India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 9, 2024
திருமணத் தடையை நீக்கும் திருமணஞ்சேரி ஆலயம்
திருமணத் தடை நீங்க திருமணஞ்சேரி கோயிலுக்கு சென்று வழிபடலாம். ஜாதகத்தில் ராகு தோஷம் இருப்பவர்கள், இங்குள்ள ராகு பகவானுக்கு அபிஷேகம் செய்ய ராகு தோஷம் நீங்கும். மேலும் புத்திர பாக்கியம் இல்லாதவர்கள், இந்த தலத்தில் நீராடி ராகு பகவானை மனதார வழிபட விரைவில் புத்திர பாக்கியம் கிடைக்கும். இக்கோயில் மயிலாடுதுறை மாவட்டத்தில் அமைந்துள்ளது. திருமண தோஷம் உடையவர்கள் தாராளமாக இங்கு சென்று வழிபடலாம்.
News April 9, 2024
குதிரையேற்ற பயிற்சியில் நடிகர் சூர்யா
கார்த்திக் சுப்புராஜ் இயக்கத்தில் சூர்யா நடிக்கும் புதிய படத்தின் படப்பிடிப்பு, இம்மாதம் தொடங்கவுள்ளது. சுமார் இரண்டரை வருட பேச்சுவார்த்தைக்கு பிறகு முடிவான இப்படம், முற்றிலும் மாறுபட்ட கதை களத்தில் உருவாக உள்ளது. இப்படத்திற்காக, நடிகர் சூர்யா குதிரையேற்ற பயிற்சிகளை மேற்கொண்டு வருவதாக தகவல் கசிந்துள்ளது. இதுதொடர்பான புகைப்படம் இணையத்தில் வைரலாகி, ரசிகர்களிடையே எதிர்பார்ப்பையும் அதிகரித்துள்ளது.
News April 9, 2024
ஜெயித்தாலும் சோகத்தில் சிஎஸ்கே ரசிகர்கள்
கொல்கத்தா அணிக்கு எதிராக வெற்றி பெற்றும் புள்ளிப்பட்டியலில் சிஎஸ்கே தொடர்ந்து 4ஆவது இடத்தில் உள்ளது ரசிகர்களை வருத்தமடைய செய்துள்ளது. 5 போட்டிகளில் ஆடியுள்ள சென்னை அணி, 2 தோல்வி 3 வெற்றியுடன் 6 புள்ளிகளை பெற்றுள்ளது. லக்னோ அணி, 4 போட்டிகளில் விளையாடி 3 வெற்றி, 1 தோல்வியுடன் 3 ஆவது இடத்தில் தொடரந்து நீடிக்கிறது. ஆனாலும் ரன் ரேட் அடிப்படையில் லக்னோ அணி சென்னையை பின்னுக்கு தள்ளியுள்ளது.
News April 9, 2024
Apply Now: விண்ணப்பிக்க இன்றே கடைசி நாள்
ரயில் பெட்டித் தொழிற்சாலையில் நிரப்பப்படவுள்ள 550 Technical Apprentices பணியிடங்களுக்கு விண்ணப்பிப்பதற்கான காலக்கெடு இன்றுடன் முடிவடைகிறது. Fitter, Welder, Machinist, Painter, Carpenter உள்ளிட்ட பிரிவுகளில் Apprentices ஆக பணியில் சேர ஆர்வம் உள்ளவர்கள் இன்றே விண்ணப்பிக்கலாம். கல்வி தகுதி: ITI. வயது வரம்பு: 15- 24. தேர்வு: Merit List முறை. கூடுதல் தகவல்களுக்கு <
News April 9, 2024
குஷி படத்துக்கு முதலில் வைத்த பெயர் என்ன தெரியுமா?
விஜய், ஜோதிகா நடித்த குஷி படம் மெகா ஹிட்டானது அனைவரும் அறிந்ததே. ஆனால், அந்த படத்திற்கு முதலில் ‘முத்தம்’ என பெயர் வைத்தனர். ஆனால், தியேட்டருக்கு வரும் பெண்கள் டிக்கெட் எடுக்க சிரமப்படுவார்கள் என்று பலரும் ஆலோசனை கூறியதால், படக்குழு குஷி என்று பெயரை மாற்றியது. படத்தின் நிறைவு காட்சியில் விஜய்-ஜோதிகா இருவரும் முத்தம் கொடுக்கும் சீன் இருந்ததால் படக்குழு முத்தம் என்று முதலில் பெயரிட்டுள்ளது.
News April 9, 2024
IPL: புள்ளிப் பட்டியலில் முன்னேறப் போவது யார்?
ஹைதராபாத் – பஞ்சாப் அணிகளுக்கு இடையேயான 23ஆவது ஐபிஎல் போட்டி, இன்றிரவு 7.30 மணிக்கு மொஹாலியில் நடைபெற உள்ளது. இரு அணிகளும் தலா 2 போட்டிகளில் வெற்றி பெற்று, புள்ளிப் பட்டியலில் அடுத்தடுத்து (SRH-5, PBKS-6) உள்ளது. இதனால், எந்த அணி முன்னேறப் போகிறது என ரசிகர்கள் ஆவலுடன் உள்ளனர். பல்வேறு சாதனைகளை புரிந்து வரும் ஹைதராபாத் அணி, இன்றைய போட்டியிலும் சாதனைகளை படைக்குமா? என பொறுத்திருந்து பார்ப்போம்.
News April 9, 2024
திமுகவிற்கு வணிகர் சங்கங்கள் ஆதரவு
வணிகர் சங்கங்கள் பேரமைப்பின் தலைவர் விக்கிரமராஜா மக்களவைத் தேர்தலில் திமுக கூட்டணிக்கு ஆதரவு தெரிவித்துள்ளார். ஏப்ரல் 19இல் தேர்தல் நடைபெற உள்ள நிலையில், திமுக மற்றும் அதிமுகவிற்கு பல அமைப்புகள் ஆதரவு தெரிவித்து வருகின்றன. அந்தவகையில், முதல்வர் ஸ்டாலினை நேரில் சந்தித்த விக்கிரமராஜா, தங்கள் கோரிக்கைகளை தேர்தல் அறிக்கையில் சேர்த்ததற்கு நன்றி கூறி, I.N.D.I.A கூட்டணிக்கு ஆதரவும் தெரிவித்தார்.
News April 9, 2024
மோடி வந்தால் திமுக ஏன் பயப்படுகிறது?
தேர்தல் வெற்றிக்காக திமுகவினர் பணம் பட்டுவாடா செய்ய ஆரம்பித்து விட்டதாக அண்ணாமலை குற்றம் சாட்டியுள்ளார். மோடி தமிழகத்துக்கு வந்தால் திமுக ஏன் பயப்படுகிறது என்று தெரிவில்லை. பிரதமர் ஏன் வருகிறார் என்று கேட்க யாருக்கும் உரிமையில்லை என்று கூறிய அவர், முதல்வர் பிரதமரை போல் கிராமங்களில் சுற்றுப்பயணம் சென்றுள்ளாரா? என்று கேள்வி எழுப்பியுள்ளார். 2 நாள் பயணமாக மோடி இன்று தமிழகம் வருகிறார்.
News April 9, 2024
இன்றைய தலைப்புச் செய்திகள்
➤ பிரதமர் மோடி இன்று தமிழகம் வருகை
➤ கெஜ்ரிவால் ஜாமின் மனு மீது இன்று தீர்ப்பு
➤ ஜூன் 4 வரை பணம் எடுத்துச்செல்ல கட்டுப்பாடு – தேர்தல் ஆணையம்
➤ ஆட்சிக்கு வந்த உடன் 30 லட்சம் பேருக்கு வேலை கொடுப்போம் – ராகுல் காந்தி
➤ அரசியல் கட்சியில் சேரும் எண்ணம் இல்லை -சஞ்சய் தத்
➤ கொல்கத்தா அணிக்கு எதிரான ஆட்டத்தில் சிஎஸ்கே வெற்றி
News April 9, 2024
அமேதி, ரேபரேலி தொகுதியில் ராகுல், பிரியங்கா போட்டி?
அமேதி, ரேபரேலி தொகுதியில் ராகுல், பிரியங்கா போட்டியிடுவார்களா? என்ற எதிர்பார்ப்பு எழுந்துள்ளது. அமேதியில் 2004, 2009, 2014இல் வெற்றிபெற்ற ராகுல் 2019இல் தோல்வி அடைந்தார். ரேபரேலியில் தொடர்ந்து 4 முறை வென்ற சோனியா, ராஜ்ய சபா எம்பியாகிவிட்டார். ராகுல் இந்த முறை வயநாட்டில் போட்டியிட்டாலும் கூடுதலாக அமேதியிலும், பிரியங்கா ரேபரேலியிலும் போட்டியிட வேண்டும் எனக் கட்சியினர் கோரிக்கை விடுத்துள்ளனர்.
Featured News
Sorry, no posts matched your criteria.