India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 2, 2024
அதிமுக 24 இடங்களில் வெற்றி பெறும்: NewsJ
தேர்தலுக்கு பிந்தைய கருத்துக்கணிப்புகளை பல்வேறு ஊடகங்கள் வெளியிட்டுள்ள நிலையில், NewsJ செய்தி நிறுவனமும் கருத்துக்கணிப்பை வெளியிட்டுள்ளது. அதில், தமிழ்நாட்டில் மொத்தமுள்ள 39 தொகுதிகளில், திருச்சி, தென்சென்னை, ஈரோடு, நாகை, விருதுநகர், தென்காசி, கரூர், கடலூர், கோவை, சேலம், நாமக்கல், திருப்பூர், காஞ்சி, கிருஷ்ணகிரி, விழுப்புரம் உள்ளிட்ட 24 தொகுதிகளில் அதிமுக வெற்றிபெறும் என கூறியுள்ளது.
News June 2, 2024
இந்தியாவுடன் பயமின்றி விளையாடுவோம்: படேல்
டி20 உலகக்கோப்பை கிரிக்கெட் தொடரில், கனடாவை வீழ்த்திய பின் பேட்டியளித்த அமெரிக்க அணியின் கேப்டன் மோனாங்க் படேல், அமெரிக்காவில் கிரிக்கெட்டுக்கு இவ்வளவு ரசிகர்கள் உள்ளது மகிழ்ச்சியாக இருப்பதாக தெரிவித்துள்ளார். ரசிகர்களின் ஆதரவோடு தொடர்ந்து சிறப்பாக விளையாடுவோம் எனவும், இந்தியா மற்றும் பாகிஸ்தான் அணிகளுக்கு எதிராக களம் கண்டாலும் பயமற்ற விளையாட்டை வெளிப்படுத்துவோம் என்றும் அவர் கூறியுள்ளார்.
News June 2, 2024
கர்நாடகாவில் காங்கிரஸ் கொடி பறக்கும்: டி.கே.சிவக்குமார்
கருத்துக்கணிப்பு முடிவுகள் கர்நாடக மக்களின் முடிவு அல்ல என அம்மாநில துணை முதல்வர் டி.கே.சிவக்குமார் தெரிவித்துள்ளார். கர்நாடகாவில் இரட்டை இலக்கத்தில் காங்கிரஸ் கட்சி வெற்றி பெறும் என்று நம்பிக்கை தெரிவித்துள்ள அவர், காங்கிரஸ் தொண்டர்கள் வாக்கு எண்ணிக்கையின் போது கவனமாக இருக்க வேண்டும் என்றார். கர்நாடகாவில் 20க்கும் அதிகமான தொகுதிகளை பாஜக கைப்பற்றும் என்று கருத்துக்கணிப்பில் கூறப்பட்டுள்ளது.
News June 2, 2024
24 மாவட்டங்களில் மழை கொட்டப்போகிறது
தமிழ்நாட்டில் அடுத்த மூன்று மணி நேரத்திற்கு (இரவு 10 மணி வரை) 24 மாவட்டங்களில் இடியுடன் கூடிய மழை பெய்யும் என்று வானிலை மையம் தெரிவித்துள்ளது. கோவை, சேலம், தருமபுரி, நாமக்கல், திண்டுக்கல், மதுரை, விருதுநகர், தேனி, தூத்துக்குடி, சென்னை, திருவள்ளூர், ஈரோடு, திருப்பூர், வேலூர், திருச்சி, நெல்லை உள்ளிட்ட 24 மாவட்டங்களில் மழை பெய்யும் எனத் தெரிவித்துள்ளது.
News June 2, 2024
வாழ்நாள் லட்சியம் நிறைவேறியது: அனிருத்
இந்தியன் 1 வெளியான போது தான் கைக்குழந்தையாக இருந்ததாக இசையமைப்பாளர் அனிருத் தெரிவித்துள்ளார். இயக்குநர் ஷங்கருடன் இணைந்து பணியாற்றுவது தனது வாழ்நாள் லட்சியம் என்ற அவர், இந்தியன் 2 படத்திற்கு இசையமைக்க வேண்டும் என 2018ஆம் ஆண்டே ஷங்கர் தன்னிடம் கேட்டதாகவும் கூறியுள்ளார். அந்த பொறுப்பை சிறப்பாக நிறைவேற்றியுள்ளதை, இசை வெளியீட்டின் போது மக்கள் பார்ப்பார்கள் என்றார்.
News June 2, 2024
நோடல் அதிகாரியின் பணி என்ன?
மக்களவைத் தேர்தலுக்கான வாக்கு எண்ணிக்கையின் போது கூடுதல் தலைமை தேர்தல் அலுவலர் ஆனி ஜோசப், பொதுத்துறை செயலாளர் நந்தக்குமார் ஆகியோர் நோடல் அதிகாரிகளாக செயல்படுவார்கள் என தேர்தல் ஆணையம் அறிவித்துள்ளது. நோடல் அதிகாரிகள் தேர்தல் மேற்பார்வையாளர்களை ஒருங்கிணைக்கும் பணிகளை மேற்கொள்வார்கள். தேர்தல் ஆணையத்தின் உத்தரவுகளை எவ்வித தடையுமின்றி தேர்தல் அதிகாரிகள் மூலம் உடனுக்குடன் செயல்படுத்த உதவுவார்கள்.
News June 2, 2024
காந்தியை சிறுமைப்படுத்த மோடி முயல்கிறார்
உலக மக்கள் காந்தியை படத்தின் வாயிலாக அறிந்தனர் என்ற மோடியின் பேச்சினை ஏற்க முடியாது என சிபிஎம் மூத்த தலைவர் ஜி.ராமகிருஷ்ணன் தெரிவித்துள்ளார். வட மாநிலங்களில் தேர்தல் பிரசாரத்தின் போது ஏற்பட்ட தோல்வி பயம் காரணமாக, பிரதமர் இவ்வாறு பேசி வருவதாக தெரிவித்த அவர், அதற்கு பரிகாரம் தேடுவதற்காகவே மோடி தமிழகத்தில் தியானம் செய்ததாக கூறியுள்ளார். காந்தியை 1948ஆம் ஆண்டிலேயே உலக மக்களுக்கு தெரியும் என்றார்.
News June 2, 2024
தமிழ்நாட்டில் வரி வருவாய் உயர்வு
தமிழ்நாட்டில் கடந்த 2020-21இல் ₹85,606.41 கோடியாக இருந்த மொத்த வரி வசூல், 2023-24இல் ₹1,26,005.92 கோடியாக உயர்ந்துள்ளது. கடந்த 3 ஆண்டுகளில் 47.19% வரி வசூல் வளர்ச்சியடைந்துள்ளது. திருவள்ளூர், செங்கல்பட்டு, கடலூர், திருவாரூர், ஓசூர், திருப்பூர், விருதுநகர் ஆகிய இடங்களில் புதிய நிர்வாகக் கோட்டங்களும், 13 புதிய வணிகவரி மாவட்டங்களும் உருவாக்கப்பட்டதால், வரி வசூல் அதிகரிப்பு முக்கிய காரணம்.
News June 2, 2024
வாக்கு எண்ணிக்கை: பொது பார்வையாளர்கள் நியமனம்
சென்னையில் மக்களவைத் தொகுதிகளுக்கான வாக்கு எண்ணிக்கையை முன்னிட்டு பொது பார்வையாளர்கள் நியமிக்கப்பட்டுள்ளனர். தென் சென்னை, மத்திய சென்னை, வட சென்னை ஆகிய தொகுதிகளுக்கு, 3 சட்டமன்ற தொகுதிகளுக்கு ஒரு பார்வையாளர்கள் என்ற விகிதத்தில் 6 பேர் நியமிக்கப்பட்டுள்ளனர். சென்னையில் உள்ள 3 மக்களவைத் தொகுதிகளில், 18 சட்டமன்ற தொகுதிகள் இடம்பெற்றுள்ளது குறிப்பிடத்தக்கது.
News June 2, 2024
ஜூன் 4 வரை வெயிட் பண்ணுங்க: தினகரன்
தேர்தலுக்கு பிறகு அதிமுக தலைமையை ஏற்பீர்களா? என்ற கேள்விக்கு டிடிவி தினகரன் பதிலளித்துள்ளார். அதிமுக தொண்டர்கள் ஒன்றிணைய வேண்டும் என்பதே தனது விருப்பம் என்று கூறியுள்ள அவர், தேர்தல் முடிவுகளுக்கு பிறகு அதுகுறித்து விரிவாக பேசலாம் என்றார். அரசியல் கட்சி தலைவர்கள் கோயிலுக்கு செல்வதை பற்றி விமர்சிக்க கூடாது எனவும், தனக்கு மிகுந்த கடவுள் நம்பிக்கை உள்ளதாகவும் தினகரன் தெரிவித்துள்ளார்.
Featured News
Sorry, no posts matched your criteria.