஒரு குறிப்பிட்ட வயது வரை குழந்தைகளுடன் இருக்க வேண்டும் என நினைத்ததால், சினிமாவில் இருந்து தள்ளி இருந்ததாகவும், எப்போதும் தன் முதல் காதல் சினிமாதான் என்றும் தெரிவித்தார். மீண்டும் அவர் நடிப்பார் என்றே தெரிகிறது. உங்களுக்கு பிடிச்ச ரம்பா படம் எது?