India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 13, 2025
நாளை காலை 9.30 மணிக்கு பட்ஜெட்
தமிழக அரசின் 2025-2026ம் நிதியாண்டுக்கான பட்ஜெட்டினை நிதியமைச்சர் தங்கம் தென்னரசு நாளை (14.03.2025) காலை 9.30 மணிக்கு சட்டப்பேரவையில் தாக்கல் செய்யவுள்ளார். இந்த பட்ஜெட் உரை தமிழ்நாடு முழுக்க 936 இடங்களில் நேரலை செய்ய ஏற்பாடுகள் செய்யப்பட்டுள்ளன. அடுத்தாண்டு, தேர்தலையொட்டி இடைக்கால பட்ஜெட் மட்டுமே தாக்கல் ஆகும் என்பதால் நடப்பு ஆட்சிக்கான கடைசி முழு பட்ஜெட் இதுவே ஆகும்.
News March 13, 2025
சிறுநீரகத்தை வலிமையாக்க வேண்டுமா?
நம் உடலில் உள்ள கழிவுகள், நச்சுகளை அகற்றுவதில் சிறுநீரகங்களின் பங்கு மிகவும் முக்கியமானது. சிறுநீரகங்களின் திறனை அதிகரித்து, அவற்றை வலிமையாக்க நாம் உண்ணும் உணவுகளில் கவனம் செலுத்த வேண்டும். அன்னாசிப்பழம், குடைமிளகாய், ஸ்ட்ராபெர்ரி, காளான், முட்டைக்கோஸ், ஆப்பிள், சிவப்பு திராட்சை, முட்டை ஆகிய உணவுகள் இதற்கு உதவும். இவற்றை அன்றாட உணவில் சேர்த்துக் கொள்வது உங்கள் சிறுநீரகங்களை பாதுகாக்க உதவும்.
News March 13, 2025
உதவியாளர் மகனை மாவட்ட செயலாளராக்கிய விஜய்
தவெக மாவட்ட செயலாளர்கள் பட்டியல் சற்றுமுன் வெளியாகியுள்ளது. இதில், TVK சென்னை தெற்கு (மேற்கு) மாவட்ட செயலாளராக சபரிநாதன் (27) என்பவர் நியமிக்கப்பட்டுள்ளார். இவர், TVK தலைவர் விஜய்யின் முன்னாள் கார் ஓட்டுநரும், தற்போதைய உதவியாளருமான ராஜேந்திரனின் மகன் ஆவார். பதவிக்காக இவர் கட்சியில் சேர்ந்ததாகக் கூறப்படும் நிலையில், கடும் போட்டிக்கு மத்தியில் சபரிநாதனை கட்சித் தலைமை மா.செ., ஆக்கியுள்ளது.
News March 13, 2025
சிறுநீரகங்களை கவனியுங்கள்
நம் உடலின் மிக ஆதாரமான இரண்டு செயல்பாடுகள் செரிமானமும் கழிவுநீக்கமும். இந்த இரண்டில் ஏற்படும் சிறு பாதிப்பும், போதுமான கவனிப்பு அளிக்கப்படாத நிலையில் நம் ஆரோக்கியத்துக்கு ஆபத்தாகி விடலாம். குறிப்பாக, உடலின் கழிவுநீக்க செயல்பாட்டில் முதன்மையாக விளங்கும் சிறுநீரகங்களை சரியாக பராமரிக்கவில்லை எனில், அதற்கு நாம் கொடுக்கும் விலை கடுமையானதாக இருக்கும். ஆகவே, அலட்சியத்தை கைவிட்டு ஆரோக்கியம் பேணுங்கள்.
News March 13, 2025
தவெக நிர்வாகிகள் அறிவிப்பு
தவெகவின் ஆறாம் கட்ட நிர்வாகிகள் பட்டியலை தலைவர் விஜய் X தளத்தில் வெளியிட்டுள்ளார். இதில், 19 கழக மாவட்டங்களுக்கான நிர்வாகிகள் அறிவிக்கப்பட்டுள்ளனர். புதிதாக நியமிக்கப்பட்டுள்ள நிர்வாகிகளுக்கு விஜய் வாழ்த்துகளை தெரிவித்துள்ளார். 25 மாவட்டங்களுக்கு நிர்வாகிகள் நியமிக்கப்பட இருந்த நிலையில், 6 மாவட்ட நிர்வாகிகளை நியமிப்பதில் சிக்கல் நீடிப்பதாகத் தகவல் வெளியாகியுள்ளது.
News March 13, 2025
பிரபல நடிகை காயம்… நெற்றியில் 13 தையல்கள்!
பிரபல பாலிவுட் நடிகை பாக்யஸ்ரீ, விளையாட்டுப் பயிற்சியில் ஈடுபட்டிருந்தபோது காயமடைந்தார். நெற்றியில் ஆழமான காயம் ஏற்பட்ட நிலையில், அவருக்கு 13 தையல்கள் போடப்பட்டுள்ளதாக தகவல் வெளியாகியுள்ளது. ஹிந்தியில் ‘மைனே பியார் கியா’ படத்தில் அறிமுகமாகி பான் இந்தியாவுக்கும் பிரபலமான இவர், தமிழில் ‘தலைவி’ படத்தில் கூட அண்மையில் நடித்திருந்தார். இவர் விரைவில் குணமடைய ரசிகர்கள் வாழ்த்து தெரிவித்து வருகின்றனர்.
News March 13, 2025
முதல்முறையாக பொருளாதார ஆய்வறிக்கை – ஏன் தெரியுமா?
தமிழக பொருளாதார ஆய்வறிக்கை வெளியாகி இருப்பது இதுவே முதல்முறை. தமிழக அரசின் கடன் அதிகரித்திருப்பதாக அண்மையில் செய்திகள் வெளியாகின. தமிழக அரசு வாங்கும் கடன் மாநில வளர்ச்சிக்காக எப்படி செலவிடப்படுகிறது என்பதை மக்கள் அறியவே பொருளாதார ஆய்வறிக்கை வெளியாகி இருப்பதாக கூறப்படுகிறது. வழக்கமாக, மத்திய பட்ஜெட் தாக்கலுக்கு முந்தைய நாள் நாட்டின் பொருளாதார ஆய்வறிக்கையை மத்திய அரசு வெளியிடும்.
News March 13, 2025
அடுத்த 18 நாட்களில் 7 நாட்கள் விடுமுறை
IT மற்றும் ITES ஊழியர்களுக்கு இந்த மாதத்தில் மீதமுள்ள 18 நாட்களில் 7 நாட்கள் விடுமுறை வருகிறது. 15-16 ஆம் தேதிகள் வார இறுதி நாட்களும் என்பதால், தொடர்ச்சியாக 2 நாட்கள் விடுமுறை. அதேபோல், மார்ச் 22, 23 மற்றும் 29 ஆம் தேதி வார இறுதி, 30 ஆம் தேதி ஞாயிற்றுக்கிழமை + உகாதி மற்றும் 31 ஆம் தேதி ரம்ஜான் என மொத்தம் 7 நாட்கள் லீவ் வருகிறது. எனவே, இப்போதே ஜாலியான பயணம் மேற்கொள்ள திட்டமிடுங்கள்.
News March 13, 2025
ஊட்டி, கொடைக்கானல் செல்ல கட்டுப்பாடு…!
கோடைகாலத்தில் ஊட்டி, கொடைக்கானலில் கூட்ட நெரிசலைக் குறைக்க சென்னை ஐகோர்ட் புதிய உத்தரவை வெளியிட்டுள்ளது. கொடைக்கானலில் வார நாட்களில் நாளொன்றுக்கு 4,000 வாகனங்களும், வார இறுதி நாட்களில் நாளொன்றுக்கு 6,000 வாகனங்களும் மட்டுமே செல்ல அனுமதி அளிக்கப்படும். அதேபோல், ஊட்டிக்கு வார நாட்களில் 6,000 வாகனங்களும் வார இறுதியில் 8,000 வாகனங்களுக்கும் அனுமதி வழங்கப்படும். இது ஜூன் வரை அமலில் இருக்கும்.
News March 13, 2025
தமிழ்நாடுதான் நம்பர் 1. எதில் தெரியுமா?
தமிழக பட்ஜெட் நாளை தாக்கலாகவிருக்கும் நிலையில், இன்று பொருளாதார ஆய்வறிக்கை தாக்கல் செய்யப்பட்டது. அதில், கார், தோல், காலணி மற்றும் ஜவுளித்துறையில் நாட்டிலேயே தமிழ்நாடுதான் முதலிடத்தில் இருப்பதாக குறிப்பிடப்பட்டுள்ளது. மேலும், அனைவருக்குமான பொது விநியோகத்திட்டம் நமது மாநிலத்தில் மட்டும்தான் செயல்படுத்தப்படுவதாகவும் குறிப்பிடப்பட்டுள்ளது.
Featured News
Sorry, no posts matched your criteria.