India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 17, 2024
மோடியை வீட்டுக்கு அனுப்பும் வரை தூக்கமில்லை: உதயநிதி
பிரதமர் மோடியை வீட்டுக்கு அனுப்பும் வரையில் தூக்கமில்லை; இந்தத் தேர்தல் சுயமரியாதைக்காரர்களுக்கும், இரக்கமற்ற சர்வாதிகாரிகளுக்கு இடையே நடக்கும் போர் என்று உதயநிதி தெரிவித்துள்ளார். ஒருவேளை திருவள்ளுவர் இருந்து மோடி சொல்லும் திருக்குறளை எல்லாம் கேட்டிருந்தால் என்ன ஆவது? எனக் கிண்டல் செய்த அவர், ரோடு ஷோ செல்லும் மோடியை மக்கள் ரோட்டுக்குத்தான் அனுப்பப் போகிறார்கள் என்று கடுமையாகச் சாடினார்.
News April 17, 2024
IPL: அதிகபட்ச ரன் சேஸ்
▶ராஜஸ்தான் ராயல்ஸ் – 224 vs கொல்கத்தா (2024)
▶ராஜஸ்தான் ராயல்ஸ் – 224 vs பஞ்சாப் (2020)
▶மும்பை இந்தியன்ஸ் – 219 vs சென்னை (2019)
▶ராஜஸ்தான் ராயல்ஸ் – 217 vs ஹைதராபாத் (2010)
▶சன்ரைசர்ஸ் ஹைதராபாத் – 217 vs ராஜஸ்தான் (2023)
▶மும்பை இந்தியன்ஸ் – 216 vs பஞ்சாப் (2023)
▶டெல்லி டேர்டெவில்ஸ் – 214 vs குஜராத் (2017)
News April 17, 2024
நிதிஷ் புறக்கணிக்கப்படுவது ஏன்? தேஜஸ்வி கேள்வி
மோடி பங்கேற்ற கூட்டத்துக்கு நிதிஷ்குமாரை ஏன் அழைக்கவில்லை என பீகார் முன்னாள் துணை முதல்வர் தேஜஸ்வி கேள்வி எழுப்பியுள்ளார். பீகாரில் பிரதமர் பங்கேற்கும் எந்த கூட்டத்துக்கும் நிதிஷை, பாஜக அழைப்பதில்லை. முதல்வர் மீது எனக்கு இன்னமும் மரியாதை உள்ளது. நிதிஷ் ஏன் புறக்கணிக்கப்படுகிறார் என்பதை பாஜக விளக்க வேண்டும் என்ற அவர், ஆர்ஜேடி-காங்கிரஸ் அணி முழுமையான வெற்றி பெறும் என்றும் நம்பிக்கை தெரிவித்தார்.
News April 17, 2024
இறுதிக் கட்டத்தில் ‘ட்ரெயின்’ படப்பிடிப்பு
விஜய் சேதுபதி நடிக்கும் ‘ட்ரெயின்’ படத்தின் படப்பிடிப்பு, தற்போது முழுவீச்சில் நடைபெற்று வருவதாக தகவல் கசிந்துள்ளது. மிஸ்கின் இயக்கும் இந்தப் படத்தில், விஜய் சேதுபதிக்கு ஜோடியாக நடிகை டிம்பிள் ஹயாதி நடித்துள்ளார். ரயில் பயணம் + திகில் கதைக்களத்தில் உருவாகும் இதில், விஜய் சேதுபதி வித்தியாசமான தோற்றத்தில் நடித்து வருகிறார். இப்படத்திற்கு இசையமைக்கும் மிஸ்கின், ஒருப் பாடலையும் பாடியுள்ளார்.
News April 17, 2024
நயினார் நாகேந்திரனைத் தகுதி நீக்கம் செய்யக் கோரி வழக்கு
நயினார் நாகேந்திரனைத் தகுதி நீக்கம் செய்யக் கோரிச் சென்னை உயர்நீதிமன்றத்தில் மனு தாக்கல் செய்யப்பட்டுள்ளது. தாம்பரம் ரயில் நிலையத்தில் ரூ.4 கோடி பணம் பிடிபட்டதில் நயினார் நாகேந்திரனுக்குத் தொடர்பு இருப்பதால் அவரைத் தகுதிநீக்கம் செய்து, ED விசாரணைக்கு உத்தரவிடக் கோரி நெல்லை தொகுதி சுயேச்சை வேட்பாளர் ராகவன் அந்த மனுவில் தெரிவித்துள்ளார். இந்த மனுவை உயர்நீதிமன்றம் நாளை விசாரிக்க உள்ளது.
News April 17, 2024
மக்களவைத் தேர்தலும் அதிமுக பெற்ற வாக்குகளும்!
1977ஆம் ஆண்டு தனது முதல் மக்களவைத் தேர்தலில் போட்டியிட்ட அதிமுக 30.04% (17) வாக்குகள் பெற்றது. மக்களவைத் தேர்தல் வாரியாக *1980 – 25.38% (2)*1984 (12), – 18.36% *1989 – 17.12% (11)*1991-18.1% (11)* 1996 – 7.84% (0)*1998 – 25.89% (18)*1999 -25.68% (10)* 2004 -29.77% (0)* 2009 – 22.88% (9)* 2014 -44.92% (37)* 2019 -19.39% (1) வாக்குகள் பெற்றுள்ளது. 2014இல் அதிகப்பட்சமாக 37 தொகுதிகளைப் கைப்பற்றியது.
News April 17, 2024
பரப்புரை நடுவே பிறந்த நாள் கொண்டாடிய திமுக வேட்பாளர்
திமுக வேட்பாளர் கணபதி ராஜ்குமார் பரப்புரை நடுவே கட்சியினருடன் இணைந்து தனது பிறந்த நாளைக் கொண்டாடி மகிழ்ந்தார். கோவை தொகுதியில் போட்டியிடும் அவர், தனது 60ஆவது பிறந்த நாளை இன்று கொண்டாடுகிறார். காலையில் ராமலிங்க நகரில் பரப்புரையைத் தொடங்கிய அவர், திமுக நிர்வாகிகளோடு கேக் வெட்டித் தனது பிறந்த நாளை எளிமையாகக் கொண்டாடினார். கோவை தொகுதியில் பாஜக சார்பாக மாநிலத் தலைவர் அண்ணாமலை போட்டியிடுகிறார்.
News April 17, 2024
செல்ஃபோன் பயன்படுத்தினால் ஆண்மை குறையும்
புகைப்பிடித்தல், மது அருந்துதல், பதப்படுத்தப்பட்ட உணவுகளை உட்கொள்வது போன்ற ஆரோக்கியமற்ற வாழ்க்கை முறையுடன் செல்ஃபோனை அதிகம் பயன்படுத்தினால், ஆண்களுக்கு விந்தணுவில் டிஎன்ஏ பாதிக்கப்பட்டு குழந்தை பெற்றுக்கொள்ள முடியாத சூழல் உருவாகும் என டெல்லி எய்ம்ஸ் மருத்துவர்கள் எச்சரித்துள்ளனர். மேலும், இந்த பழக்கங்கள் கொண்ட ஆண்களால், அவர்களுடைய மனைவிக்கு கருச்சிதைவுகள் ஏற்பட வாய்ப்புள்ளதாகவும் கூறியுள்ளனர்.
News April 17, 2024
I.N.D.I.A கூட்டணி வெற்றி பெறும்
காசியாபாத் முதல் காசிப்பூர் வரை I.N.D.I.A கூட்டணி வெற்றி பெறும் என அகிலேஷ் யாதவ் கூறியுள்ளார். தேர்தல் பத்திரங்கள் விவகாரத்தில் பாஜகவின் முகத்திரை கிழிந்துள்ளதாகக் கூறிய அவர், 2014இல் ஆட்சிக்கு வந்தவர்கள் 2024இல் காணாமல் போவார்கள் என்று தெரிவித்தார். தங்கள் கூட்டணி மக்களுக்குப் புதிய நம்பிக்கையை கொடுத்துள்ளதாகவும், வறுமையை ஒழிக்கக்கூடிய பல அம்சங்கள் காங். தேர்தல் அறிக்கையில் உள்ளதாகவும் கூறினார்.
News April 17, 2024
OTT-க்கு வரும் ‘ரணம்’
நடிகர் வைபவ் நடித்துள்ள ‘ரணம்’ திரைப்படம், வரும் 19ஆம் தேதி அமேசான் பிரைம் தளத்தில் வெளியாகவுள்ளது. வைபவ்வின் 25ஆவது படமான இதில், நந்திதா, தன்யா ஹோப் உள்ளிட்ட பலர் நடித்துள்ளனர். ஷெரிப் இயக்கத்தில் திரில்லர் கதைக்களத்தில் உருவான இப்படம், கடந்த பிப். 25ஆம் தேதி திரையரங்குகளில் வெளியானது. சடலங்களை வைத்து நடைபெறும் அவலத்தைப் பற்றிய விழிப்புணர்வுப் படம் என்பதால், அனைவரும் நிச்சயம் பார்க்க வேண்டும்.
Featured News
Sorry, no posts matched your criteria.