News June 8, 2024
தீபாவளிக்கு ரிலீசாகும் விடாமுயற்சி?
மகிழ் திருமேனி இயக்கத்தில் அஜித், த்ரிஷா உள்ளிட்ட பலர் நடித்து வரும் விடாமுயற்சி படம், தீபாவளிக்கு ரிலீசாக உள்ளதாக தகவல் வெளியாகியுள்ளது. ஜூன் 20 முதல் எஞ்சியுள்ள காட்சிகளை ஒரே கட்டமாக எடுத்து முடிக்க படக்குழு திட்டமிட்டுள்ளது. இதற்கான பணிகள் நடந்து வரும் சூழலில், படப்பிடிப்பில் அஜித் கலந்து கொள்வது உறுதியானதால் திட்டமிட்டபடி படம் ரிலீஸ் செய்யப்படும் என படக்குழு நம்பிக்கை தெரிவித்துள்ளது.
Similar News
News September 24, 2025
மகளிர் உரிமைத் தொகை: உதயநிதி கொடுத்த குட் நியூஸ்
மகளிர் உரிமைத் தொகை திட்டத்தில் விடுபட்டவர்களிடம் உங்களுடன் ஸ்டாலின் முகாம் மூலம் விண்ணப்பங்கள் பெறப்பட்டு வருகின்றன. இந்நிலையில், ஓரிரு மாதங்களில் கூடுதல் மகளிருக்கு உரிமை தொகை வழங்கப்படும் என்ற மகிழ்ச்சியான செய்தியை உதயநிதி கூறியுள்ளார். புதிதாக விண்ணப்பித்தவர்களுக்கு தீபாவளி பரிசாக அக்டோபர் 15-ம் தேதி முதல்கட்ட பணம் அனுப்பப்படலாம் என்ற தகவல்களும் வெளியாகி உள்ளன.
News September 24, 2025
பாலிவுட்டில் களமிறங்கும் அர்ஜுன் தாஸ்
‘கைதி’, ‘மாஸ்டர்’ போன்ற படங்களில் வில்லனாக கலக்கியவர் அர்ஜுன் தாஸ். தற்போது கதாநாயகனாக நடித்து வரும் அவர், தெலுங்கில் பவன் கல்யாணின் ‘OG’ படத்தில் நடித்துள்ளார். இந்நிலையில் பாலிவுட் சினிமாவில் அர்ஜுன் தாஸ் களமிறங்க உள்ளார். ‘டான் 3’ படத்தில் ரன்வீர் சிங்குக்கு வில்லனாக அவர் நடிக்க போகிறாராம். விரைவில் இதன் படப்பிடிப்பு தொடங்க உள்ளதாம்.
News September 24, 2025
பாஜகவில் கோஷ்டி பூசல் இல்லை: வானதி சீனிவாசன்
திமுகவை வீழ்த்தும் ஒரே சக்தி தேசிய ஜனநாயக கூட்டணிக்கு தான் உண்டு என வானதி சீனிவாசன் தெரிவித்துள்ளார். பாஜகவில் எந்த கோஷ்டி பூசலும் இல்லை என கூறிய அவர், அண்ணாமலை கூட்டணியை பலப்படுத்தும் முயற்சிகளையே செய்து வருவதாகவும் விளக்கினார். கடந்த காலங்களில் GST வருவாய் அதிகரித்ததால்தான் ₹12 லட்சம் வரை வருமான வரி விலக்கு அளிக்க முடிந்ததாகவும் அவர் கூறினார்.