India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 10, 2024
ரஜினியைச் சந்தித்த “ஆர்டிஎக்ஸ்” படக்குழுவினர்
கடந்த ஓணம் பண்டிகைக்கு வெளியாகி 100 கோடிக்கும் மேல் வசூலித்த மலையாளப் படம் “ஆர்டிஎக்ஸ்”. இப்படத்தின் இயக்குநர் நிகாஷ் ஹிதாயத் மற்றும் சண்டைப் பயிற்சியாளர் அன்பறிவ் மாஸ்டர்கள் சமீபத்தில் நடிகர் ரஜினிகாந்தை நேரில் சந்தித்து வாழ்த்துப் பெற்றுள்ளனர். வேட்டையன் படப்பிடிப்பில் இருந்த ரஜினியை அவர்கள் நேரில் சென்று சந்தித்துள்ளனர். முன்னதாக ‘மஞ்சுமெல் பாய்ஸ்’ படக்குழுவினரும் ரஜினியை சந்தித்திருந்தனர்.
News May 10, 2024
குஜராத்தில் நீட் தேர்வில் முறைகேடு
கடந்த 5ஆம் தேதி நடைபெற்ற நீட் தேர்வில் குஜராத் மாநிலம் கோத்ராவில் உள்ள நீட் தேர்வு மையத்தில் மோசடியில் ஈடுபட்ட 3 பேர் கைது செய்யப்பட்டுள்ளனர். இவர்கள் நீட் தேர்வில் உதவுவதாகக் கூறி, மாணவர்களிடம் ரூ.10 லட்சம் வரை பேரம் பேசியுள்ளனர். இதையடுத்து மாணவர்களின் பெற்றோர்கள் அளித்த புகாரின் அடிப்படையில், இவர்களைக் கைது செய்த போலீசார் இவர்களிடம் இருந்து ரூ.7 லட்சத்தைப் பறிமுதல் செய்துள்ளனர்.
News May 10, 2024
வரலாற்றில் இன்று: மே 10
* 1612 – ஷாஜகான் மும்தாஜைத் திருமணம் செய்தார்.
* 1857 – சிப்பாய் கலகம் துவங்கியது.
* 1946 – ஜவகர்லால் நேரு இந்திய தேசியக் காங்கிரஸ் கட்சியின் தலைவரானார்.
* 1994 – நெல்சன் மண்டேலா, தென்னாப்பிரிக்காவின் முதலாவது கறுப்பினத் தலைவரானார்.
* 1908 – அன்னையர் தினம் முதன் முதலில் அமெரிக்காவின் மேற்கு வெர்ஜினியாவில் கொண்டாடப்பட்டது. * குழந்தைகள் நாள் (மாலத்தீவுகள்)
News May 10, 2024
விராட் கோலி புதிய சாதனை
பஞ்சாப் அணிக்கு எதிரான ஐபிஎல் போட்டியில் 92 ரன்கள் அடித்த பெங்களூரு வீரர் விராட் கோலி புதிய சாதனை ஒன்றைப் படைத்துள்ளார். பஞ்சாப் அணிக்கு எதிரான 1,000 ரன்களைக் கடந்த வீரர் என்ற பெருமையைப் பெற்றுள்ளார். முன்னதாக கோலி சென்னை மற்றும் டெல்லி அணிகளுக்கு எதிராகவும் 1000 ரன்களைக் கடந்துள்ளார். இதன் மூலம் அதிக அணிகளுக்கு (3) எதிராக 1,000+ ரன்கள் அடித்த வீரர் என்ற சாதனையையும் படைத்துள்ளார்.
News May 10, 2024
தினம் ஒரு திருக்குறள்
▶குறள் பால்: அறத்துப்பால் ▶இயல்: இல்லறவியல் ▶அதிகாரம்: பிறனில் விழையாமை ▶குறள் எண்: 144 ▶குறள்: எனைத்துணையர் ஆயினும் என்னாம் தினைத்துணையும் தேரான் பிறனில் புகல். ▶பொருள்: பிழை புரிகிறோம் என்பதைத் தினையளவுகூடச் சிந்தித்துப் பாராமல், பிறன் மனைவியிடம் விருப்பம் கொள்வது, எத்துணைப் பெருமையுடையவரையும் மதிப்பிழக்கச் செய்துவிடும்.
News May 10, 2024
வெடி விபத்துக்கு காரணம் இதுதான்
சிவகாசி அருகே பட்டாசு ஆளை வெடிவிபத்தில் காயமடைந்தவர்களை அமைச்சர் KKSSR ராமச்சந்திரன் நேரில் சந்தித்து ஆறுதல் கூறினார். அதன்பின் பேசிய அவர், பேராசை காரணமாக இந்த வெடிவிபத்து ஏற்பட்டுள்ளது என்றார். மேலும், உயிரிழந்தவர்களின் குடும்பத்துக்கு தேவையான அனைத்து உதவிகளும் மாவட்ட நிர்வாகத்தின் சார்பில் செய்யப்படும் என்றார். நேற்று நடைபெற்ற இந்த வெடிவிபத்தில் 8 பேர் உயிரிழந்தது குறிப்பிடத்தக்கது.
News May 10, 2024
இந்த ஆண்டின் முதல் பிளாக்பஸ்டர்
சுந்தர் சி இயக்கத்தில் தமன்னா, ராஷி கண்ணா நடிப்பில் மே 3ஆம் தேதி வெளியான ‘அரண்மனை 4’படம் 50 கோடி வசூலைக் கடந்துள்ளது. ரஜினி நடிப்பில் வெளியான லால் ஸலாம் 30 கோடி மட்டுமே வசூலித்திருந்த நிலையில், அதை அந்த சாதனையை ஒரு வாரத்தில் தகர்த்துள்ளது அரண்மனை. அதுமட்டுமின்றி இந்த ஆண்டின் முதல் பிளாக்பஸ்டர் படமாகவும் இது உள்ளது. விரைவில் இப்படம் 100 கோடி வசூலிக்கும் என எதிர்பார்க்கப்படுகிறது.
News May 10, 2024
பிறந்தநாள் வாழ்த்து போட்டோ அனுப்புங்க
இன்று (மே 10) பிறந்தநாள் காணும் அனைவருக்கும் வாழ்த்துகள். பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க.
News May 10, 2024
தரம்சாலா மைதானத்தில் இதுவே அதிகபட்ச ரன்
தரம்சாலா மைதானத்தில் நடைபெற்ற பஞ்சாப் அணிக்கு எதிரான போட்டியில் முதலில் பேட்டிங் செய்த பெங்களூரு அணி 241/7 ரன்கள் எடுத்தது. இதன் மூலம் RCB பல சாதனைகளை படைத்துள்ளது. இது ஐபிஎல் வரலாற்றில் RCB அணி அடிக்கும் நான்காவது அதிகபட்ச ரன்னாகும். அதுமட்டுமின்றி தரம்சாலா மைதானத்தில் ஒரு அணி எடுக்கும் அதிகபட்ச ரன் இதுவாகும். இப்போட்டியில் RCB அணி 60 ரன்கள் வித்தியாசத்தில் அபார வெற்றிபெற்றது குறிப்பிடத்தக்கது.
News May 10, 2024
பிறந்தநாள் வாழ்த்து போட்டோ அனுப்புங்க
இன்று (மே 10) பிறந்தநாள் காணும் அனைவருக்கும் வாழ்த்துகள். பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க.
Featured News
Sorry, no posts matched your criteria.