India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 25, 2024
பிராய்லர் கோழி சாப்பிட்டால் மலட்டுத்தன்மை?
பிராய்லர் கோழியை அதிகமாகச் சாப்பிட்டால் மலட்டுத்தன்மை ஏற்பட வாய்ப்புள்ளதாக சில மருத்துவர்கள் எச்சரிக்கின்றனர். அதே நேரம், பிராய்லர் கோழிகளுக்கு ஹார்மோன் ஊசிச் செலுத்துவதில்லை எனக் கூறும் மருத்துவர்கள், நோய்த் தொற்றில் இருந்து பாதுகாக்க தடுப்பூசி மட்டுமே செலுத்தப்படுகிறது என்கிறார்கள். அந்தத் தடுப்பூசியும் மனிதர்களில் நேரடி பாதிப்பை ஏற்படுத்த வாய்ப்பில்லை எனக் கூறுகின்றனர்.
News April 25, 2024
பரம்பரை வரி என்றால் என்ன?
சில அமெரிக்க மாகாணங்களில் நடைமுறையில் உள்ள ‘பரம்பரை வரி’ என்பது ஒரு தனி நபர் தனது மூதாதையர் மறைவுக்கு பின், பெறப்படும் பரம்பரை சொத்தில் குறிப்பிட்ட சதவீதத்தை வரியாக செலுத்துவதாகும். மூதாதையர் மறைவுக்கு பின், அவரது சொத்துக்களை வாரிசுகள் முழுமையாக பெற முடியாது. அமெரிக்காவில், வரி செலுத்துவோரில் 2% பேரே இந்த வரியை செலுத்துகின்றனர். இந்தியாவில் இதனை 1985இல் ராஜிவ் காந்தி நீக்கியது குறிப்பிடத்தக்கது.
News April 25, 2024
IPL: மிக மோசமான சாதனை படைத்த மோஹித் ஷர்மா
DC அணிக்கு எதிரான 40ஆவது லீக் போட்டியில் GT அணியின் வேகப்பந்து வீச்சாளர் மோஹித் சர்மா மிக மோசமான சாதனை படைத்துள்ளார். அதாவது ஐபிஎல் வரலாற்றில் எதிரணிக்கு அதிக ரன்கள் விட்டுக் கொடுத்த பவுலர் பட்டியலில் முதலிடம் பிடித்துள்ளார். DC-க்கு எதிரான இப்போட்டியில் 4 ஓவர்கள் வீசிய மோஹித் விக்கெட் எதுவும் எடுக்காமல் 73 ரன்களை DC அணிக்கு வழங்கியுள்ளார். அவருக்கு அடுத்ததாக RCB அணியின் பசில் தம்பி (70) உள்ளார்.
News April 25, 2024
தங்கலான் தனித்துவமிக்க படமாக இருக்கும்
பா.ரஞ்சித் இயக்கத்தில் விக்ரம் நடித்துள்ள ‘தங்கலான்’ படத்தின் பின்னணி இசைக்கோர்ப்பு பணிகள் நடைபெற்று வருவதாக இசையமைப்பாளர் ஜி.வி.பிரகாஷ் புதிய அப்டேட் கொடுத்துள்ளார். இது குறித்து அவர் தனது X பக்கத்தில், ‘தங்கலான் படம் தனித்துவமிக்க, மிகவும் ஸ்பெஷலான படமாக இருக்கும். புதிய பாணியில் குரல் பதிவு செய்துள்ளோம். விரைவில் படத்தை திரையில் வெளியிட உற்சாகத்துடன் காத்திருக்கிறோம்’ என பதிவிட்டுள்ளார்.
News April 25, 2024
எல்ஐசி பாலிசிதாரர்கள் உஷார்
எல்ஐசி பெயரில் சமூக ஊடகங்களில் மோசடியான விளம்பரங்கள் வலம் வருவதாகத் தனது பாலிசிதாரர்களுக்கு அந்நிறுவனம் எச்சரிக்கை விடுத்துள்ளது. அங்கீகாரம் இன்றித் தங்கள் நிறுவனத்தின் பெயர், லோகோவை பயன்படுத்தி மோசடி செயல்களில் ஈடுபடும் நபர்கள், நிறுவனங்கள் மீது சட்ட நடவடிக்கை எடுக்க உள்ளதாகத் தெரிவித்துள்ள எல்ஐசி நிர்வாகம், இதுபோன்ற மோசடி விளம்பரங்கள் குறித்துத் தெரியப்படுத்துமாறு கேட்டுக்கொண்டுள்ளது.
News April 25, 2024
ஸ்மோக்கிங் பிஸ்கெட்டுக்கு தடை?
திரவ நைட்ரஜனை பிஸ்கெட் உடன் சேர்த்து சாப்பிட்டு வாய், மூக்கில் இருந்து புகை விடுவது இளைஞர்கள் மத்தியில் ட்ரெண்டிங்கில் உள்ளது. இந்நிலையில், கர்நாடகாவில் ஸ்மோக்கிங் பிஸ்கட் சாப்பிட்ட சிறுவன் துடிதுடிக்கும் வீடியோ பரவி பதற்றத்தை ஏற்படுத்தியுள்ளது. நைட்ரஜன் பிஸ்கெட்டுக்கு எதிராகப் பலரும் குரல் எழுப்பி வரும் சூழலில், பஞ்சு மிட்டாய் போல இதற்கும் தடை விதிக்கப்படுமா? என்ற கேள்வி எழுந்துள்ளது.
News April 25, 2024
மீண்டும் வருகிறார் ‘பில்லா’
விஷ்ணுவர்தன் இயக்கத்தில் அஜித் நடிப்பில் உருவான ‘பில்லா’ திரைப்படம் மே 1 ஆம் தேதி ரீரிலீஸாகிறது. 2007ஆம் ஆண்டு வெளியான இப்படத்தில் நயன்தாரா, நமீதா, பிரபு, ரஹ்மான் உள்ளிட்ட பலர் நடித்திருந்தனர். அஜித் இரட்டை வேடத்தில் அசத்தியிருந்த இப்படம் அவரது திரைப் பயணத்தில் மெகாஹிட் கொடுத்தது. இந்நிலையில், அவரது பிறந்தநாளை முன்னிட்டு தமிழ்நாடு முழுவதும் 150 திரையரங்குகளில் இப்படம் ரீரிலீஸ் செய்யப்படுகிறது.
News April 25, 2024
டி20 தரவரிசை: முதலிடத்தில் சூர்யகுமார் யாதவ்
சர்வதேச கிரிக்கெட் கவுன்சில் டி20 போட்டிகளில் வீரர்களுக்கான புதிய தரவரிசை பட்டியலை வெளியிட்டுள்ளது. டி20 பேட்ஸ்மேன்களின் தரவரிசையில் இந்தியாவின் சூர்யகுமார் யாதவ் முதலிடத்தில் தொடருகிறார். 2வது இடத்தில் பில் சால்ட்டும் (ENG), 3வது இடத்தில் முகமது ரிஸ்வானும் (PAK) உள்ளனர். டி20 பவுலர்கள் தரவரிசையில் அடில் ரஷித் (ENG) முதலிடத்தில் தொடருகிறார். வனிந்து ஹசரங்கா (SL) 2வது இடத்தில் உள்ளார்.
News April 25, 2024
உடல் எடை குறைப்பு சிகிச்சைக்குச் சென்றவர் பலி
சென்னையில் உடல் எடை குறைப்பு அறுவை சிகிச்சைக்காக அனுமதிக்கப்பட்ட இளைஞர், மாரடைப்பு ஏற்பட்டு உயிரிழந்த சம்பவம் பரபரப்பை ஏற்படுத்தியுள்ளது. புதுச்சேரியை சேர்ந்த ஹேமசந்திரன் (26), 150 கிலோவுக்கு மேல் உடல் எடை இருத்ததால், தனியார் மருத்துவமனையில் சிகிச்சை பெற்று வந்தார். இந்நிலையில், இன்று அவருக்கு அறுவை சிகிச்சை மூலம் கொழுப்பு நீக்க சிகிச்சை தொடங்கிய 15 நிமிடங்களிலேயே மாரடைப்பு ஏற்பட்டு உயிரிழந்தார்.
News April 25, 2024
பிரதமர் மோடிக்கு சிக்கல்?
ராஜஸ்தானில் பிரசாரம் செய்த பிரதமர் மோடி, காங்கிரஸ் ஆட்சி அமைத்தால் சொத்துகள் மறுபங்கீடு செய்யப்பட்டு இஸ்லாமியர்களுக்கு வழங்கப்படும் என பேசியது சர்ச்சையானது. பிரதமரின் வெறுப்புப் பேச்சுக்கு எதிர்க்கட்சிகள் கண்டனம் தெரிவித்த நிலையில், தேர்தல் ஆணையத்தில் பலர் புகாரும் அளித்தனர். இந்நிலையில், இந்தப் புகார் மனுக்கள் தொடர்பாக இந்திய தேர்தல் ஆணையம் விசாரணையைத் தொடங்கியுள்ளதாக தகவல் வெளியாகியுள்ளது.
Featured News
Sorry, no posts matched your criteria.