India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 2, 2024
தமிழ் எழுத்துக்களால் ஆன திருவள்ளுவர்
கோவையில் முழுக்க முழுக்க தமிழ் எழுத்துக்களால் ஆன திருவள்ளுவர் சிலை நிறுவப்பட்டுள்ளது. குறிச்சிக்குளம் ஏரிக்கரையில் அமைக்கப்பட்டிருக்கும் இந்த சிலை, 25 அடி உயரம் கொண்டது. ஸ்டெயின்லெஸ் ஸ்டீல் தகடுகளைக் கொண்டு துரு பிடிக்காத வகையில் அமைக்கப்பட்டிருக்கும் திருவள்ளுவர் சிலையை மக்கள் ஆர்வத்துடன் பார்த்து செல்கின்றனர்.
News June 2, 2024
தம்பி உதயநிதிக்கு உறுதுணையாக நிற்பேன்: கமல்
இந்தியன்-2 படத்திற்கு உறுதுணையாக நின்ற தம்பி உதயநிதி ஸ்டாலினுடன் தான் நிற்கும் நேரம் வரலாம் என்று நடிகரும் ம.நீ.ம தலைவருமான கமல்ஹாசன் கூறியுள்ளார். இந்தியன் 2 பாடல் வெளியிட்டு விழாவில் பேசிய அவர், “மக்களை பிரித்தாளும் முயற்சி இந்தியாவில் எடுபடாது. தமிழன் இந்தியாவை ஆள வேண்டும். அதையும் நாம் செய்து காட்டுவோம். என்னுடைய அடையாளம் தமிழன், இந்தியன் என்பதுதான். அதை யாராலும் மாற்ற முடியாது” என்றார்.
News June 2, 2024
இந்தியாவில் மாருதி சுசூகி கார்கள் விற்பனை அதிகரிப்பு
இந்தியாவின் நம்பர் 1 கார் தயாரிப்பு நிறுவனமான மாருதி சுசூகி, கடந்த மே மாதம் விற்பனையான கார்கள் எண்ணிக்கையை வெளியிட்டுள்ளது. அதில் இந்தியாவில் 1.57 லட்சம் கார்கள் விற்பனையாகி இருப்பதாக தெரிவிக்கப்பட்டுள்ளது. இது 2023 மே மாதத்துடன் (1.51 லட்சம்) ஒப்பிடுகையில் 4% அதிகம். அதேநேரத்தில் வெளிநாட்டு ஏற்றுமதி 26,477இல் இருந்து 17,367ஆக குறைந்துள்ளதாகவும் மாருதி சுசூகி தெரிவித்துள்ளது.
News June 2, 2024
பிற நாடுகளுக்காக ஆடும் இந்திய வம்சாவளி வீரர்கள்!
டி20 உலகக் கோப்பை தொடரில் இந்திய வம்சாவளியைச் சேர்ந்த பல வீரர்கள் பல நாடுகளை பிரதிநிதித்துவப்படுத்தி விளையாடவுள்ளனர். அவர்களில் ரச்சின் ரவீந்திரா (NZ), கேசவ் (SA), தேஜா (நெதர்லாந்து), காஷ்யப் பிரஜாபதி (ஓமன்), அல்ஃபேஷ் ரஞ்சனி, ரோனக் படேல் (உகாண்டா), ரவீந்தர், நிகில், பர்கத், ஷ்ரேயாஸ் மௌவா (கனடா), மோனார்க், ஹர்மீத் சிங், மிலிந்த் குமார், நிசார்க், நிதிஷ்குமார், சவுரப் (அமெரிக்கா) ஆகியோர் அடங்குவர்.
News June 2, 2024
பாமக, விசிக, மதிமுக, தேமுதிக எதிர்காலம் என்ன ஆகும்?
2024 தேர்தலில் பாஜக கூட்டணியில் பாமக, திமுக கூட்டணியில் விசிக, மதிமுக, அதிமுக கூட்டணியில் தேமுதிக போட்டியிட்டன. இந்த 4 கட்சிகளுக்கும் குறிப்பிட்ட வாக்கு சதவீதம் உண்டு. பெரும்பாலான கருத்துக்கணிப்புகள், பாஜகவின் வாக்கு சதவீதம் அதிகரிக்கும் எனக் கூறுகின்றன. அப்படி அதிகரித்தால், இக்கட்சிகளின் வாக்கு சதவீதம் குறையும் என்பதால் அக்கட்சிகளின் எதிர்காலம் என்ன ஆகும்? என்ற கேள்வி மக்களிடையே எழுந்துள்ளது.
News June 2, 2024
17 மாவட்டங்களில் மழை வெளுக்கப்போகுது
தமிழகத்தில் இன்று 17 மாவட்டங்களில் கனமழை பெய்யும் என வானிலை ஆய்வு மையம் தெரிவித்துள்ளது. தேனி, திண்டுக்கல், திருப்பூர், கோவை, நீலகிரி, ஈரோடு, சேலம், கிருஷ்ணகிரி, தருமபுரி, வேலூர், திருப்பத்தூர், தி.மலை, கள்ளக்குறிச்சி, பெரம்பலூர், திருச்சி, கரூர், நாமக்கல், மாவட்டங்களில் கனமழை பெய்ய உள்ளதாகத் தெரிவிக்கப்பட்டுள்ளது. தொடர்ந்து, ஜூன் 5 வரை தமிழகத்தில் மழைக்கு வாய்ப்புள்ளதாகவும் கூறப்பட்டுள்ளது.
News June 2, 2024
அடுத்த 3 மணி நேரத்திற்கு மழை
தமிழகத்தில் மாலை 4 மணி வரை மழை பெய்யக்கூடிய மாவட்டங்களின் பட்டியலை சென்னை வானிலை ஆய்வு மையம் வெளியிட்டுள்ளது. அதன்படி, தேனி, திண்டுக்கல், மதுரை, கன்னியாகுமரி, திருநெல்வேலி, நீலகிரி ஆகிய மாவட்டங்களில் இடி, மின்னலுடன் கூடிய மிதமான மழை பெய்யும் என்று அறிவிக்கப்பட்டுள்ளது. அதோடு, கோவை மாவட்டத்தின் மலைப்பகுதிகளிலும் மழை பெய்யக்கூடும்.
News June 2, 2024
ஷூட்டிங் கேன்சல் செய்யும் அளவுக்கு பெரிய ஆள் இல்லை
நேற்று மாலை நடைபெற்ற இந்தியன் 2 படத்தின் பாடல் வெளியிட்டு விழாவில் சிம்பு கலந்து கொண்டார். அப்போது பேசிய அவர், “தேர்தல் சமயத்தில் படப்பிடிப்பில் இருந்தேன். ஷூட்டிங்-ஐ கேன்சல் செய்துவிட்டு வரும் அளவுக்கு நான் பெரிய ஆள் இல்லை. இப்போது கூட ‘தக் லைஃப்’ பட ஷூட்டிங்கில் இருந்துதான் வருகிறேன். உலகிலேயே அதிக கஷ்டப்படும் ஆள் நான்தான்” என்று பேசினார்.
News June 2, 2024
தாயைப் பார்க்க திரும்பி வந்த குட்டி
கோவை மருதமலை பகுதியில் தாய் யானைக்கு உடல் நலக்குறைவு ஏற்பட்டுள்ளதால் குட்டி பரிதவித்து வருகிறது. கிரேன் உதவியுடன் தாய் யானை நிற்க வைக்கப்பட்டிருக்கும் நிலையில் நேற்று மதியம் குட்டி தனியாக காட்டுக்குள் சென்றது. பின்னர், நள்ளிரவில் மற்ற யானைகளை அழைத்துக் கொண்டு தாய் யானையை குட்டி பார்க்க வந்த வீடியோ கேமராவில் பதிவாகியுள்ளது. தாய் யானை தானாக நிற்கும் வரை சிகிச்சை அளிக்க வனத்துறை முடிவு செய்துள்ளது.
News June 2, 2024
13 நாள்கள் மட்டுமே இந்திய பிரதமராக இருந்தவர்
இந்தியாவின் முதல் பிரதமர் நேரு 1964 மே 27ஆம் தேதி உடல்நலக்குறைவால் காலமானார். இதையடுத்து இடைக்கால பிரதமராக காங்கிரஸ் எம்பி குல்சாரிலால் நந்தா மே 28ஆம் தேதி முதல் ஜுன் 9ஆம் தேதி வரை 13 நாள் பதவி வகித்தார். பின்னர் பிரதமரான லால் பகதூர் சாஸ்திரி 1966 ஜன. 11இல் மரணமடையவே, குல்சாரிலால் நந்தா மீண்டும் ஜன.12- 24 வரை 13 நாள்கள் பதவி வகித்தார். அதாவது 2 முறையும் 13 நாள்கள் பிரதமராக பணியாற்றினார்.
Featured News
Sorry, no posts matched your criteria.