News October 13, 2025
பாக். – ஆப்கன் மோதல்: ஒன்று சேர்ந்த இஸ்லாமிய நாடுகள்
பாகிஸ்தான் – ஆப்கானிஸ்தான் இடையேயான உறவை மேம்படுத்த இஸ்லாமிய நாடுகள் முன் வந்துள்ளன. இந்த விவகாரத்தை பேசி தீர்க்க வேண்டும் என சவுதி, ஈரான், கத்தார் ஆகிய நாடுகள் தெரிவித்துள்ளன. அதேபோல், இருநாடுகளுக்கு இடையே மத்தியஸ்தம் செய்ய முன் வருவதாக ஈரான் தெரிவித்துள்ளது. ஆப்கானிஸ்தானில் தீவிரவாதிகள் முகாம்கள் இருந்ததாக கூறி பாகிஸ்தான் தாக்குதல் நடத்தியதால், இருநாடுகளுக்கு இடையே சண்டை மூண்டது.
Similar News
News October 13, 2025
₹1.35 லட்சம் வரை ஆஃபர் அறிவித்த டாடா
தீபாவளி பண்டிகையை முன்னிட்டு பெட்ரோல், டீசல், EV உள்ளிட்ட அனைத்து கார்களின் விலையையும் டாடா மோட்டார்ஸ் நிறுவனம் குறைத்துள்ளது. குறைந்தபட்சம் ₹25,000-ல் தொடங்கி அதிகபட்சமாக ₹1.35 லட்சம் வரை ஆஃபர் அறிவித்துள்ளது. குறிப்பிட்ட வேரியண்ட்களுக்கு ரொக்க தள்ளுபடி, பரிமாற்றம், லாயல்டி போனஸும் வழங்கப்படுகிறது. வரும் 21-ம் தேதி வரை மட்டுமே இந்த ஆஃபர் இருக்கும் என்றும் தெரிவிக்கப்பட்டுள்ளது.
News October 13, 2025
BREAKING: விஜயகாந்த் வீட்டில் பரபரப்பு
சென்னை சாலிகிராமத்தில் உள்ள பிரேமலதா விஜயகாந்தின் வீடு, தேமுதிக அலுவலகத்தில் வெடிகுண்டு இருப்பதாக இ-மெயில் வந்ததை அடுத்து நள்ளிரவில் பரபரப்பு ஏற்பட்டது. உடனடியாக மோப்ப நாயுடன், வெடிகுண்டு தடுப்பு நிபுணர்கள் விஜயகாந்த் வீட்டில் சோதனையில் ஈடுபட்டனர். பின்னர், அது புரளி என தெரியவந்துள்ளது. நேற்று முன்தினம், CM ஸ்டாலின், ரஜினிகாந்த் வீட்டிற்கு வெடிகுண்டு மிரட்டல் விடுக்கப்பட்டது குறிப்பிடத்தக்கது.
News October 13, 2025
ஆட்சிக்கு வந்த 1 மணிநேரத்தில் மதுவிலக்கு ரத்து: PK
பிஹாரில் ஆட்சிக்கு வந்த அடுத்த ஒரு மணிநேரத்தில், மதுவிலக்கு ரத்து செய்யப்படும் என ஜன் சுராஜ் தலைவர் பிரசாந்த் கிஷோர்(PK) வாக்குறுதி அளித்துள்ளார். மதுவிலக்கால் ஆண்டுக்கு ₹28,000 கோடி வருவாய் இழப்பு ஏற்படுகிறது எனவும் அவர் குறிப்பிட்டுள்ளார். இது, மதுப்பிரியர்களை குறிவைத்து வீசும் அம்பு என ஆதரவு, எதிர்ப்பு கருத்துக்கள் கிளம்பியுள்ளன. பிஹாரில் 2016 முதல் மதுவிலக்கு அமலில் உள்ளது குறிப்பிடத்தக்கது.