India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 2, 2024
ராகுல் யாத்திரையால் கிடைத்தது என்ன?
2024 மக்களவைத் தேர்தலுக்காக நாடு முழுவதும் யாத்திரை மேற்கொண்ட ராகுல், ஒவ்வொரு மாநில மக்களையும் சந்தித்து, காங்கிரஸ் ஆட்சியில் நீதி கிடைக்கும் என வாக்குறுதி அளித்தார். ஆனாலும், தேர்தலுக்கு பிந்தைய கருத்துக்கணிப்பில், பாஜக மீண்டும் ஆட்சி அமைக்கும் எனத் தெரிய வந்துள்ளது. இதனால், ராகுல் யாத்திரை எடுபடவில்லையா? அல்லது INDIA கூட்டணி மீது மக்களுக்கு நம்பிக்கை ஏற்படவில்லையா என்ற கேள்வி எழுந்துள்ளது.
News June 2, 2024
தொங்கு நாடாளுமன்றம் அமைந்தால்?
தேர்தலுக்கு பிந்தைய கருத்துக்கணிப்புகளில், பாஜக மீண்டும் ஆட்சி அமைக்கும் எனக் கூறப்பட்டுள்ளது. ஒருவேளை NDA, INDIA என 2 கூட்டணிகளுக்கும் பெரும்பான்மை கிடைக்காவிட்டால் தொங்கு நாடாளுமன்றம் அமையும். அப்போது, வெற்றி பெற்ற சிறிய கட்சிகள், சுயேச்சைகளை தங்கள் கூட்டணிக்கு இழுக்க பாஜக, காங்., முயற்சிக்கும். மேலும், அமைச்சரவையில் இடம் போன்ற சலுகைகளும் அறிவிக்கப்படலாம் என அரசியல் விமர்சகர்கள் கூறுகின்றனர்.
News June 2, 2024
அதிகாலையில் தினமும் இதை செய்யுங்கள்
அதிகாலை எழுவதால் உடலுக்கு பல்வேறு ஆரோக்கியங்கள் கிடைக்கும். அந்த வகையில், நாள்தோறும் அதிகாலை 4 மணிக்கு கண் விழிப்பவர்கள், எழுந்தவுடன் சிறிது நேரம் அமைதியாக தியானம் செய்யலாம். அதன் பிறகு, முடிந்த வரை 1 லிட்டர் அளவுக்கு சிறிது சிறிதாக தண்ணீரை பருகவும். பிறகு 10 நிமிடங்கள் வரை நடைப்பயிற்சி செய்ய வேண்டும். அதைத் தொடர்ந்து அன்றாட செயல்களை செய்ய ஆரம்பித்தால் அன்றைய நாள் முழுவதும் ஆரோக்கியம் மேலோங்கும்.
News June 2, 2024
உ.பி-யில் எடுபடவில்லையா ராகுல், பிரியங்கா பிரசாரம்?
மக்களவைத் தேர்தலில் உத்தர பிரதேசத்தில், பாஜகவுக்கு பெரும்பான்மை கிடைக்கும் என கருத்துக்கணிப்புகள் தெரிவித்துள்ளன. இதன் மூலம் அங்கு ராகுல், பிரியங்கா போன்றோரின் பிரசாரம் எடுபடவில்லை என்றே தெரிகிறது. குறிப்பாக, அரசியல் ஆதாயத்திற்காக ராமர் கோயில் கட்டப்பட்டது போன்ற பிரசாரங்களை முன்வைத்தபோதும், ஆளுங்கட்சியான பாஜக தனது கட்டுப்பாட்டில் உ.பி., இருப்பதை உறுதி செய்துள்ளதாக அரசியல் நோக்கர்கள் கூறியுள்ளனர்.
News June 2, 2024
பிரதமர் மோடியை மகிழ்விக்க கருத்துக்கணிப்பு
தேர்தலுக்கு பிந்தைய கருத்துக்கணிப்புகள் பிரதமர் மோடியை மகிழ்விப்பதற்கான அரசாங்க கருத்துக்கணிப்பு என காங்., நிர்வாகி சுப்ரியா ஸ்ரீநாத் கூறியுள்ளார். மக்களவைத் தேர்தலில், INDIA கூட்டணி 295 தொகுதிகளில் வெற்றி பெறும் என்பதை ஏற்கெனவே உறுதி செய்துவிட்டதாகக் கூறிய அவர், மக்கள் மீது நம்பிக்கை கொண்டுள்ளதால் தேர்தல் முடிவு INDIA கூட்டணிக்கு சாதகமாக அமையும் என நம்பிக்கை தெரிவித்துள்ளார்.
News June 2, 2024
பிரஜ்வால் ரேவண்ணாவால் தாக்கம் இல்லை?
முன்னாள் பிரதமர் தேவகவுடாவின் பேரன் பிரஜ்வால், நூற்றுக்கணக்கான பெண்களுடன் தொடர்பில் இருந்த வீடியோ வெளியாகி நாடு முழுவதும் அதிர்வலையை ஏற்படுத்தியிருந்தது. இந்த நிலையில், கர்நாடகாவில் பாஜக கூட்டணி அமோக வெற்றி பெறும் என கருத்துக்கணிப்பில் தெரிய வந்துள்ளது. இதனால், பிரஜ்வால் விவகாரம் கர்நாடக தேர்தலில் பெரிய தாக்கத்தை ஏற்படுத்தவில்லை எனத் தெரிகிறது. கர்நாடகாவில் பாஜக-மஜத இணைந்து போட்டியிட்டது.
News June 2, 2024
கர்நாடகாவில் கோட்டை விட்டதா காங்கிரஸ்?
கர்நாடகாவில் கடந்த ஆண்டு நடைபெற்ற சட்டப்பேரவைத் தேர்தலில் வெற்றி பெற்று காங்கிரஸ் கட்சி ஆட்சி அமைத்தது. இந்த நிலையில், மக்களவைத் தேர்தலில் NDA (பாஜக) கூட்டணி 26 தொகுதிகள் வரை வெல்லும் என கருத்துக்கணிப்புகள் கூறியுள்ளன. இதற்கு பெங்களூருவில் நிலவும் தண்ணீர் பஞ்சம், காங்கிரஸ் அமைச்சர்கள் சிலர் மீதான ஊழல் புகார் போன்றவை காரணமாக கூறப்படுகிறது. கர்நாடகாவில் மொத்தம் 28 மக்களவைத் தொகுதிகள் உள்ளன.
News June 2, 2024
ஜூன் 2: வரலாற்றில் இன்று
*1896 – கம்பியில்லாத் தந்தியை கண்டுபிடித்ததற்கான காப்புரிமத்தை மார்க்கோனி பெற்றார்.
*1964 – பாலஸ்தீன விடுதலை இயக்கம் அமைக்கபட்டது.
*1966 – நாசாவின் சர்வெயர் 1 விண்கலம் சந்திரனில் இறங்கியது.
*1999 – பூட்டானில் முதல் முறையாக தொலைக்காட்சி அறிமுகப்படுத்தப்பட்டது.
*2014 – இந்தியாவின் 29-வது மாநிலமாக தெலங்கானா அறிவிக்கப்பட்டது.
News June 2, 2024
தலைநகரை தவறவிட்டதா AAP-காங்கிரஸ் கூட்டணி?
டெல்லியிலுள்ள 7 தொகுதிகளில் 6இல் பாஜக வெல்லும் என கருத்துக்கணிப்பில் தெரியவந்துள்ளது. கெஜ்ரிவால் உள்ளிட்ட தலைவர்கள் ஊழல் புகாரில் கைதானது, காங்கிரஸை எதிர்த்த ஆம் ஆத்மி, தற்போது அதனுடன் கூட்டணி அமைத்துள்ளது போன்றவை, INDIA கூட்டணி தோல்வியடைய காரணமாக பார்க்கப்படுகிறது. மேலும், டெல்லியில் நடைபெற்ற G20 உச்சி மாநாடு போன்ற நடவடிக்கைகள், பாஜகவுக்கு வாக்கு கிடைக்க உதவியதாக தகவல்கள் தெரிவிக்கின்றன.
News June 2, 2024
ராகுலுக்கு பெரும் பின்னடைவை ஏற்படுத்தும்
மக்களவைத் தேர்தல் வாக்குப்பதிவு முடிவடைந்த நிலையில், இன்று தேர்தலுக்கு பிந்தைய கருத்துக் கணிப்புகள் வெளியானது. இதில் பெரும்பாலான கருத்துக் கணிப்புகள் பாஜக கூட்டணி 350 தொகுதிகளில் வெல்லும் என தெரிவித்துள்ளன. ஒருவேளை பாஜக மீண்டும் 3ஆவது முறையாக மத்தியில் ஆட்சி அமைத்தால் காங்கிரஸின் இளந்தலைவர் ராகுல்காந்தியின் அரசியல் வாழ்க்கைக்கு பெரும் பின்னடைவை ஏற்படுத்தும் என அரசியல் பார்வையாளர்கள் கூறுகின்றனர்.
Featured News
Sorry, no posts matched your criteria.