India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 18, 2025
விண்வெளியில் 9 மாதங்கள் சிக்கியது எப்படி?
சர்வதேச விண்வெளி மையத்தில் ஆராய்ச்சி மேற்கொள்வதற்காக, கடந்த 2024 ஜூனில் <<15799391>>சுனிதா வில்லியம்ஸ்<<>>, புட்ச் வில்மோர் சென்றனர். ஆராய்ச்சியை முடித்துவிட்டு 8 நாள்களில் பூமிக்கு திரும்ப வேண்டியவர்கள், விண்கலத்தில் ஏற்பட்ட தொழில்நுட்ப கோளாறு காரணமாக விண்வெளி நிலையத்திலேயே தங்க நேர்ந்தது. அவர்களை மீட்க அடுத்தடுத்து நடந்த தொடர் முயற்சிகளும் சிக்கலில் முடிந்ததால், 9 மாதங்கள் அங்கேயே தங்க வேண்டிய நிலை ஏற்பட்டது.
News March 18, 2025
ஸ்டார்லிங்கிற்கு வரி.. கட்டணம் உயருமா?
எலான் மஸ்கின் ஸ்டார்லிங் நிறுவனத்திற்கு, மொத்த வருவாயில் 3% ஸ்பெக்ட்ரம் வரி விதிக்கப்பட உள்ளதாக தகவல் வெளியாகியுள்ளது. இதுபோக, லைசென்ஸ் கட்டணம் 8% விதிக்கப்படும் என்பதால், அந்நிறுவனத்தின் சேவைக் கட்டணம் உயரும் என எதிர்பார்க்கப்படுகிறது. நிலத்தில் இருந்து சேவை வழங்கும் ஜியோ, ஏர்டெல், வோடஃபோன் நிறுவனங்களுக்கு சில ஆண்டுகளுக்கு முன் ஸ்பெக்ட்ரம் வரி விதிப்பில் இருந்து விலக்கு அளிக்கப்பட்டது.
News March 18, 2025
நகைக் கடன் பெற RBI-யின் புதிய விதிமுறைகள் என்ன?
ஏழை எளிய மக்கள், விவசாயிகள் தங்கள் அவசரத் தேவைக்கு நகைக் கடனையே பெரிதும் நம்பியுள்ளனர். இந்நிலையில், நகைக்கடன் வைக்க <<15798931>>RBI<<>> விதித்துள்ள புதிய விதிமுறை, பலரையும் கவலையில் ஆழ்த்தியுள்ளது. வங்கியில் அடகு வைத்த நகைகளை வட்டியுடன் முழுப்பணமும் செலுத்தி திருப்பி, மறுநாள் தான் மீண்டும் அடகு வைக்க முடியும். இதற்கு முன்பு, அடகு வைத்த நகைகளை ஆண்டு வட்டி மட்டும் கட்டி, அதே தினத்தில் அடகை நீட்டித்துக்கொள்ளலாம்.
News March 18, 2025
BREAKING: திமுக வெளிநடப்பு
மக்களவையில் இருந்து திமுக உறுப்பினர்கள் வெளிநடப்பு செய்தனர். தொகுதி மறுவரையறை குறித்து அவையை ஒத்திவைத்து விவாதிக்க வேண்டும் என்று திமுக எம்பிக்கள் கோரிக்கை விடுத்தனர். ஆனால், இந்த கோரிக்கை ஏற்கப்படவில்லை. இதற்கு கடும் எதிர்ப்பு தெரிவித்தும், அவையில் விவாதிக்க அனுமதிக்காமல் மத்திய அரசு தொடர்ந்து புறக்கணிப்பதாகவும் குற்றம் சாட்டி, மக்களவையில் இருந்து வெளிநடப்பு செய்துள்ளனர்.
News March 18, 2025
அரசியல் நாகரிகம் எதுவரை?
தவெக தலைவர் விஜய், நடிகைகளின் இடுப்பைக் கிள்ளி அரசியல் செய்கிறார் என்று அண்ணாமலை விமர்சனம் செய்தார். இதற்கு பதிலளிக்கும் தவெகவினர், கலா மாஸ்டருடன் அண்ணாமலை நடனம் ஆடிய வீடியோவை வெளியிட்டு கேலி செய்கின்றனர். மேலும் சிலர், உங்கள் கட்சியிலும் குஷ்பு மாதிரியான நடிகைகள் இருக்கிறார்கள்தானே! நீங்கள் இப்படி பேசலாமா என்று கேள்வி எழுப்புகின்றனர். அரசியலில் இது நாகரிகமில்லை என்றும் அவர்கள் கூறுகின்றனர்.
News March 18, 2025
நாக்பூரில் வெடித்த கலவரம்: காரணம் என்ன?
நாக்பூரில் கலவரம் மூண்டதற்கு ‘சாவா’ திரைப்படமே காரணமாகி இருக்கிறது. சட்டப்பேரவையில் படத்தை குறிப்பிட்டு, அவுரங்கசீப்பை புகழ்ந்து சமாஜ்வாதி எம்எல்ஏ அபு ஹாஸ்மி கோஷமிட்டதால், விவகாரம் விஸ்வரூபம் எடுத்தது. சத்ரபதி சம்பாஜி நகரில் உள்ள அவுரங்கசீப் சமாதியை அகற்றக் கோரி இந்து அமைப்புகள் போராட்டம் நடத்தின. அப்போது புனித நூலை அவர்கள் எரித்ததாக வதந்தி பரவியதால், வன்முறை மூண்டு கலவரமாக வெடித்தது.
News March 18, 2025
OTTயில் வெளியாகிறது டிராகன்
சமீபத்தில் வெளியாகி சூப்பர் ஹிட்டான ‘டிராகன்’ திரைப்படம், வரும் 21ஆம் தேதி நெட்ஃபிளிக்ஸ் OTT தளத்தில் வெளியாகும் என்று படக்குழு அறிவித்துள்ளது. இத்திரைப்படத்தில், ப்ரதீப் ரங்கநாதன், கயாடு லோஹர், அனுபமா பரமேஸ்வரன் ஆகியோர் நடித்துள்ளனர். இப்படம், நெட்ஃபிளிக்ஸில் தமிழ், தெலுங்கு, கன்னடம், இந்தி, மலையாளம் என ஐந்து மொழிகளில் வெளியாகவுள்ளது.
News March 18, 2025
கொளுத்தும் வெயில்; சூடுபிடிக்கும் ஏசி விற்பனை…
நாட்டின் பல்வேறு மாநிலங்களில் கோடை வெயில் சுட்டெரிக்கத் தொடங்கியிருப்பதால், பகல் நேரங்களில் மக்கள் வீடுகளை விட்டு வெளியே வரவேண்டாம் என அறிவுறுத்தப்பட்டுள்ளனர். அதேநேரம், வெப்பத்தை தணிப்பதற்கான வியாபாரமும் சூடுபிடிக்கத் தொடங்கி இருக்கிறது. குளிர்பானங்கள் முதல் ஏ.சி, ஏர்கூலர், டியோடரன்டுகள் வரை விற்பனை மெல்ல அதிகரித்து வருகிறது. இதனால் வியாபாரிகள் முகத்தில் தென்றல் வீசத் தொடங்கியுள்ளது.
News March 18, 2025
திமுக வெற்றி செல்லும்: ஐகோர்ட் தீர்ப்பு
விக்கிரவாண்டி இடைத்தேர்தலில் திமுகவின் அன்னியூர் சிவா வெற்றி பெற்றது செல்லும் என ஐகோர்ட் தீர்ப்பளித்துள்ளது. இடைத்தேர்தலில் திமுக சார்பில் போட்டியிட்ட சிவா 67,757 வாக்குகள் வித்தியாசத்தில் வெற்றி பெற்றார். ஆனால், அவரின் வெற்றி செல்லாது என அறிவிக்கக்கோரி, ராஜமாணிக்கம் என்பவர் ஐகோர்ட்டில் வழக்குத் தொடுத்தார். இதை விசாரித்த நீதிபதி இளந்திரையன், திமுகவின் வெற்றி செல்லும் என உத்தரவிட்டுள்ளார்.
News March 18, 2025
டிராகன் -யானை டான்ஸ் தான் தீர்வு: சீனா
பங்காளிகளாக பரஸ்பர ஒத்துழைப்பை வழங்கி, டிராகன் – யானை நடனத்தை அடைவது மட்டும் தான் சீனா- இந்தியாவிற்கு சரியான தேர்வாக இருக்கும் என சீன வெளியுறவு அமைச்சகம் தெரிவித்துள்ளது. இந்தியாவுடன் இணைந்து பணியாற்ற சீனா தயாராக இருப்பதாகவும் கூறியுள்ளது. முன்னதாக, அண்டை நாடுகளுக்கு இடையே கருத்து வேறுபாடு இருப்பது இயற்கையானதுதான், அதற்குப் பேச்சுவார்த்தை மூலம் தீர்வு காண வேண்டும் என பிரதமர் மோடி பேசியிருந்தார்.
Featured News
Sorry, no posts matched your criteria.