India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 18, 2025
ரஷ்யாவை மிரள வைக்கும் ரகசியம் என்ன? (2/2)
ட்ரோன்களை தரையில் பயன்படுத்தும் உத்திதான் உக்ரைனுக்கு கச்சிதமாக கைகொடுத்திருக்கிறது. அதில் மிக முக்கியமானது டிரக்குகள் போல இருக்கும் ட்ரோன்கள். இவை ரஷ்ய எல்லைக்குள் புகுந்து குண்டுகள் வைப்பது, கண்ணிவெடிகளை புதைப்பது என மிரள வைக்கிறது. வீரர்களுக்கு தேவையான உணவு, ஆயுதங்களையும் கொண்டு செல்கிறது. தொழில்நுட்பங்கள் வளர, வளர, போர் தந்திரங்களும் மாறுகின்றன!
News March 18, 2025
ஒரு நாளில் 24 மணி நேரம்… எப்படி வந்தது தெரியுமா?
ஒரு நாளில் 24 மணி நேரம் என்பதை நாம் அறிவோம். அது எப்படி நிர்ணயிக்கப்பட்டது என தற்போது பார்க்கலாம். பூமி தன்னைத் தானே சுற்றியபடி, சூரியனை சுற்றி வருகிறது. இதில் பூமி தன்னைத் தானே ஒருமுறை சுற்ற சரியாக 24 மணி நேரம் எடுத்துக் கொள்கிறது. அப்போது பகல், இரவு ஆகியவை மாறி மாறி வரும். இந்த 24 மணி நேரம்தான், ஒருநாள் என கணக்கிடப்பட்டு வருகிறது. இதில் ஒவ்வொரு மணி நேரமும் 60 நிமிடங்கள் ஆகும்.
News March 18, 2025
புதுச்சேரியில் போராட முடியுமா? செல்வப்பெருந்தகை
புதுச்சேரியில் மதுக்கடைகளை மூட அண்ணாமலை போராட்டம் நடத்துவாரா என செல்வப்பெருந்தகை கேள்வி எழுப்பியுள்ளார். 2026 தேர்தலுக்கு முன்பாக செந்தில் பாலாஜியை முடக்க வேண்டும் என்ற நோக்கில் EDஐ பயன்படுத்துவதாகவும் அவர் குற்றஞ்சாட்டியுள்ளார். மேலும், போராட்டங்களை தேடி அலைந்து, அதை நடத்தி, விளம்பர வெளிச்சத்தை வேண்டுமானாலும் அண்ணாமலை பெறலாமே தவிர தமிழக மக்களின் ஆதரவை பெற முடியாது எனவும் சாடியுள்ளார்.
News March 18, 2025
பிரபல காமெடி நடிகருக்கு 20 ஆண்டுகள் சிறை
யூடியூப்பில் காமெடி வீடியோ பதிவிட்டு புகழ்பெற்றவர் நகைச்சுவை குள்ள நடிகர் தர்ஷன். ஹரியானாவைச் சேர்ந்த இவர் மீது பட வாய்ப்பு கேட்ட சிறுமியை பாலியல் வன்கொடுமை செய்ததாக போக்சோ வழக்கு தொடரப்பட்டது. இந்த வழக்கில் அவர் குற்றவாளி என கோர்ட் அறிவித்து அபராதத்துடன் 20 ஆண்டுகள் கடுங்காவல் தண்டனை விதித்துள்ளது. மேலும், சிறுமிக்கு ரூ.2 லட்சம் இழப்பீடு வழங்கவும் கோர்ட் உத்தரவிட்டுள்ளது.
News March 18, 2025
மீண்டும் சென்னையில் கால் பதிக்கும் FORD
சென்னையில் FORD நிறுவனம் கார் இன்ஜின் உற்பத்தி, ஏற்றுமதியை தொடங்க உள்ளதாக தகவல் வெளியாகியுள்ளது. இதுதொடர்பாக தமிழக அரசு அதிகாரிகளுடன் சமீபத்தில் அந்நிறுவனம் பேச்சுவார்த்தை நடத்தியுள்ளது. கடந்த 2021-ம் ஆண்டு இந்தியாவில் உற்பத்தியை நிறுத்திய நிலையில், 2024ல் அமெரிக்காவிற்கு பயணம் மேற்கொண்ட முதல்வர் ஸ்டாலின், FORD நிறுவன அதிகாரிகளை சந்தித்து பேச்சுவார்த்தை நடத்தியது குறிப்பிடத்தக்கது.
News March 18, 2025
திட்டமிட்டே கலவரத்தில் ஈடுபட்டனர்: பாஜக
நாக்பூர் கலவரம் முன்கூட்டியே திட்டமிட்டு நடத்தப்பட்டதாக பாஜக குற்றஞ்சாட்டியுள்ளது. இந்துக்களின் வீடுகள், கடைகளை குறிவைத்து தாக்குதல் நடத்தப்பட்டதாகவும் தெரிவித்துள்ளது. ஆனால், வேலைவாய்ப்பின்மை போன்ற உண்மையான பிரச்னைகளில் இருந்து மக்களை திசைதிருப்பவே, ‘சாவா’ படத்தை புகழ்ந்தும், அவுரங்கசீப்புக்கு எதிராக கருத்துகளை தெரிவித்தும், கலவரத்திற்கு மூல காரணமாக பாஜக செயல்பட்டதாக காங். சாடியுள்ளது.
News March 18, 2025
பிரபல பாடலாசிரியர் கோபாலகிருஷ்ணன் மறைவு
பிரபல மலையாள பாடலாசிரியரும், திரைக்கதை ஆசிரியருமான மான்கொம்பு கோபாலகிருஷ்ணன் (78) காலமானார். மாரடைப்பு ஏற்பட்டு கொச்சி ஹாஸ்பிடலில் அனுமதிக்கப்பட்ட நிலையில், அவர் உயிரிழந்தார். மலையாளத்தில் 200 படங்களில் 700க்கும் மேற்பட்ட பாடல்களையும், பல படங்களுக்கு திரைக்கதை, வசனங்களையும் அவர் எழுதியுள்ளார். பாகுபலி, ஆர்ஆர்ஆர், அனிமல் உள்ளிட்ட படங்களுக்கு மலையாளத்தில் அவர் பாடல்கள், வசனங்களை எழுதியுள்ளார்.
News March 18, 2025
ஒரு கட்டிங்குக்கு ₹1 லட்சமாம்… ரொம்ப காஸ்ட்லியாக இருக்கே!
மும்பையைச் சேர்ந்த பிரபல சிகை அலங்கார நிபுணர் ஆலிம் ஹக்கீம் காட்டில் மழைதான். சினிமா பிரபலங்கள், விளையாட்டு வீரர்கள் என பலருக்கும் இவர்தான் ஹேர் ஸ்டைலிஸ்ட். ஒருவருக்கு ஹேர்கட் செய்ய, ஆலிம் ரூ.1 லட்சம் பில் போடுகிறாராம். ஆலிமின் தந்தையும் சிகை அலங்கார நிபுணராக இருந்தவர்தான். அமிதாப், தீலிப் குமார் போன்ற ஹீரோக்களுக்கு அவர் ஹேர் ஸ்டைலிஸ்டாக இருந்துள்ளார்.
News March 18, 2025
IPL-2025: குறைந்த சம்பளம் வாங்கும் கேப்டன் இவர்தான்!
IPL-2025 இன்னும் சில நாட்களில் தொடங்கவுள்ள நிலையில், கேப்டன்களின் சம்பளம் குறித்து விவாதம் நடந்து வருகிறது. அதிகபட்ச சம்பளமாக LSG கேப்டன் பண்ட் ₹27Cr, மிகக் குறைந்த சம்பளமாக KKR கேப்டன் ரஹானே ₹1.5Crம் பெறுகின்றனர். பண்டுக்குப் பிறகு ஐயர் (PBKS)₹26.75Cr, கெய்க்வாட் (CSK) ₹18Cr, சஞ்சு (RR) ₹18Cr, கம்மின்ஸ் (SRH) ₹18Cr, அக்சர் (DC) ₹16.50Cr, கில் (GT) ₹16.50Cr, பாண்ட்யா (16.35 Cr), ரஜத் (RCB) ₹11Cr.
News March 18, 2025
Carnivore டயட் இருக்கீங்களா? அப்ப இத படிங்க!
அமெரிக்காவில் காய்கறிகளை தவிர்த்த இளம் பெண்ணுக்கு கிட்னியில் கற்கள் வளர்ந்ததாக ஹாஸ்பிடலில் அனுமதிக்கப்பட்டார். டிக்டாக் பிரபலமான கேத்ரின் carnivore diet என்ற முட்டை, தயிர், சிக்கன், பன்றி இறைச்சி மட்டுமே சாப்பிட்டு வந்துள்ளார். காய்கறி, பழங்கள், தானியங்களை தவிர்த்ததால் பைபர் சத்து குறைந்து கிட்னியில் கற்கள் வளர்ந்ததாக அவருக்கு சிகிச்சை அளித்த டாக்டர்கள் தெரிவித்துள்ளனர். மக்களே உஷாரா இருங்க!
Featured News
Sorry, no posts matched your criteria.